今日去小辣椒🌶食晚餐，辣得惹味人人爱 好耐无去北角食野，咁今晚就嚟食番一餐有鱼🐟有鸡🐔有猪🐖嘅一餐 食番啲两款开胃小食冷盘先 椒麻鸡🐔 $55 冻食嘅椒麻鸡，椒床味劲香浓，鸡仲好嫩油，又香又好味 鸡丝粉皮🐣 $55 粉皮爽口弹牙劲好味，粉皮仲好大块，麻酱捞鸡丝、青瓜丝，真系好正 之后就食主菜，三款就够哂两个人食，仲食后好饱 酸菜猪肚汤🐖 $68 一嚟就饮番个酸菜猪肚汤，劲多酸菜，又多猪肚，个汤酸酸地够哂开胃，猪肚足料又爽口 糖醋鱼片🐟 $78 当然要叫多款糖醋鱼片，龙脷鱼鱼质够滑，仲好厚好大块，甜甜嘅味道，搞到我食到停唔到口🤭一个人食哂成碟，连啲拌菜(红椒、绿椒、菠萝、洋葱)全部都食清哂😂 藤椒大鱼🐟 $148 椒味劲香浓，未送到枱上已经闻到好香啦，辣得过瘾，鱼质嫩滑不腥，如果加埋个饭一齐食，一定劲好味 食川菜一定唔少得饮品，又酸又辣又甜，要配番杯 冻朱古力🍫 $12 及 两大支哈尔滨啤酒🍻 $17 x2；咁就系最满足嘅一餐，极之满足 小辣椒🌶 (北角) 北角北角道33号
今日约咗朋友聚旧，朋友公司附近有间川菜馆—小辣椒，我地本身都几钟意食辣野，所以决定入去食晚餐😍 秘制香辣蟹 ($298) - 香辣蟹一上枱就香气扑鼻，超级吸引 - 香辣蟹好新鲜，食落好鲜甜 - 肉质结实，食落啖啖肉，好满足 - 蟹膏好多，食到舔舔脷 水煮牛肉地锅 ($208) - 牛肉份量十足，配料都好丰富，有干辣椒、花椒、酸菜等等 - 辣味适中，丰富咗成个味道层次 - 牛肉嫩滑，食落好有咬口，但一啲都唔老，好好味 鸡丝粉皮 ($55) - 份量都okay，配料都好齐全，有青瓜丝、鸡丝，好滋味 - 酱汁好好味，咸咸甜甜，花生味好突出 南瓜饼 ($28) - 三件饼都大大件，煎到金黄色，表面香脆，内馅香软 - 南瓜饼香香甜甜，作为甜点一流 柠檬茶 (冻) ($12) - 甜度适中，味道酸酸甜甜 奶茶 (冻) ($12) - 茶底香浓，味道香甜，系食辣嘢嘅绝配 餐厅内部设计以中国风为主题，配合番川菜菜式，有灯笼作装饰，别具一番风味。地方都几阔落，坐得好舒服😆 员工都几nice，同埋整体食物质素都几高质，下次行经会再encore 😍
朋友知道我钟意食川菜，介绍左一间系北角既正宗川菜餐厅小辣椒俾我。听到个名就知道够晒辣🤣 我地唔敢挑战太辣，全部菜都点左小辣。 毛血旺$188 不得不说呢个毛血旺真心大盘，直程可以用King size黎形容。用料丰富，有黄鳝、猪红、牛柏叶、仲有大量豆芽金针菇。十分野味，系正宗川菜味道👍👍👍 辣子鸡$138 之前系内地食过辣子鸡，一试难忘。于是决定试下呢间小辣椒既辣子鸡！ 真系超正！配料有大量花生同干辣椒。辣味香浓，鸡肉炸得香脆弹牙，好食又唔油。我食晒成碟！！！！😆😆😆 蒜泥白肉 $55 冷盘黎讲真系好大份！！腩肉肥瘦均匀。底层仲有凉皮，味道几特别，酸酸辣辣😆，与众不同。 南瓜饼 店家仲推介左我地食南瓜饼，好似我细细个时嬷嬷煮既味道，好怀念呀☺️☺️☺️。 店家服务好好，知道我地第一次黎食，主动推介菜式俾我地食，每一道菜都好好味呀！下次再黎帮衬☺️☺️
以前喺北角返工，间唔中都会和同事来「小辣椒」吃午饭，餐厅午市以粉、面及客饭为主，价钱非常经济，几十蚊已经有交易，而且要仲免收加一，十分抵食。 今晚约咗朋友聚旧，佢建议来「小辣椒」开餐。太好了！又可以重温餐厅嘅滋味小菜。 店舖虽然系以川菜作主打，不过其实餐牌上还有很多不辣嘅菜式，所以就算不嗜辣者也不用担心。 友人向来识饮识食，所以今次点菜嘅任务，就交由他发办。先嚟两杯冻饮同两款冷盘。 鸡丝粉皮卖相唔错，粉皮晶莹剔透，面头铺满了青瓜丝和鸡丝，入口味道非常清新，蘸上滋味浓郁嘅麻酱，口感更加滑溜，吃起来别有一番风味。 蒜泥白肉亦很值得一试，五花腩片厚薄适中，食落爽弹入味，而且不会太肥腻，能尝到猪肉的嫩香。蒜泥汁微辣带甜，配腩片吃，口感极佳。 主菜点咗枸杞鲈鱼汤、铁板黄鳝 同 松鼠鲈鱼，哈哈，全鱼宴， 估唔到友人同我口味一样，都是爱鱼之人。 枸杞鲈鱼汤 ($128) 和 铁板黄鳝 率先送上，鲈鱼汤汤头熬至奶白色，味道非常鲜甜，材料除咗有一整条鲈鱼外，还配有嫩滑的豆腐、明目的杞子和养生的木耳，绝对是窝心暖胃之选。鲈鱼肉亦相当美味，鱼肉雪白丰厚，肉味鲜嫩，入口完全没有腥味。 另外个铁...板黄鳝 ($138) 亦做得很有水准，上台时仍然滋滋作响，热辣辣、香喷喷。鳝丝条条长短相若，入口软糯而不失弹性，加上均匀地沾上酱汁，食落够浓又够香，好惹味！ 压尾送上嘅松鼠鲈鱼 ($138) 卖相真系一流，昂首翘尾的松鼠造型，刀工如神，绝对系呢道菜的精粹所在。最抵赞就系外层炸到脆卜卜，入面嘅鱼肉仍然滑捋捋，加上酱汁嘅味道酸甜适中，非常开胃，为这顿晚饭完美作结。更多
新学期开始，放工后要番学进修，因此可以在放学后寻找夜间美食😋这晚和同学到一间川菜餐厅食饭，顺便倾下近况，得知在工作上遇到很多不如意的事，希望佢可以重拾信心，吐气扬眉，要知道我会永远支持你的🥺 - 这间餐厅营业至凌晨5时，有很多的川菜菜式，啱哂夜晚想食辣的朋友🤤辣的程度可以选不辣至大辣，像我们不太能食辣，点小辣已经足够😂 - 1. 水煮大鱼 这个水煮大鱼有很多花椒八角和其他香料，味道正宗和惹味👍🏻鱼片有很多块，但我们忘记了询问鱼种，原来大鱼是鲩鱼，有很多的鱼骨呢，真是失策😔 - 2. 干煸四季豆 四季豆经油炸过，与辣椒、肉碎、虾米粒一齐炒，非常香口，用黎𩠌饭一流😋
