4.5
79 条点评
很棒
36
较好
33
一般
9
较差
0
很差
1
Claudia W
纽卡斯尔966 条分享
今日工作好压抑，必须食餐好好嘅，放松吓。嚟到铜锣湾呢一间楼上嘅意大利餐厅。坐低就嗌左个Melon Smoothie，我个妹就要咗杯Bitbitch。饮杯嘢冷静下。首先头盘就嚟个炸意大利云吞，炸得啱啱好，又唔太油腻，好有风味，好配合我嘅Smoothie。前菜仲有田园沙律，份量都唔少㗎，有橄榄油带出香味。主菜就有蚬肉意大利面，比我预计之中更多蚬肉，食极都仲有，意大利面有少少辣，味道突出。再叫多一个西冷扒，厚切，Medium rare。牛筋同肥膏分布适中，入口即溶，大厨嘅手势真系毋庸置疑。最后甜品系Brownie Sundae ，亦都系一个高质嘅甜品，Brownie嘅朱古力香浓，每一啖都有雪糕溶喺上面，系感官上嘅一大享受。我好钟意呢间餐厅，系放工之后，好好慰劳自己嘅一个好地方。
撰写日期：2021年4月13日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Carly Wong
香港217 条分享
有日特然想食西餐， 行过铜锣湾见到一间楼上西餐， 门面同埋餐牌啲相望落都好吸引， 价钱亦都非常合理。 所以决定行入去试下。
前菜我哋点咗炭烧八爪鱼, 牛脷串烧。 主菜点左芝士肉酱天使面同埋 3成熟牛扒配薯条。 因为有红肉喺度所以我哋都叫咗两杯红酒来配。
先讲炭烧八爪鱼， 八爪鱼脚非常新鲜， 烹调嘅时间啱啱好，唔会煮得太老，咬入口非常有弹性。 配上佢哋餐厅秘制嘅辣汁， 味道刺激得嚟又唔会太辣，系一度非常适合嘅前菜。 跟住就系牛脷串烧， 68蚊有两大串非常之抵， 本身好怕食牛脷， 但呢间餐厅嘅牛脷煮得非常之软好易入口而且冇牛骚味， 连我本身唔系太食牛脷嘅人都觉得非常好食。
再讲佢嘅主菜， 天使面煮嘅时间都非常之啱啱好， 感觉上似系煮完有攞冰水浸过咁， 因为天使面咬入去非常有弹性， 唔会软林林太过松散。 再加上好重香草同埋香料味嘅肉碎加芝士， 非常好食呀！
三成熟嘅牛排，时间煮得岩岩好，新鲜嘅牛肉配上最基本嘅调味，可以食到好重嘅牛肉味，好适合钟意重牛味嘅我。配埋带酸味嘅红酒，赞！牛排上面嘅配菜都煮得非常好， 沙律菜配上意大利黑醋， 为咗中和醋嘅酸味亦都喺沙律上面落咗麻油， 令到味道更加突出。 而薯条系啱啱新鲜炸起，好食！
撰写日期：2020年5月24日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Daitodum
香港398 条分享
今天约了爱人吃意大利菜，当然要选一间高质菜。这餐厅格局小小，但有一点意大利风情，上之装修，下之员工打扮，满满意大利风情，非常适合朋友和情侣前来。【Lo Spazio】选择落户在铜锣湾中心。
.
餐厅大部份员工都系外藉人士，感觉非常地道，美式的烹调方式于意大利菜，实力当然不容小觑，而且【Lo Spazio】的价钱比起很多意大利餐厅亲民许多喔。
上到去地方不算很大，餐厅座位数量较少但环境整洁企理够晒是正，一眼望晒非常阔落，疫情既情形，座位都可以唔洗Booking就可以提供，但闻说次之前系好Full架！每次都要Book位可见其受欢迎的程度，之后都建议大家提前订位喔 。
👋CAVA
我自己都几喜欢饮香槟的，所以气泡酒Cava 是不可不识的品种对的来说，皆因Cava 堪称为对法国香槟最有力的回应！泡细致绵密，入口有种青苹果及啤梨的味道仲带点柠檬的酸味。
👋Tempranillo gls $160
男朋友也想喝酒便点了红酒，木桶陈酿，气息以香料为主，整体会较强烈，中等酒体Tempranillo厚身，酒精度也较高，带浓烈深色水果香味。我自己道不太喜欢了。
👋Chicken Tenders $68
呢期不知觉会让人想吃点高热量的食物，就好似呢一个酥炸鸡柳条，好推介喔，够大够长够壮，外皮是嘎嘣脆的金黄色，入口新鲜嫩鸡肉的味道，非常出色既前菜。
呢个鸡柳好滑口、脆口同香口，3样都即刻加晒分仲配上自制嘅沙律酱但又带点微辣，好惹味，好开胃。
👋Spaghetti Bolognese $138
波隆那肉酱～～～见到肉酱都开心呀！呢度既肉酱意粉系有保证的，面条充分吸收肉酱的味道使味道混成一体。由入口至喉咙底异常顺滑，可能因为慢炆肉酱我关系，肉味浓郁。
独特的咸甜味，仍然缠绕心头。
👋Duck Risotto $148
这只鸭跟油封鸭很概似，烧得很香，由油脂包覆鸭腿肉，外皮口感酥脆、香嫩多汁，整碟很有法国传统味道!
炖饭里头加入满满的洋菇、香菇以及欣鲜圃蔬菜，洋葱，好creamy，系最简单的原味。好好食，我地两个都好喜欢。
👋Brownie Sundae $68
甜品方面拣咗布朗尼新地，这杯「布朗尼新地」味道如何？要是你喜欢吃朱古力的话一定会喜欢。要是你不喜欢吃朱古力的话，那便改吃别的好了。
同男朋友开心share，实在太满足啦，这特色新地的味道和口感可真是不错的，云呢拿雪糕淋上朱古力浆，加上微暧嘅半熟朱古力蛋糕更能把口感大幅提升，一冷一热好好食。
我地两个可以每人一人一个喔。
呢一餐真系食得好开心好满足，我地两个好耐都冇试这咁放松啦，别看这小店相貌平平，实质它来头不少啊，吃过好吃便会回头的。
撰写日期：2020年3月13日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
cloud
香港429 条分享
呢到嘅waiter唔系local🙉
全程都要讲英文😂 环境唔错
推荐菜式：
🧀芝士菠菜鬼佬云吞 $118
呢个好好食～调味做得好好
个馅加埋芝士好好食好邪恶🧀🧀
🍝白酒大蚬扁意粉 $128
意粉有口感，仲要啖啖都有蚬肉味
蚬肉都有好多～好鲜甜又大大只
撰写日期：2020年3月10日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
mjqueen7e
香港11508 条分享
近排总系天阴阴，无乜阳光，搞到个人闷闷地，连带心情亦受影响，所以好想出街抖抖气。今次就约埋好友一齐去铜锣湾呢间主打美式意菜的「Lo Spazio」叹个靓 lunch。
餐厅邻近希慎广场，店内地方虽然不大，但可以话系占尽地利，加上入面的餐桌排列得尚算宽敞，座位与座位之间亦留有足够活动空间，不会椅背撞椅背，令人坐得舒服。
餐厅午市以套餐为主，一共有 6 款可供选择，包是日餐汤或沙律，另外还有甜品及餐饮，只需 $88 起，非常抵食。
我哋点了 Soup of the day 同沙律各一。是日餐汤为蘑菇汤，一上台已闻到阵阵香浓的菇菌味，极之诱人。汤身质地浓稠，面头还洒上了香草碎，口感顺滑又重菇味，用料十足。
沙律亦颇大碟，分量相当多，碟内除了有新鲜爽脆的沙律菜外，还加入了爽甜多汁的车厘茄和脆口的面包粒，加埋香浓的碎芝士，清新开胃！
主菜拣左 Chicken Puttanesca ($123) 同 Pan Fried Sea Bass。件鸡扒虽然唔算好大块，但就非常厚身，而且面头还淋满意式蕃茄酱，光是卖相已经十分吸引。拨开酱汁，外皮烤得十分香脆，呈炭烧格仔纹，唔讲仲以为系牛扒，入口外脆内嫩，相当 Juicy，啖啖肉。伴吃的薯蓉非常香滑，加上吸收了肉汁，甘香滋味。
至于另一客主菜 Pan Fried Sea Bass 香煎海鲈 ($128) 亦很有水准，鱼柳大小厚度中等，入口细嫩滑溜，能吃到鱼肉的鲜味，加上鱼皮煎得十分香脆，令人吃不停口。旁边伴吃的配菜，用料亦非常丰富，有意大利青瓜、车厘茄和杂菇等，配鱼肉吃，健康又味美！
餐后还有云呢拿雪糕作为甜品，配埋冻饮，非常饱足，很满意的一餐！
撰写日期：2020年3月6日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
pcsy
香港7075 条分享
又到食晏了，今天和同事们去了一间楼上餐厅，嚟间餐厅来过一次，感觉食物水准不错，服务态度又好，所以值得一来再来。
餐汤是南瓜忌廉汤，份量颇大。南瓜味浓厚，绵滑。整碗饮晒都不会觉得腻喉。
Chicken Florentine
烧鸡去了骨方便食用。烧烤得鸡肉肉汁仍然保留着，不干身。菠菜茸做了酱汁，配搭得好有新鲜感。薯蓉绵绵细滑，好味。
一件小小的朱古力蛋糕，甜度适中，最重要是不多不少，份量刚好。
咖啡不错啊！味道浓厚，回甘余韵持久。
撰写日期：2020年1月14日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Raymond Poon
218 条分享
Green Salad - 这道简单的沙律只包容了沙律菜, 蕃茄仔及脆面包粒. 但黑醋汁味道十分好, 吃得来十分开胃.
Arancini - 这个餐前小吃十分特别, 是炸过的义大利饭酿巴马火腿及Mozzarella芝士. 外脆而内软的口感有少许像炸薯球, 但味道则丰富上许多, 这个义大利炸饭球是全晚的至爱.
Fettuccine di Pollo - 这个奶油鸡肉阔条面是全晚第二爱的一道菜, 阔条面的口感配上奶油绵密顺滑的浓厚酱汁, 虽简单但做得十分出色.
Seafood - C - 星期一的Seafood night有价钱优惠的海鲜可选. 点了份量稍多的C. 里头有两件大带子, 三文鱼, 青口, 八爪鱼. 大带子既入味又弹牙, 鲜味十足. 三文鱼煮得肉质细嫩, 八爪鱼则十分弹牙. 青口主要是朋友想吃, 朋友差不多吃掉8成的份量!
埋单的价格不贵, 每人只是$400, 值得一赞的是店员的服务水平不错. 全晚只看到一位外籍店员处理楼面工作, 但询问问题及下单时招呼都爽手而保持笑容.
撰写日期：2019年10月22日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Bonnie
香港232 条分享
如果唔系朋友带我嚟，我都唔会揾到呢间隐世餐厅。
餐厅主要系外籍人士招呼嘅，不过餐牌都有中英对照，而且环境宽敞，坐得舒适，好啱三五知己饮嘢倾计。
今晚我哋食咗：
烧烤慢煮牛舌 - 好好食而且抵食，$68有两串，由于牛舌系慢煮，所以有口感之余唔会好韧；
酥炸鬼佬云吞 - 呢个都系好好食，特别系中间𠮶个自家制番茄酱，我同朋友系将佢K.O.晒🤣🤣；
手制肉丸意粉 - 肉丸意粉就普普通通冇乜特别；
慢烤半鸡 - 呢个鸡我朋友最钟意，因为好juicy ，虽然得半只但系好适合两位女生嘅份量。
我最钟意佢每日都有优惠：星期日海鲜半价，星期一牛扒半价，星期二至星期六酒有半价。
撰写日期：2019年10月7日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Chappielvie
116 条分享
餐饭好唔好食，取决于同边个一齐食😆系一个伤心愤怒既日子，想出去食餐饭散下心。
烤有机鸡胸沙律🥗
用左贵价既火箭菜、Feta，有机鸡胸肉，配搭同味道都系咁出色。
慢煮鸭腿意大利饭
唔多地方食到鸭腿，所以有鸭腿食我必定会点。呢度又整得唔错。鸭腿烤到香脆但不会干。意大利饭个忌廉汁好香浓但不会腻，因为冇加芝士。磨菇多d好！
Catch of the day
成盘大虾，大蚬、青口，轻轻用牛油加上汤煮带出鲜味！👍🏻👍🏻
食到呢度已经好饱，仲想食埋个Waffle!
即制Waffle，外脆内软又热辣辣已经赢咗。topping 有两大球朱古力雪糕，虽然呢个唔系大牌雪糕，但都好好食！饱到傻都要食晒！
成间餐厅都系外藉员工，好好礼貌，会一路留意你有咩需要，要赞。仲想讲下餐厅会看到铜锣湾夜景，餐厅播住音乐，气氛令人舒服自在。
撰写日期：2019年9月30日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Muisasa
香港443 条分享
2019年9月 • friends
脆炸鬼佬云吞 - 炸意大利云吞是第一次看到，果然很有惊喜！云吞炸得非常松脆，内里富有芝士和菠菜，非常香口
最惊喜是这个自家制的番茄酱，味道非常浓郁，令我吃不停口
慢煮鸭腿意大利饭 - 鸭腿肉非常嫩滑，慢煮的关系令肉质非常腍！意大利饭软硬适中，非常有口感！
烤牛扒安格斯西冷 - 配菜有沙律菜和薯条，可以要求店员给我们最邪恶的蛋黄酱配薯条
牛扒我们点了medium，满满的肉汁，不用其他酱料也很够味！
最后美食当然要配美酒，餐厅今天亦有欢乐时光，这一餐食物高质，环境舒适，我和朋友都吃得很满足
撰写日期：2019年9月12日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
gingerszeto
香港325 条分享
食西餐，沙律大多数都系我嘅餐单入面出现，始终多食点绿色对身体有益又可以清新一下味蕾! 呢客Grilled Caesar ($108)今晚比我遇上佢! 材料都系传统凯撒沙律，爽口沙律菜，香脆烟肉片及多士粒，再洒上大量芝士碎，呢D当然唔少得，而呢客嘅亮点系放系中间嘅一条鳀鱼，味道带咸，整碎佢再混入沙律菜一齐食就岩口味啦!
6点至八点半仲系Happy Hour，各款红白酒，啤酒等有半价优惠!
除左酒类，当然亦有照顾唔饮酒人士，有Mocktail 及咖啡! 呢杯系Tearific ($65)，系由苹果汁，茶，柠檬汁加玫瑰糖浆调制而成，饮落甜美之余又有茶味，好饮㖞!
好耐无食过意大利云吞，而呢客Truffle Porcini Mezzelune ($138)，系由鲜蕃茄粒煮成酱汁，再配上蒜片及菇片而成。酸酸地味道可中和饱肚感!
每只都整齐饱满，入口有黑松露嘅独有香味，而调味好馅料加上软滑外皮，两啖一只，够晒满足!
友人进行减肥计划，鸡肉系佢主食，咁就叫客Roasted Chicken ($178)比佢啦，仲有埋西兰花，椰菜花及车厘茄做配菜!
原只春鸡烧金黄色，外观有好高分呀
皮香又唔带脂肪，肉质几嫩滑，友人表示食得相当放心!
甜品时间出场，呢客Brownie Sundae ($68)，份量足够二人开心分享，一大球云呢拿雪糕淋上朱古力浆，邪恶指数升高，底部系微暧Brownie，两只夹埋一齐食，一冰一暖，香滑嘅雪糕遇上浓香朱古力味蛋糕，难分高下，又唔会甜上加甜而变得好腻，食唔停口!
撰写日期：2019年9月3日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Pto
香港479 条分享
今天在铜锣湾工作，想起很久没有到过亨利中心吃饭，立即相约朋友一同前往，朋友爽快地放工后立即前来与我会合，星期二至六18:00至到20:30 happy hour指定酒精饮品半价，星期一是海鲜之夜，星期日是牛扒之夜以上项目当天18:00-22:00半价，另外还有每日精选以供选择，是夜以一杯红酒作开始
Chicken Tender
本以为鸡胸肉会比较干身一点，但这个扭转我的想法，一点都不乾，外脆内软保留到肉汁
Ox-tongue
人生中吃到最美味的牛舌，厚厚的一件，煮得软绵绵轻轻一切就切开，没有半点油腻感，非常新鲜的青红椒，清新可口
Strip Loin
厚切肉汁浓厚的牛肉味，牛控朋友喜欢至极，伴碟我幼切薯条深深吸引我，好久没吃过热腾腾脆脆我薯条了
Linguine Vongole
看似一道平常的扁意粉，但其实非常考功夫，扁意粉比较吸水煮得太久会稀烂，煮得太短时间会不熟和干身，这里调控得恰到好处，意粉既然有弹性不会太乾，值得一赞蚬肉没有一粒沙，海水味浓
多次前来,没有任何一次令我失望,环境幽雅座位与座位之间不会挤迫，收费不昂贵，在铜锣湾区实在是超值之选。
撰写日期：2019年8月28日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Carly Wong
香港217 条分享
义式芝士肉类拼盘
有两款肉类同埋两款芝士 分别Parma ham, Calabrese, Parmesan同埋Provolone
仲有两块脆多士同埋橄榄
两款火腿味道好均匀 食完之后味道一直keep住系口 很香浓
芝士也很高级 切开后不会很粉碎
卡邦尼意大利面
酱汁都几厚身 唔会太稀 可以俾啲面挂起 而且有大大粒烟肉粒 面亦都好烟韧 唔会煮得过熟 再加埋啲香草喺面头 层次感增加左好多
香烤羊架
有四大件冇骨嘅羊肉 非常之嫩口同埋冧身 好好切同埋好易入口 绝对唔会有好大阵羊so味 而且面头有啲铁架嘅烤纹 卖相再加几分 旁边有薯条同沙律 沙律系用咗黑醋橄榄油 酸酸地会更加开胃
Gingerbell
呢杯真系十级推介如果你系钟意饮姜味嘅饮品 系比起平时ginger ale嘅姜味多出三至四倍！ 再加上少少薄荷味 感觉好清新
Menta Fresca
呢部主要系由荔枝,薄荷同埋Ginger ale组成 荔枝味比较重 甜味多d 我谂多数女仔都会钟意
铺头亦都有好多唔同优惠 例如有steak night 同seafood night 拣啱日子就会有半价
而且逢星期二至六 1800到2030 Happy Hour 有半价 真系好抵㗎
撰写日期：2019年8月28日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
彤樂922
香港52 条分享
1. 慢煮鸭腿意大利饭／Duck Risotto（＄148）🦆🍚
呢个意大利饭真系超好食，饭粒分明又挂满浓浓酱汁，好creamy，而且个鸭一啲都唔韧，仲煮得好入味，绝对要试呀！🤤🤤🤤
彤乐评分：10/10
.
2. 自家制半熟芝士饼配焦糖酱／Molten Cheese Cake（＄78）🍰
真系第一次见cheese cake系咁，一切开有超浓郁嘅芝士酱，劲creamy又特别呀😋
彤乐评分：8.5/10
.
3. 烤有机鸡胸沙律／Chicken Salad（＄88）🥗
沙律菜一啲都是唔会有苦涩味，加咗忌廉芝士好正👏🏻
彤乐评分：8/10
.
4. Seafood B（＄198）🦞🐙🥔
有龙虾、青口、八爪鱼、厨师肠、栗米同薯仔，其实我好怕食青口，但呢个出奇地好食，可能系用咗牛油白酒煮，一啲都唔鯹，仲有入味😋最后仲食哂；而龙虾肉好爽口，其他就正常水准啦
彤乐评分：8/10
.
提外话，佢哋一至日都有做优惠，我哋星期二去，做紧星期二至六(18:00-20:30)House wine同House Spirits beer半价，真系几抵👍🏻
·
5. Cava（＄75with50%disc = ＄37）🥂
酒系嚟自西班牙，浓酒味，但饮完唔会后劲唔会好强，啱晒唔太钟意饮浓酒嘅人😁
彤乐评分：8/10
.
6. Airen（＄70with50%disc = ＄35）🍻
同样嚟自西班牙，闻落酒味唔重，但相反呢款饮落后劲几强
彤乐评分：7.5/10
·
另外，星期日会有50%steak night优惠，而星期一就会有50%seafood night优惠(18:00-22:00)真系几抵👏🏻
__________________________________
.
Lo Spazio
地址：铜锣湾恩平道42号亨利中心7楼
营业时间：星期一至日：12:00 - 15:30，18:00 - 22:00
撰写日期：2019年8月3日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
pcsy
香港7075 条分享
放假来到铜锣湾跟友人午敍，平日的铜锣湾没有周末周日那种压迫感，轻松得多。
去了商厦内的一间西班牙餐厅，午市套餐有多款选择，价钱尚算合理。
今天餐汤是磨菇忌廉汤，好香菇味。质感浓稠。
Risotto Carbonara
如果意大利面和意大利饭要拣的话，我一定钟意意大利饭多啲。每粒饭都沾满忌亷汁，浓而不腻。
甜品是一小块朱古力蛋糕，软熟有浓郁的朱古力香。
咖啡也不错，甘香醇厚。满意的一顿午餐。
撰写日期：2019年8月2日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
…
显示第 1 至 15 页的结果，共 60 页
参见
绝佳中等价位餐厅
查看全部 
附近的最佳景点玩乐
我们衡量会员撰写的点评和酒店、餐厅、景点与此地点的距离，从而决定这些场所的排名。
湾仔/铜锣湾
湾仔和铜锣湾是香港岛的零售中心。这两个地方的街道旁都满是商店、购物中心和餐馆，到处都挤满了匆匆的行人——有游客也有当地人。铜锣湾是世界上租金最高的地方之一，而且同类型的租地要比湾仔更加光鲜现代。而更深入地去探索这个街区，你会发现此地令人目不暇接——在地面建筑中可以找到精品店，逛到小街小巷中则可以找到远离主街道的有趣餐厅和商店。湾仔还在近年经历了一次现代复兴，星街所在的地区涌进了大量的时髦餐馆和酒吧。湾仔和铜锣湾还是香港最具标志性的游览胜地，绝对值得一探究竟。
附近的最佳酒店
查看全部 
附近的最佳餐厅
查看全部 
