放假约咗两位朋友想揾间餐厅可以坐耐啲倾下计，见呢间cafe环境好似唔错，就拣咗呢度。 黑松露碎蛋沙律 虽然话系黑松露，但其实就净系得面头果啲松露酱，碎蛋沙律入面系完全冇黑松露的。多士冇烘过，成碟菜冇乜诚意。 四重芝士薄饼 一上枱就闻到好大浸blue cheese味，唔好blue cheese嘅朋友可能会唔钟意😂 pizza入口就系得芝士味，有少少寡。除咗pizza本体外，仲俾咗一兜蜜糖，加咗蜜糖会盖过哂芝士味，个人觉得唔加好啲。 烟肉卡邦尼意粉 正确嚟讲系白汁意粉，烟肉冇煎香，亦食唔到蛋黄味，味道非常普通。 虽然餐厅门面系cafe，但食物质素同员工服务都系茶餐厅质素，侍应摆低野食时系dum落嚟果种，我就唔会再帮衬。
和朋友相约系沙田食lunch,想坐得舒服啲慢慢倾下计，谂到呢间cafe,有卡位坐，可以慢慢食 我们都选了黑松露珍珠带子虾意粉，汁煮得好 creamy ，份量同料又足，虾同带子都有好多 果然没有选错，想慢慢坐，食物又好味第一时间谂呢间!
今日去沙田博物馆途经Cafeholic, 初次试下呢度既下午茶，点左 香蕉朱古力比利时窝夫$68同 吞拿鱼碎蛋法色多士$68每个餐配杯饮品。美美的可以一试。
沙田出名人流超多，餐厅位置在连接新城市广场的希尔顿中心，这间餐厅算是比较容易揾位。其实食物质素、摆款、价钱也不过不失，要找个地方坐坐吃饭也是个不错的选择。
呢间舖都几奇怪，成班员工唔想做咁款。最近去过几次，首次在门外自己望完餐牌，见下午茶大概四五十蚊一位，店内装修又几靓，整体都合理嘅就准备帮衬啦，咁就企在reception等侍应安排入座。结果店员系四目交投见到我(以及其他准备帮衬的其他食客)，但又唔招呼客人入座，奇奇怪怪咁。 有左呢次经验，之后几次都系当佢茶餐厅咁直接行入去揾位坐。 除左呢样，无乜特别印象了。
在商场购物, 在这个商场的最尾, 发现这间餐厅, 非常非常新鲜肉眼扒, 又薄又 煎 得相当好, 沙律非常新鲜 值得推介畀大家. 帮客人要求坐卡位服务员都可以安排到卡位入座. 可以坐到好 舒服 嘅卡位有可以放置购物的东西.
因为有食过佢下午茶觉得几好所以唻咗食，但系晚餐都几失望，见佢晚餐有5款，我全部叫哂，但佢个牛扒劲唔好食，仲差过百佳自己煎（又多过7成）好硬身，个周打鱼汤有点酸，个味同料仲差过金宝周打鱼汤，我唔会再晚餐光顾
咁岩黎到沙田行街，行到攰一攰，当然要揾啲野食医下肚！沙田无论几时都咁多人，要揾间餐厅坐低食野真系唔容易😫去到冇咁多人既希尔顿中心，发现左一间西餐厅，下午茶款式都多而且价钱都唔贵最重要唔要点等位，就冲左入去坐低了😂 入到去睇睇menu，拣左个卡邦尼意粉，烟三文鱼碎蛋沙律·吞拿鱼班尼迪蛋同埋一个士多啤梨雪糕窝夫！ 卡邦尼意粉好多汁，每条意粉都充满芝士汁，好creamy，不过食得太多会好济！ 班尼迪蛋有2款，一个烟三文鱼沙律，一个吞拿鱼蛋！一次过可以试晒2个口味，正！ 而窝夫就有啲普通，比较淋！面头有云呢拿雪糕同几粒士多啤梨，士多啤梨比较酸！ 整体黎讲环境同野食都ok!
