Weekend又系奖励自己食个靓早餐既时候~钟意呢间餐厅可以用Apps攞位唔驶等位等到由早餐变午餐!去到已经好多人系出面排紧队，就算用左Apps都要系出面等一阵! 早餐餐牌入面既选择唔多。但每个餐都必定配撘一份鸡蛋~可以选烚蛋、炒蛋或者煎蛋~佢地既鸡蛋系用日本蛋，蛋黄既色泽好橙色，味道亦好浓!我一向偏爱食炒蛋，但我见好多台客都叫烚蛋，而剥出黎之后个蛋黄颜色系好吸引!我下次都想试下! 而今次我就叫左仿鲍鱼火腿丝通粉配炒蛋同牛奶厚多士，老公拣左沙嗲牛肉面配火腿煎蛋牛奶厚多士。 ✨仿鲍鱼火腿丝通粉配炒蛋及牛奶厚多士✨ 鲍鱼火腿丝切得够幼，可以用匙羹一啖将鲍鱼丝、火腿丝同通粉放哂入口，汤底系浓郁既奶白色，份量亦算多，食完一碗够哂饱肚! 呢度既炒蛋炒得好滑唔会过熟，仍留有少少蛋浆既质感，系我最喜欢既炒蛋口感~而且日本蛋蛋味浓，无论就咁食定摆上面包食都好食! 而牛奶多士似美心买果只牛奶面包再烘成多士，唔算大块但好厚，烘得香脆唔会过㶶!同样本身多士有味，就算唔配鸡蛋上去或者唔搽牛油上去就咁单独食都好够味!食哂成个餐饮埋杯热柠水真系非常饱肚! ✨沙嗲牛肉面配火腿煎蛋及牛奶厚多士✨ 茶餐厅...食面最怕食到煮得过熟既公仔面，呢度既面就煮得恰到好处，唔会过熟亦唔过硬。而且牛肉占既比例好多，沙嗲酱味道亦唔过咸。呢度煎蛋卖相亦相当讨好，蛋黄流心一吉就流哂蛋汁出黎，同火腿配埋多士黎食确系一绝! 总括而言食物方面系一流的，但环境方面由于堂食座位唔多，坐得都有D逼。而且因为坐得太近，讲咩都会俾隔离左右听到，不过想食新鲜美味的都建议堂食，因为试过外卖番屋企食，可能温度有异，味道远不及堂食的。有重要野讲既话都系留番食完先慢慢倾啦~系度都系专心享用美食吧!更多
这里的食物跟一般香港茶餐厅差不多， 我这里吃了早餐， 也是经典的粉面多士和炒蛋。 这间的装修给人怀旧香港的感觉，很特别。 我食物便没有什么特别，一般茶餐厅吧。
很少到＂香港地＂，因为每次也要排队等候，今天本来打算到这里楼下的茶楼，但可能由于附近的 food court 关闭了，来茶楼的人比平日多几倍呢！所以就上来到＂香港地＂。最后也等了大约15分钟，在将军澳区揾食不容易。 今天点了一个午餐-重量咖喱猪扒饭餐，附送饮热饮$62。猪扒十分大件，热烘烘炸起，酥炸脆口，咖哩偏辣但可以接受，整体味道很好，只是饭量很小，是普通快餐店的一半饭量。 另外点了焗厚切鲜茄焗猪扒饭，猪扒够厚够淋，味道不错，只可惜没有饮品，冻奶茶需要加$20。 在香港地吃一个午餐真的不便宜，在＂香港地＂人均消费也要七十多元一个午餐。
