心血来潮想食pizza，首选当然系呢间长龙店，好好奇系咪咁好食。我地17:30去到直入，食到中途出面已经开始排队，建议预早订枱。 🍽椰香夏威夷人/鸡味浓 Hawaiian Coco/ Beautiful Chick (13”) 呢度嘅pizza出名系因为批底以拿坡里面粉制成，面团全人手搓，连木棍都无用，之后放落800度火炉烘焗，所以批底特别松软，批边凹凸不平多气孔，有朕炭烧味。当日半边批底㶶左啲，略带苦味，同埋上枱𠮶阵只系暖暖地，减左少少分，不过喺香港黎讲已经算唔错。 贪心嘅我地当然叫双拼，价钱以价高者为准，唔驶额外加钱，几乎每款pizza都有落水牛芝士同San Marzano番茄。椰香夏威夷人系番茄酱底，火腿同美式肉肠，最欣赏系落新鲜菠萝，加埋椰丝增添甜味同咬口，较钟意呢款。由于想试埋个白汁就拣左鸡味浓，烤鸡唔鞋，但白汁味道较淡，主要食到火箭菜、红洋葱同红椒嘅味道。 🍽香菌派对意粉 Triple Mushroom Pasta 意粉嘅粉量都唔细，有蘑菇、大啡菇同意大利野菇，洒满parmesan cheese，个汁比较浆口，普普通通。 🍽香蒜芝士焗面包 Garlic Ch...eese Bread 食完13“pizza觉得唔够侯叫埋呢款，估唔到比pizza更出色，呢款面包比pizza更松软烟韧，蒜蓉味好浓郁，芝士多到可以拉丝，面包跟淡淡嘅番茄酱，但我觉得就咁食已经够味，呢款必点！更多
26
17
3
1
1
