哩间餐厅Shine位于北京道 气氛环境都好有情调 晌度好适合谈心、倾偈 同埋啲食物好高质 佢哋嘅德国咸猪手同蟹饼都系我私心大推的👍🏻👍🏻 不过可能因为冇咩人知嘅关系 食饭当日我哋包场咁滞 要趁早嚟食多几次先得！ 🔸黄金手工蟹饼▪️配秘制酸辣酱（$98） 大推👍🏻！ 我本身非常喜欢某大品牌酒店嘅蟹饼，而Shine嘅蟹饼都完全令我食到好满足！首先佢好大块好厚身，切开爆满一梳梳嘅蟹肉，好浓好鲜嘅蟹味！而蟹饼外层嘅炸浆好香脆，成个都好好食！💯 🔸脆炸德国咸猪手配蜜糖芥茉酱（$288） 连平时唔食咸猪手嘅我都大推👍🏻！ 猪手好大份、已去骨切块，方便食用！个皮超级香脆，好似食薯片咁！而啲肉软得嚟有咬口，趁热食仲有肉汁架！ 🔸极上海胆意粉（$238） 个海胆汁超超正！👍🏻👍🏻 成个sauce都系浓浓嘅海胆味，同埋酒香明显，食落又浓又惹味，好creamy，个汁好掂！！意粉质地爽滑挺身，配咁creamy嘅汁都唔觉腻。
识咗10几年嘅好朋友就快生日，经朋友介绍之下嚟到尖沙咀太子集团嘅Shine，呢幢大厦层层都有好嘢食㗎！等我睇吓佢哋啲嘢食系唔系真系咁Shine先？ 🦀黄金手工蟹饼配秘制酸辣酱 $188 呢个手工蟹饼即叫即炸，我冇谂过份量系咁大，通常出面餐厅d蟹饼得豆腐润咁细，但系呢一个竟然系掌心咁大，要用刀叉切，我觉得唔应该叫蟹饼，应该叫蟹肉扒！里面啖啖都系新鲜蟹肉，铺到密一密，老板绝对唔会吝啬！每啖都热辣辣，配搭埋秘制酸辣酱，微微辣好过瘾！值得一赞嘅地方系，食晒成块蟹饼之后系食唔到一粒蟹壳！平时食蟹饼最惊就系食到蟹壳！自己食晒一块好满足🥰 🦞芝士焗加拿大龙虾意粉 $258 OMG!!! 只龙虾大到遮住咗半碟意粉！食得出龙虾并唔系平价货，肉质爽口弹牙，不过如果多啲芝士就好啦🥰 意粉嘅汁有淡淡的龙虾味，但唔会好Heavy，因为只龙虾已经用芝士焗，如果意粉都用好浓嘅龙虾汁去煮的话，就会太over！汁亦都唔会太杰，唔会令到意粉一pat pat，呢个配搭刚刚好，起码令我会有想追住食嘅感觉😋 🥩烧安格斯肉眼扒配野菌红酒烧汁 10oz $388 店员一拎到嚟之前，见到块扒已经有想即刻夹嚟食嘅冲动...！烧得好靓，完全是要求嘅medium rare！朋友食第一块已经即刻话超级好食好正，厨师嘅手势真系非常好！而且块肉眼扒嘅size好大，唔止10oz！配菜嘅蘑菇同焗大蒜都做得非常之好，唔会因为配菜就Hea煮，亦都非常入味同温度够！ 🍹Mixed Berry Soda $58 用咗利宾纳做base，配上杂锦Berries，甜甜地几醒神！ 疫情关系令到呢一栋主要做食肆嘅商业大厦变得有啲冷清，楼下已经唔再见到要排队嘅人龙，说实话有啲心痛！Shine嘅食物每一道都令我非常之有惊喜，以为只系一间普通嘅西餐厅，但系食得出厨师系有心机煮，同佢哋嘅名一样都系咁Shine！同埋有一个位系非常之加分，每一道菜店员同厨师都会等我哋食完一碟先上一碟，但中间系唔需要等好耐，感觉系厨师希望我哋认真品尝每一道菜，唔会似出边餐厅咁一次过上晒所有菜式，食唔切之余仲搞到冻哂！更多
Shine 系尖沙咀已经开左近3年，每到需要庆祝﹑女生聚会或是八婆聚会时，就会选择这间Shine 。 环境可说是型格得来带一点独特的风格。高卡位﹑大长枱或是bar枱都可以满足想慢慢吃饭﹑饮酒﹑partytime。 茶包今日单纯想用一顿好饭满足这一月的辛苦。点上一份SHINE Burger 。 汉堡不单有多层的馅料，而且顶上配有两圈炸洋葱，再配上配菜的薯条，wa份量十足。 男朋友一咬下汉堡时，其实都有一点困难，因为真的太厚了！茶包偷偷咬了一口，烤到刚好的大啡菇配上手打的汉堡肉，真的太好吃了，再加上新鲜的蔬菜，应该可以一口气吃光光吧~ 茶包更欣赏碟上的配菜，因为薯条够热，应是新鲜炸起，调味的咸度刚刚好，外脆内软，如果酱汁上再加多一点点心思，就更好了！ 茶包其实都几钟意法式宝云酥焗羊架，沾上果仁的外皮，稍微煎一下，然后摆入焗炉慢火烤制，羊架的熟度刚好，切开成一点点的粉红色，每一口都是鲜嫩软滑，羊脂的油香，真的令人十分幸福！ 再点上一杯调酒，清爽的感觉，迷人的酒香，真叫人沈醉在这个时空中！
想系尖沙咀揾性比价不错的西餐其实有好多选择，Shine便是其一，环境也不错，适合和朋友一齐谈天说地😜 👉 手工猪肉丸子伴温泉蛋 两粒大大嘅猪肉丸子，食落去又好香脆，再配上温泉蛋，几有新鲜感嘅一道菜式😋 👉 脆香鱿鱼配蒜香蛋黄酱 鱿鱼虽不是炸至金黄，但都好香脆，同清清嘅蛋黄酱都几配合😍 👉 海鲜墨汁意大利饭 海鲜好足料，味道浓，墨鱼碎和饭拌匀，食落去满口弹牙爽口👍
今晚是中秋佳节前夕，决定早一点庆祝，好耐无再来了，加上气氛开始好，心情好决定食一餐丰盛晚餐，对自己好一点。 烧安格斯肉眼扒 3成，5成，7成，我最喜欢7成，卖相加分，牛扒肉味非常浓郁，油脂香，加上肉汁，内里还有粉红色，火力掌握得好好，伴有露笋，焗薯块、车厘茄，加野菌红酒烧汁，大满足！ 芝士焗加拿大龙虾意粉 意粉被满满龙虾汁包裹，龙虾汁鲜味，意粉弹牙，半只龙虾烧得好香，龙虾肉鲜味弹牙，加了车厘茄，酸味中和，感觉唔会油腻。 Apple Juice 香甜苹果汁，清新解渴。 环境干净企理，职员服务周到，虽然外边黑雨，依家满座，食得好舒服！
尖沙咀嘅西餐厅中， 小编最欣赏嘅餐厅之一—「Shine」， 帮衬过都有十次， 水准一直都keep得好好！ 而且每次menu都有新惊喜！👍🏻 🌟推荐❗️🦀黄金手工蟹饼配秘制酸辣酱（$188） Handmade Crab Cakes with Chutney Sauce 曾经有一段时间，「Shine」嘅蟹饼变晒做蟹波， 虽然食得方便，但口感会比较逊色。 依家终于改良返，变返做蟹饼， 仲要系两大块大过拳头嘅蟹饼，正！😍 蟹饼外皮炸得金黄酥脆， 足足有1-2cm厚，超厚身！😳 里面嘅材料好丰富！ 里面除咗有满满嘅蟹肉， 食落仲有一丝丝嘅口感， 仲配上青红椒丝等配料，口感更丰富！ 配上印度甜酸酱（Chutney Sauce），几惹味！ 🌟推荐❗️青酱蝴蝶粉配香煎鸡胸（$198） Pesto Farfalle with grilled chicken breast 蝴蝶粉软硬适中， 青酱均匀地沾满每一粒蝴蝶粉，啖啖滋味！ 鸡胸相当出色！ 用料上乘，口感嫩滑，一啲都唔嚡！ Lychee Sangria（$88） 荔枝味十足，香甜又refreshing， 容易入口，啱晒...女士们！ My Hero（$88） 比较适合gentlement，酒味比较重， 配上多款热带水果汁，好有蓝夏威夷嘅感觉～☺️更多
今次来试位置于尖沙咀的Shine，地点邻近地铁站，比较易找。出后便是餐厅范围，餐厅坐位充足，在门前有张高枱供happy hour饮酒消遣的客人。 就坐后店员贴心地为我们盛了两杯暖水，在这严寒的天气下份外窝心。balloon 食物先点了炸鱿鱼和鹅肝多士作前菜。炸鱿鱼的造法与大部份餐厅厚炸粉方式不同，比较重视鱿鱼自身的口感，新鲜鱿鱼口感比较弹牙。但由于新鲜鱿鱼经烹调后会迫出水份，导致炸脆的口感略有失色，而碟底亦有不少水份存留。 另一道前菜鹅肝多士味道相当不错，烹煮时间恰到好处，令肝油能在口腔内慢慢溶化。加上一小片火箭菜，令甘香味与鹅肝刚好配合。惟独二人晚餐时面对三件多士有点儿尴尬。伴碟的沙律用海盐和橄榄油稍作调味，比味道刺激的黑醋更容易接受。 主菜先点了四色芝士南瓜意大利饭，上菜时只见浓厚的芝士溶合在饭中，又伴有南瓜粒。对拉丝迷是一大褔音，但个人偏好不同特性的芝士（例如咸香的parmesan, 浓烈的blue cheese等）作味道上相辅相成。 由于外界西餐厅普遍都有牛扒意粉之类，反而想一试这家的麻辣手撕鸡。碟上有两只鸡脾， 一撮经调味的麻辣手撕鸡和一碟烤米饼。麻辣劲道刚好，手撕...鸡碎亦平均入味。但鸡脾味道却比较平庸，如再加作味道上变化会更佳。可能受天气影响的缘故，米饼偏硬而在脆口上大打折扣。 但总括而且环境算整齐，对约会和庆生亦是不错选择，如能在食物上再花点心思会令整体用餐体验更上一层楼。更多
庆祝朋友生日。 餐厅环境不错。 牛油果大虾沙律（$88） 份量不大，味道普通。 法式鹅肝多士（$198） 鹅肝满大只，未至于入口即溶，但也算不错。 北海道带子明太子意粉配三文鱼籽（$208） 明太子酱汁做得好吃，甘香creamy，配合带子和三文鱼籽，好味。 法式宝云酥焗羊架（$298） 这个也不错，羊架ok，芦笋好吃。 食物环境都ok，只是性价比不高。
落雨湿湿都要约朋友出街食饭，今晚食饭就拣咗位于尖沙咀北京道12A号太子集团中心6楼的店舖，系西餐厅。 佢既餐牌有前菜、主菜、甜品、沙律、饮品，各类任你选择。 🍲龙虾汤 $78 配上一片脆口面包，面包浸落龙虾汤内，吸收哂龙虾汤既汤汁。龙虾汤又香浓又幼滑又鲜甜，真系好好饮。 🥗牛油果大虾沙律 $118 半份切片牛油果配上6只新鲜爽口的大虾，新鲜既沙律菜、蕃茄、切粒菠萝配上酸酸甜甜又开胃既沙律。 🍛黑松露大啡菇意大利饭 $168 有咬口既意大利饭吸收哂香浓既黑松露汁配上超多既菇类，仲有大大只软身大啡菇，及火箭菜伴碟。食到LamLam脷。 👑北海道带子明太子意粉配三文鱼籽 $208 颜色鲜艳，新鲜既三文鱼籽配上3粒煎到两面金黄色又大大粒既北海道带子，鲜味十足，食完有种置身于海洋中既感觉，微辣既明太子酱又多汁又爽口又弹牙既意粉。 🍹Banana Chocolate $68 香浓既香蕉味同朱古力好夹，又香滑又好味道。配上忌廉及朱古力酱。
煎挪威三文鱼扒配青瓜柠檬乳酪 💰248 8⃣️分 食开牛扒猪扒，偶意都想转换下新口味。三文鱼含有深海鱼油姐系我地口中成日讲既omega 3，对心脑健康有帮助，而且脂肪含量低，都好啱减肥人士食用既！佢地既三文鱼扒有半熟同全熟，小编就选左半熟。佢地将三文鱼扒表面既皮处理得薄而脆口，而里面就肉质嫩滑如剥壳肌肤，但如果一直食落去，会有小小油腻感，但系！青瓜柠檬乳酪就系因为咁，而变得额外重要，佢中和左依仲感觉，更有小许特别既口感，只能说很系绝配。有机会会再食多次。 / 烟鸭胸无花果沙律 💰88 8⃣️分 无花果额外香甜，整体份量亦都令人满意，新鲜嘅沙律菜配合黑醋食令你食欲大增，加上略煎嘅厚身烟鸭胸，绝对系三剑合璧。而且鸭胸带有小许烟燻香气，肉质嫩滑弹牙，唔会就系食菜咁单一。 / 脆炸鱼柳条配他他酱 💰98 7⃣️点5⃣️分 脆炸鱼柳条份量都可多，小编同友人两个人食都真系好足够。鱼柳皮脆肉嫩，完全唔乾，睇得出系未经过社会磨练既下朋友，甚至里面有小许水份，令你感叹人生，出左社会做嘢，都唔好唔记得好似鱼柳一样补水咁鲜嫩呀！ / 传统肉酱千层面 💰188 7⃣️分 份量睇落唔会话好多，但系...满足感同饱肚感绝对系最多既一个菜式。芝士好似完全唔洗钱咁加到好多，然后可以见到每层面都夹住浓厚既肉酱，食落去个饱腹感真系好重，而且好罪恶。对小编而言唯独是味道真系过于浓郁，引致最后食落有小小饱济感。更多
