旅行者之选是什么？
Tripadvisor 会将旅行者之选大奖颁发给持续获得旅行者好评，并在 Tripadvisor 位列前 10%的酒店、景点和餐厅。
这家餐厅提供外卖吗？
4.5
212 条点评
很棒
156
较好
48
一般
8
较差
0
很差
0
Stephen
香港148 条分享
间中两个人 拍拖出去，食下野真系好开心！早排疫情好转，都见到香港市道好返啲，香港真系要加油💪🏻
嚟到呢间位于北角马宝道嘅火锅店，餐厅装修古色古香，好有宫廷feel，系一间主打养生火锅嘅店
二人食左
康熙花胶鸡窝汤半只$298
～店员教我地先饮汤，之后先打边炉，果然冇介绍错，每一啖都充满胶原浓浓嘅鸡味，汤头非常浓郁
海鲜拼盘$398
～有蛏子皇、大扇贝、九节虾 、大青口和新鲜嘅贝类海产，而家做紧优惠价，原价$498，依家$398就食到，款款都非常新鲜，推介💪🏻
山根$38
～分量非常多，粒粒饱满，而且冇油溢
手打虾蟹子虾滑拼黑松露墨鱼滑
$128
～好足料，整一片片落去汤里面煮，非常弹牙👍
回头率非常高哦🥰🥰
撰写日期：2020年12月8日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Kelly
香港194 条分享
上个月疫情无咁严重时，特登趁妈咪生日，黎呢度食佢至爱嘅火锅，呢度出名有个养颜汤底～康熙花胶鸡汤锅，啱哂贪靓嘅😆
餐厅装修非常典雅，独特有心思，卡位之间，用宫廷式嘅屏风做阻隔，有独立感之余，更添气派！
个汤底果然名不虚传，一个汤底已经包含有超大大块花胶+半只鸡，本身已经熬到金黄色，加上花胶块块都差不多手掌咁大，每一啖都充满胶原！
桂花蚌 ～非常爽口，煮10秒就食得，入口Q弹
脆肉鲩～质感非常脆，鱼质感好扎实，味道鲜甜，新鲜度非常高
乌冬～用上急冻嘅稻庭乌冬，非常弹牙，而且好吸味，好嘅汤底真系连乌冬面都特别好味
希望疫情快啲过去，等我可以再带爸爸妈妈，全家人一齐再出去食架嘢😍
撰写日期：2020年12月7日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Waikuen16
香港795 条分享
之前同女儿去北角滚得囍宫廷火锅小炒食过火锅，古式古香的装潢，宫廷式的格调，令人念念不忘，连老公都话趁秋风起，去食个火锅暧下！老公下圣旨，汤底点咗顺治特色卜卜蚬锅，火锅锅具是烟囱式，以龙为主要图案，具明显的特色。锅内放满卜卜蚬和汤。蚬大大只饱满冇沙，味道鲜甜。汤底亦有蚬的鲜味。鹿儿岛日本黑豚肉，鹿儿岛黑猪的特色是肉质紧致多汁、口感柔软有弹性、滋味甘甜鲜美、脂肪清爽不黏腻。手打蟹子虾滑，虾滑弹牙，加入蟹子增加口感！美国桶蠔，餐牌份量写是一桶，一共四只，桶蠔大只饱满，肉质肥美滑溜，耐煮性高，不失为火锅的好材料。
撰写日期：2020年12月6日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Catherine
香港294 条分享
康熙花胶鸡汤锅~
劲大块养颜骨胶原花胶好吸引呢，
龙头大㶽盛载浓浓鸡汤，店员帮忙把花胶剪开放入㶽，滚起后先尝花胶鸡汤，味道香浓，劲甜劲正，花胶软滑，大家饮完一碗又一碗。
半只鸡份量都唔细，肉质新鲜嫩滑。
牛白肉~
牛脂丰富，滚几秒就熟，非常爽口。
黑松露墨鱼滑~
墨鱼滑爽口弹牙，配黑松露味道独特。
手打芝心牛肉丸~
自家制牛肉丸大粒粒，比乒乓波还要大，
食的时候要小心咬开，内里芝士溶会比较烫口，丰富口感，十分可口。
新鲜菜苗带子饺~
大大只胀卜卜，新鲜菜苗制成，爽口弹牙。
黄金双拼(黄金炸鱼皮+黄金响铃)~
黄金炸鱼皮食得多，黄金响铃都是第一次，即炸响铃加入咸蛋黄蓉，放汤十多秒，咬落异常松脆，太美妙了。
皇帝菜~
茼蒿的好朋友，火锅必吃。
撰写日期：2020年12月6日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Foodaholicman
香港450 条分享
最近天气开始凉凉地真系好适合打边炉
一直都想试吓啲特色火锅
见到朋友推介就觉得一于去试吓呢间滚得起
呢间系一间以宫庭式为主题嘅火锅店
入到去见到啲装修好古色古香
火锅食材款式好多
火锅调味配料亦都有好多选择
客人可以自行加减喜爱嘅调味料
过咗一阵火锅就送到
个锅本身已经够晒特别
可以打卡
我哋嗌左特色卜卜蚬锅
汤底就嗌左唔辣因为想食到卜卜蚬嘅鲜味
蚬肉清甜 最紧要系冇沙
另外亦都嗌咗圣子
呢间嘅海鲜真系好新鲜同鲜甜
手打墨鱼丸亦都好出色真材实料同好弹牙
嚟紧一定会再返去食！
撰写日期：2020年12月2日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Man Iron
香港590 条分享
『滚得囍火锅专门店』装修古色古香，也坐得舒服，和朋友开餐最佳聚脚点。
经饮食apps 订位更有低至68折
有多款精选火锅汤底， 蟹，蚬， 麻辣，药膳，花胶鸡。。款款都想试好难选择。
有小朋友，还是选『康熙花胶鸡锅』（$298半只） 稳阵。
半只鸡嘅份量， 非常足料， 厚厚嘅花胶睇到两眼都发亮 。店员帮忙剪开， 每人都有两，三块， 花胶够厚索满鸡汤精华， 口感味道超正！ 鸡件肉质嫩滑，件件都美味。 一路食一路放入鸡件渌， 大人细路都系得好滋味。
广岛蠔
估唔到依家怕小朋友咁钟意食蠔， 鲜甜肥美😋👍
新鲜菜苗带子饺$98
火锅料碟碟都好够份量， 这碟『新鲜菜苗带子饺』 馅料胀卜卜劲扎实，好巨型！ 果然是新鲜菜苗 ，仲系好嫩绿， 配上鲜味带子， 啖啖滋味！😍f
咸蛋鱼皮并咸蛋炸响铃$88
呢个值得推介， 咸蛋可能食得多, 咸蛋响铃又未试过。 其实一放低就闻到好香嘅咸蛋味， 系有少少 邪恶 ，不过一口咬落， 滋味难忘， 炸得够脆， 每啖都充满咸蛋黄嘅香气， 但味道唔会好喊，恰到好处！
黑松露手打虾丸 $118
以黑松露调味，手打虾丸真材实料， 冇咩沟粉， 所以渌完都系一样嘅size， 非常弹牙结实！😋😋👍
手打芝士牛丸（半份）$68
超巨型嘅牛丸好似乒乓波咁大～ 手打牛丸松化弹牙， 里面系软深黄色嘅车打芝士， 小朋友至爱 ，也是不错的配搭！😋
牛白肉 $148
罕有矜贵嘅部位， 又称牛胸腹， 一只牛只有一公斤这个部位～ 大约渌 30秒左右， 入口有软骨囗感，少少脆口， 继而会感到开始溶化嘅油份充斥口腔， 浓郁嘅牛羶味～👍😋
整体食物出色，店员有礼服务到位， 手打丸款式十分巨型， 大人细路也吃得满足！！
撰写日期：2020年12月1日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
yhyan2003
59 条分享
想睇验下古式古香既火锅，黎滚得囍就岩喇。
滚得囍净系全间店都装修得有好浓厚既中国味道，相当有特式。
主打既顺治特式卜卜蚬锅。
个煲超靓啊，真系睇见都觉得好食。
依个锅系招牌菜，超多蚬系入面，而且每只都好肥美好新鲜😱😱😱
入面既汤系可以饮既，好鲜味，微微辣好暖胃。强烈推介。食哂d蚬先再加清汤打边炉。
黄金炸鱼皮响铃双拼
绝绝绝对系必食！用咸蛋黄去做新鲜既鱼皮同响铃，本身松化脆口再加上每一啖都系满满既咸蛋黄，好邪恶但系又停唔到口🤤🤤🤤
另外仲有大量火锅食材可以选择，手切顶级安格斯牛肉，花雕雕件，日本广岛蠔，黑松露墨鱼滑，手打丸拼盘同唔同既蔬菜。
其中安格斯牛肉质素真系几高，牛肉味好浓，肉质好嫩滑。
墨鱼滑都值得试，好弹牙，加上黑松露既香气好match。
饮品我地仲点左一渣竹蓆茅根，用黎下一下火就fit哂🤣
天气开始转凉，食番个暖胃火锅真系成个人都舒服哂。
撰写日期：2020年11月12日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Marble Jjj
128 条分享
位于北角有名嘅火锅店
门口认住呢张龙椅就知道自己嚟啱咗！
装修完全古色古香我差啲以为自己去咗古装街🤣
佢哋驰名嘅汤底
🎈卜卜蚬锅🍲（ $198 ）梗系要食啦
一开始啲钱系要着
一阵就会擘大晒个口😳
浓汤配埋啖啖肉嘅卜卜蚬唔会有沙好好食呀！
开胃小食就梗系叫
🎈黄金双拼（黄金响铃同黄金炸鱼皮啦✨-$88）
☝🏻即叫即炸蛋黄包住晒😳简直系魔鬼重口味超级惹味精选！🤤松脆嘅蛋黄配埋邪恶炸鱼皮炸响铃🥳🤩简直系令人回味无穷🤤🤤🤤🤤
🎈手切顶级安格斯牛肉（ $288 ）
片片牛肉都雪花分明❄️！
滚一滚几秒就已经食得软绵绵！
口即溶牛牛🐮！果然系安格斯🤤！
🎈花雕鸡件（$88）
劲香绍兴酒味嘅鸡件！
一份例牌都几多😻！
🎈日本广岛蠔（ $98 ）
几大只唔会鯹嘅日本蠔！都几抵食！
🎈黑松露墨鱼滑（ $118 ）
两小碟嘅黑松露配墨鱼滑🦑
又有得玩又有得食！手打墨鱼滑就系唔一样弹牙又劲重「煤气味」🥳✨
🎈手打丸拼盘10粒（ $138 ）
有五款唔同嘅院其中一款都几惊喜嘅就系佢哋嘅牛肉爆芝士丸！小心啲咬如果唔系芝士就整到隔离𠮶个㗎啦🤣☝🏻另外仲有手打珍珠带子墨鱼丸，真系有原粒小带子系入边㗎😳！
🎈油麦菜（$42）🎈山水滑豆腐（$38）
🎈鸡髀菇（ $42 ）🎈黑木耳（ $42 ）
铅笔笔然之后清甜嘅汤底最啱就系食蔬菜🥬索晒个汤底！
木耳爽口、豆腐白滑、鸡髀菇等等
🎈竹蔗茅根（ $68 ）
打完边路惊热气，就饮下佢哋自家煲嘅竹蔗茅根，唔会太甜！清热气又解渴🤩
四个人都饱饱揽住个肚腩仔走🥰🥳
好味😋材料新鲜嘅一餐打边炉！
撰写日期：2020年11月9日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Karen Cheng
香港258 条分享
呢一间位于北角小型商场入面嘅火锅店， 虽然系走平民化路线， 不过由装修至到食物质素一啲都唔啱马虎。
餐厅嘅装修走宫廷风， 门口嘅《龙椅》非常之吸睛， 打卡绝对一流。 里面嘅装修用咗屏风设计， 私隐度够高。
《黄金双拼》 绝对系必选推介！！ 有黄金炸鱼皮同埋黄金响铃， 两款都系即点即炸， 保证热辣辣、。 黄金炸鱼皮可谓食过之最好食， 咸蛋味香浓， 鱼皮够脆， 黄金响铃同样炸得金黄， 两款用来佐酒真系不得了。 可以话系餐前最佳小吃。
食物方面推出咗唔同嘅特色汤底， 有药膳、 麻辣、 老火汤等等选择。 今次就试咗一个清清地嘅《椰子藏鸡浓汤锅》， 椰子救下火滋润， 而且汤底清甜， 最能够食出食物嘅质素同原味。
汤底一送上来令人目不转睛， 有种吞云吐雾嘅感觉， 意境相当浪漫。 细看之下原来大厨用腐竹皮包裹住原只藏鸡， 加上咗椰子水之后再翻滚一下， 就可以起筷。
由于加入咗椰子肉， 汤底越煲越清甜。 嫩滑嘅鸡块吸收咗椰子水的精华， 既有鸡味，亦非常甜美。 大家一定要记得将鸡嘅火喉控制得好，咁先可以食出最嫩滑嘅鸡。
火锅汤底入面嘅腐皮同样系精华所在， 皆因腐皮索晒汤汁， 口感够晒滑溜， 非常美味。
呢一个《新鲜菜苗带子饺》 绝对令人有惊喜， 可谓皮薄馅靓。 呢款饺子味道较为清淡， 最啱就系衬托清甜嘅汤底， 菜苗够新鲜， 口感爽脆， 带子鲜甜， 肉质弹牙，大大粒，质素相当高。
《清酒鲜牛肉》 选用嘅牛质素相当高， 雪花平均， 牛肉呈现鲜红色， 非常之新鲜， 由于加入咗清酒醃制， 食出淡淡酒香。 味唔会浓烈， 同牛嘅香气互相辉映。 轻轻滚一滚之后， 呈现粉红色就食得， 绝不能过火。
火锅一定要叫返一款蔬菜中和一下， 绿油油嘅《油麦菜》新鲜爽脆又无渣， 如此简单嘅食材亦同样用心。
整体而言， 呢一间《滚得囍宫廷火锅》 绝对值得推介。
撰写日期：2020年10月9日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
foodie_talk
香港3885 条分享
见到「滚得囍」又做优惠，晚市全单78折！
咁平，小编梗系唔执输啦！😏
如果小编唔系住九龙区嘅话，
「滚得囍」应该会成为家庭饭聚嘅饭堂～😂😂
餐厅门口有张「龙椅」可以打卡影相，
「圣旨」唔只系for影相only，
仲有各款汤底介绍系里面，
真系可以打开黎「奉天承运皇帝诏曰」～😂😂
汤底有13款之多，
每款汤底都由一位皇帝或者经典历史人物而命名😂。
🌟推荐❗️康熙花胶鸡汤锅（半只）（$298）
汤锅和材料分开上，保证新鲜足料，
鸡汤呈金黄色，可见浓缩左好多鸡嘅精华系里面～
花胶多到覆蓋左半只鸡，😳😳
呢到仲有宫廷式嘅享受，店员仲会将大块花胶逐块剪开方便食用，
花胶炖得软腍，鸡件肉质嫩滑，
汤头鲜甜，胶原感十足！😋
🌟推荐❗️滚得囍饺子拼盘（十只）（$128）
饺子有5款，每款两只，全部饺子大大只，
有和牛芝士一口饺、新鲜菜苗带子饺、韮菜猪肉饺、黑松露野菌饺、黄金沙葛饺，
菜苗饺和韮菜饺多菜少肉，爽脆清甜又健康！
黑松露饺散发着浓郁嘅菇菌和黑松露香，啖啖肉，好正！
黄金沙葛饺中嘅沙葛爽脆，咸香十足！
虽然唔知点解和牛芝士一口饺会叫一口饺，
但个头真系大到一口真系冇可能食得晒😆，「芝」味十足！
🌟推荐❗️黄金双拼（$88）
黄金炸鱼皮+黄金响铃，
黄金嘅意思即系用咸蛋黄去炸，
即叫即炸，保证炸脆，咸香味美，建议一上枱就即刻食！
鬼马油炸鬼（$58）
炸油条中酿入墨鱼滑，
仲有矜贵嘅飞鱼子点缀，不错吃！
唐生菜（$38）都几大份，新鲜爽脆！
打完边炉，梗系要饮返杯自家煲制凉茶滋润下啦！
竹蔗茅根真系好足料，清甜解渴～
撰写日期：2020年9月23日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
mjqueen7e
香港11557 条分享
虽然还有个多星期才到中秋，但天气已经开始有点凉意，又是时候相约好友去吃火锅。
友人非常贴心，知我向来四肢不勤，所以特意订了这间离我家不太远嘅宫廷火锅店。
餐厅位于马宝道马宝学林商场一楼，入口处摆放了一张金碧辉煌嘅龙椅，还没踏进店就已经感受到浮夸的宫廷气氛。
至于室内装潢亦非常之有格调，以中式古典风木材雕花作设计，而座位之间更用上优雅的通花隔栅作屏风，加上每张台上都放了一道「圣旨」，感觉特别有气势。
先看点菜纸，汤底款式非常之多，足足有成 14 款，而配料方面，除了火锅必食的牛肉之外，还有猪肉、手打丸、秘制鱼滑、新鲜海鲜、鸡类、饺子、新鲜蔬菜、豆品类、面食、刺身、炸物和饮品等可供选择，价钱丰俭由人。
友人唔食得辣，又唔想食得太过 Heavy，所以我哋拣咗个清热下火嘅芫茜皮蛋豆腐马蹄锅，再各自选一款火锅配料。
趁汤底未上，先把握时间「混酱」，酱料选择不多，只得四款，不过全部都有盖冚好，干净企理 (宫廷酱芥每位 $28)。
崇德芫茜皮蛋豆腐马蹄锅 ($148) 接着送上，待汤滚后，马上舀一碗试试。汤头很清甜，芫茜味好重，入口幽香扑鼻。捞起可以见到入面有好多滑溜的皮蛋和豆腐，加上爽口的马蹄同红萝卜，用料十足。
至于火锅配料方面，贵精不贵多，只点了两款，有手切顶级安格斯牛肉 ($268/细) 同白鳝片。 牛肉卖相非常靓仔，以干冰盛着，上桌时烟雾弥漫，仙气十足。挟起可以清楚见到牛肉呈漂亮的大理石纹，只须简单灼一灼就食得，入口松化富油香，滋味无穷。
另外白鳝片 ($128) 水准亦不俗，外表晶莹剔透，片片都切得厚薄均匀。肉质非常新鲜，口感软嫩，而且食落仲带阵阵鱼脂香，正！
两个人 KO 咗一大碟牛，食完咁多肉，当然要点番客蔬菜来平衡一吓，拣咗个唐生菜 ($38)，份量合理，入口新鲜爽脆，绝对是火锅好搭挡。最后再加多个出前一丁 ($20)，食完真系超饱肚。
希望迟啲限聚令再放宽，可以约多几个朋友再嚟一齐高兴下。
撰写日期：2020年9月21日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Waikuen16
香港795 条分享
疫情严重，不能去美容院做facial，女儿即想起不如去食花胶鸡汤，以补充骨胶原。佢记得北角滚得起宫廷火锅小炒，除了花胶又厚又大块，餐厅装潢古色古香，充满宫廷式格调。今晚就去补一补！康熙花胶鸡汤锅（半只）：金黄色的汤底香气四溢，浓郁香甜，花胶份量不少，盖满半只鸡另上，侍应将大块花胶剪开方便进食，将花胶和鸡放入汤中滚下就食得，花胶滑嫩中带点爽口， 鸡肉嫩滑，汤头鲜甜，很滋润～够晒滋补！鹿儿岛日本黑豚肉：脂肪分布均匀，肉质鲜美，薄切的肉片透光，完全接近入口即化，柔软程度爆表。蟹皇豚肉饺（半份）：大大只即叫即包，馅料饱满足料，蟹皇豚肉鲜味十足！百花酿豆卜：豆卜吸收汤汁，弹牙又鲜味。鲜腐竹豆味香浓。
撰写日期：2020年7月23日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Munching in HK
香港3062 条分享
📍 滚得囍 🎗
📍 北角 • 马宝道33号马宝学林1楼116-125号舖
太太太挂念他们的花胶鸡汤还有火锅配料了，所以来访第三次💛！
▷ 康熙花胶鸡汤锅 ($298) ◁
「御膳房」准备的菜肴当然用料高贵又好吃，看看这「康熙花胶鸡汤锅」！
份量很大：有半只鸡，还有厚厚的花胶。汤底都已经够果腹啦～
鸡汤味道鲜甜又浓郁，吃火锅前一定要先尝尝汤底！
鸡肉嫩滑；雪白色的花胶带点胶质，非常滋补养颜🥰
▷ 手切顶级安格斯牛肉 ($268) (细) ◁
出场时气势迫人，仙气十足🌬
牛肉油花均匀，色泽鲜红，牛味很浓，很有咬口👍
▷ 黄金双拼 ($88) ◁ ✨ 必点！
鱼皮和响铃，以咸蛋黄包裹，即点即炸。
看起来金黄的颜色十分吸引；吃上来热呼呼又酥脆，每口都有咸蛋黄的咸香，非常好吃！
♡ also ordered:
• 鹿儿岛日本黑豚肉 ($148)
• 滚得囍蔬菜拼盘 ($78)
撰写日期：2020年6月10日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
JY
香港617 条分享
终于试到喇，太耐无打边炉，所以系有啲期待嘅～滚得囍位于马宝道一个商场内，扶手电梯上一层，好易揾。
门口摆放咗一张好抢眼嘅金色龙椅，每枱之间均以屏风相隔，私隐度较高，青花瓷器餐具，亦非常配合宫廷主题。
坐底就先打开枱上嘅圣旨，原来系介绍佢哋嘅汤底，同埋囍字嘅由来，几得意！特别要提一提，呢度服务好好，每位店员都好有礼貌，又有耐性向客人介绍食材，赞👍🏻
四款调味：辣椒粒丶莞茜丶蒜蓉丶葱粒，另外前菜有连壳嘅花生
顺治特色卜卜蚬锅
成个宫廷特式锅冒着烟咁送上枱，非常有视觉效果！本身食唔到好辣，所以就拣咗顺治特色卜卜蚬锅，汤底放有少量辣椒粒，BB辣嘅级数，即轻微辣，合晒我合尺。锅内估计应该都有成五丶六十粒蚬，粒粒开口，肉质鲜甜，好新鲜，仲有大约8-10件切件萝白，性价比算高！好满足！
清酒鲜牛肉
牛肉纹理好靓，脂肪比例分怖平均，放入汤底渌十数秒左右就食得，最惊喜系渌完之后仲有微微酒香，推介！
桂花蚌
桂花蚌爽口弹牙，没有胆固醇和脂肪， 十分健康
新鲜菜苗带子饺 /半份(4只)
十分之足料，名符其实皮薄馅多，每只size大过只匙羹，菜苗好鲜，当中有弹牙墨鱼滑同切粒带子，啖啖鲜味，饱肚之选
黄金鱼皮
即点即制嘅脆炸鱼皮，热辣辣上碟，啖啖咸蛋黄沙，充满咸香，好邪恶！
足料竹蔗茅根
清楚见到樽内有竹蔗、茅根、马蹄丶红萝卜，名副其实足料！一渣大约斟到4-5杯，味道清甜，解渴良
撰写日期：2020年6月6日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
foodie_talk
香港3885 条分享
小编第二次黎「滚得囍」打边炉，
一直念念不忘那自家制沙葛饺，
小妹就第一次黎，
佢见到门口张「龙椅」仲话要坐下，😂
仲有「圣旨」到，
不愧为「宫廷」！😆
汤底有13款之多，
款款汤底都由一个皇帝或历史人物命名😂～
顺治特色卜卜蚬锅（$188）
好多蚬呀！😍
全部蚬都好大只，
多到一个碗都装唔晒，
粗略估计应该有50-60只，好夸张！😂😂
最重要系冇沙！
成个汤底都好清甜！
配上白萝卜，吸晒汤汁，味道一流！☺️
🌟推荐❗️滚得囍饺子拼盘（十只）（$108）
有和牛芝士一口饺、新鲜菜苗带子饺、韮菜猪肉饺、黑松露野菌饺、黄金沙葛饺，
小编最钟意多菜少肉嘅菜苗饺和韮菜饺，☺️
虽然带子个头比细，但胜在够鲜香清新！
黑松露饺散发着浓郁嘅黑松露香，配上菇菌简直系perfect match！👍🏻
口感最特别系🌟推荐❗️黄金沙葛饺，
沙葛爽脆，带少许咸蛋香，小妹最爱！😏
和牛芝士一口饺一咬开就爆晒汁，肉香味美。
🌟推荐❗️手切顶级安格斯牛肉（$348）
份量都算合理，
牛肉油花分布均匀，
涮熟左之后肉质软嫩又不失嚼劲，肉香十足！👍🏻
油麦菜（$38）
都几大份，新鲜爽脆！
整体来说，卜卜蚬真系最值得推荐，
份量真系好多
我地俩口子食完个锅之后基本上都饱左一半～😂
一定要再黎第三次！😎
撰写日期：2020年1月28日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
…
显示第 1 至 15 页的结果，共 54 页
参见
