一大清早就到釜山,周圍行下睇下有咩食,見到好多人係門口就決定食呢間。呢度主要食鮑魚粥、海膽粥、燒魚,一個人食就決定食鮑魚粥。非常之夠味,唔夠咸可以落海鹽吊味/配魚仔食,個粥好綢結,有一隻真鮑魚切開咗上
最後一餐想食多次扒,行咗好多間最後決定食呢度,價錢唔算好平,不過有聖誕套餐就比較抵食,有前菜主菜飲品或甜品,味道唔差,店內音樂一流,好似酒吧咁,不過燈光比較紅
橫跨河兩岸有好多座橋,不過大部分都係行人,呢座橋係少有嘅行車橋,就係最主要大道,電車都係行經呢條橋。
一間唔太顯眼嘅細商場,係亨利街度入,有一個超級市場,係商場最多人嘅地方,而商場通道中間仲有啲攤檔仔,其他仲有一啲百貨公司類嘅商戶,都幾好行
由商場通返出大街嘅步行街,兩邊都仲有好多嘅商店,就好似係購物商場嘅延伸,而且中途仲有啲小攤檔同埋其他商場仔
離大街一個電車站,比較內街,商場都幾多人,感覺都幾平民商場,有大型超市,同大街嘅名牌唔同,都幾好行。
聖殿酒吧連同附近嘅酒吧將內街嘅呢一個區域變成一個熱鬧嘅地方,星期日嘅夜晚全部店都係滿人,係大街上係見唔到呢個景象,而聖殿酒吧本身亦掛上好靚嘅聖誕燈飾
橫跨河兩岸嘅橋中比較出名嘅橋之一,本身條橋係彎形,當同水上倒影連埋就好似個圓形咁,不過夜晚就冇乜特別,另一條七彩色嘅比較搶眼
連接河兩岸其中一條出名嘅橋,夜晚橋上會亮起七彩燈光,而且會慢慢改變,但都係漸變色,無論係橋上定河邊影都好靚
穿過都柏林市中心嘅河,有多條橋連接兩岸,沿住河邊散步可以感受到繁囂鬧市寧靜嘅一刻,而河上嘅橋同兩岸燈光都點綴咗景色
愛爾蘭最出名就係健力士黑啤,酒倉展覽就係必到,同其他酒品牌唔同,唔會見到工廠部分,只係簡單介紹原材料同埋發展史,會教點樣去試黑啤,最後上到頂樓仲有一杯黑啤俾你飲添
成個公園非常大,用行都要個幾兩個鐘,踩單車就最啱喇,公園入面仲有一啲政治建築,總統就係入面宣誓就職,另外仲有個動物園,而公園有個位仲有一群鹿,不過都用咗啲時間先搵到
一間路邊嘅咖啡店,可能因為係星期日同埋小店,所以店入面冇乜人,環境好舒適,係咖啡店應有嘅感覺,而咖啡同嘢食味道都幾好,中午有優惠添
呢座監獄係愛爾蘭歷史佔有好重要嘅部分,一啲嘅政治犯、死刑係呢度監禁發生,導賞員會有講解,如果先了解一下愛爾蘭歷史會相得益彰
一個好似街市咁嘅設計,入面全部都係小店,好似一個市集咁,商戶種類都多,仲有間賣自己整嘅愛爾蘭傳統小食
係啲橫街入面嘅商場仔,但聖誕裝飾都唔差,商場入口附近都係一啲酒吧,都幾熱鬧,而商場中間天井位亦係一間餐廳
購物大道盡頭嘅一個商場,隔離就係電車站,呢個商場唔似其他現代化嘅商場,裝修同埋建築都有啲好似六七十年代咁,入面商店比較冇咁出名嘅牌子或小店
一個行人專用區,兩邊都係商店,道路寬闊,非常好行,所以就成為最多人最熱鬧嘅購物街,中途有啲橫街,入到去就有啲餐廳酒吧
入夜經過見到整個外牆都投射咗光影動畫,俾佢吸引咗,不過就冇入到去參觀,建築物係羅馬式,舊建築加上新鮮事物,好特別
都柏林好多建築物都有投射光影,呢間教堂都唔例外,作為都柏林市中心嘅大教堂,夜晚見到有另一番風味,有種神秘感