这里可以使用信用卡吗？
4.0
44 条点评
很棒
10
较好
31
一般
3
较差
0
很差
0
mjqueen7e
香港11555 条分享
今日约咗个朋友去油麻地交收，顺便一齐食晚饭。由于大家好耐无见，所以好想揾一间既坐得舒服又可以倾下计的餐厅。
好彩友人早有准备，带咗我嚟呢间取名「Plato」嘅楼上 Café。餐厅地点非常就脚，由港铁油麻地站 C 出口步行过嚟，亦只是两分钟路程。
餐厅嘅布置好优雅，环境舒适，气氛轻松自在，而这天我俩被安排坐在窗口位，可以眺望繁华嘅弥敦道街景，感觉特别写意。
呢度嘅食物种类都唔少，而且价钱都几大众化，餐牌有散点，亦有套餐供应。我哋叫咗两个 Dinner Set，套餐包是日餐汤、蒜蓉法包及 $34 饮品一杯，而 $34 以上就只需补回差价。
是日餐汤为杂菜清鸡汤，杂菜汤用料十足，除了蔬菜外还有不少肉粒，入口带鸡汤嘅鲜味。蒜蓉包烘得很香脆，蒜味同牛油味都好足，配餐汤吃，美味又可口。
先吃卡邦尼烟肉意大利粉 ($128)，意粉嘅火候掌握得恰到好处，烟韧而不过腍，有嚼劲。酱汁软滑 creamy，入口有好浓郁嘅芝士味，唔错。烟肉下得很慷慨，夹杂在意粉内，送上来时已切成条状，味道啱啱好，不过咸又不太淡，食落有肉香。
另一客苏格兰比目鱼扒 ($198) 质素亦甚高，鱼扒睇头十足，劲大件，煎至四边金黄，鱼皮食落好脆口，鱼肉雪白亮泽，片片分明，入口啖啖肉，细嫩得嚟又无骨，配上香气四溢的松露野菌汁吃，超美味。至于伴吃嘅配菜份量亦唔少，有香草牛油焗薯仔、西兰花同沙律菜等，够晒饱肚。
跟餐饮品点咗柠檬生姜茶同冻柠茶 (+$4)，生姜茶虽然只系用茶包冲泡，不过茶味同姜味都几突出，绝对系暖胃之选。
最后我哋仲加咗件朱古力芝士蛋糕 (+$28) 做甜品，件蛋糕嘅朱古力味真系好浓，甜得嚟又有啲甘甘地；面头嘅朱古力浆好幼滑， 令件蛋糕吃起来带点湿润感，食完真系超满足。
撰写日期：2021年4月14日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Leo Girl
香港542 条分享
趁Lunch time同朋友叙旧 拣咗间喺油麻地楼上既Cafe 之前已经食过佐敦分店。依间餐厅坐得舒服 望到楼下繁忙既弥敦道。Chill住食高质西餐 而且价钱合理 拍拖/聚会都好适合～
✅ 香煎澳洲肉眼牛扒 ($128)
牛扒超高质 切开系粉红色 即使7成熟 都够晒juicy 肉质够柔软！酱汁少少偏咸 建议唔洗点咁多。 薯条有惊喜 炸得超香脆 食唔停～
✅ 香煎比目鱼 ($88)
比目鱼煎得岩岩好 肉质嫩滑 点埋刁草忌廉汁 成个口都系鱼香味😍
➡️ 罗宋汤&蒜蓉法包
罗宋汤正常都几足料。包好香蒜蓉味不过少少偏唔够硬～
✅ 红桑子草莓茶
餐包埋 正价$34. 超香果味 而且唔甜 饮完都觉得养生 推荐🤩
🦁 Plato Cafe & Bistro
油麻地弥敦道483-485号2楼
佐敦吴松街186-188号地舖
🦁 人均消费：$120｜回头率: ❣️❣️❣️❣️/ 5
撰写日期：2021年3月30日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Hinsonfoodhk
香港27089 条分享
餐厅：Plato Cafe & Bistro (油麻地)
地址：油麻地弥敦道483-485号2楼
中午时间去咗油麻地呢间楼上黄店Cafe食晏🍽，late afternoon嚟嘅好处就喺唔会阻到人做生意，又可以坐耐少少喺度做嘢
之前已经去过Plato Cafe & Bistro嘅佐敦分店，今次系第一次嚟油麻地店，因为位于楼上，私隐度更加高，亦都坐得舒服啲😚
原本谂住叫个美国安格斯西冷牛扒($138)，点知咁岩冇晒货，所以就转咗个肉眼扒俾我🥩；跟餐有蒜蓉多士同餐汤🍲，仲包一杯$34嘅饮品，依家6:00禁堂食，相信好多餐厅都有一定压力，既然喺黄店消费紧系要阔绰少少🤏
餐汤加$28转咗个法式龙虾汤🦞，虽然就冇龙虾肉，但系都食得出用咗好浓郁嘅龙虾茸熬制；肉眼扒叫咗七成熟，切开系我想要嘅熟成比例😍，火候掌握得几好👍，仲加咗啲香料醃制，无论喺卖相定系食落都唔差，睇吓！切开啲肉汁仲不停流出嚟添🤤
最近学紧咖啡拉花🌹，当然唔少得叫杯Rose Latte(加$14)欣赏吓人哋啲拉花作品啦☕️，果然无叫错😎，有一朵好靓嘅心心花❤️，希望有一日我都可以拉到咁靓啦
总括嚟讲，临近圣诞有趣致嘅圣诞装饰🤶，食物质素唔错，而且餐厅职员都密密收碟同加水，要庆祝生日、倾偈定系饮杯咖啡做吓嘢都一样得，呢间值得再encore🤓
撰写日期：2020年12月15日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
C.M.
香港208 条分享
位于酒店的二楼，却要从旁边的大厦入口进去，十分容易错过门口。光顾当天客人不多，而且每组客人分开位置很远，大声一点谈话也没有问题。食物分量偏大，食物味道佳，而且饮品也十分有特色，值得一试。
撰写日期：2020年1月17日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Ming K
香港357 条分享
系PLATO仲未搬之前，我已经食过，当时仲系一间小小的餐厅，而家搬左之后大左又靓左好多望一望MENU，晚餐好有多SET选择，有一杯饮品跟送
撰写日期：2019年7月13日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Lin L
香港373 条分享
周日中午出来佐敦，在九龙公园行完晨运之后，在附近揾下野食，在吴松街口就见到间几靓仔既西餐厅，见入面光猛又多人食，所以就入去试下。
午市SET LUNCH都几多选择，而且价钱都OK WOR，仲包埋汤同野饮。
餐汤忌廉汤，配2条面包条。
我选了意式大虾意大利粉，弹牙爽口而且不太油，咸味适中，夏日热天食都几好，清清地几FRESH的感觉。
意式香草大虾意大利粉 - $ 78
因为香港最近冇猪食，所以叫左个西班牙猪鞍架，好厚好林，有些少肥肉好好食，又唔会太腻的口感，唔错。不过薯条就硬天少少, 可能炸左一段时间。不过整体都OK。
西班牙黑毛猪鞍架配薯条 - $ 128
SET LUNCH包一杯$32的饮品，见佢餐牌好多好吸引既特饮，忍唔住要加$都要试下先。呢个OREN奶昔，冇人我失望，好靓仔又好好饮~~~~夏天见到咁大杯野饮，真系令人好兴奋~~~奶昔好香，系饭后好正既甜品。
OREO奶昔 -
西班牙咖啡，第一次叫因为唔知系咩来就想试下，好香好滑的咖啡，没有苦味，可能是因为有球雪糕既关系吧wow呢个真系好好饮，冇个奶昔咁饱，一边饮一边倾计，星期日的中午真系好正。
西班牙咖啡 $ 48
最后都系叫左个甜品，SET LUNCH加$38就有，是朱古力心太软，可能特饮太好味，相对之下呢个就冇咁吸引了。
心太软配雪糕 -
整体好好味而且好饱，特饮令人难忘，下次有朋友都可以再来食TEA或饮野倾计，是一个好舒服既地方。
撰写日期：2019年6月18日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
海馬媽媽
香港196 条分享
假期总是做无饭家庭，玩完去到油麻地附近，想到这一间西餐厅，就试下啦!😬
环境都舒适、宽躺，唔会好迫~
地点就在油麻地港铁站出口旁5分钟内步程~
夜晚有多款晚市套餐提供，价钱由 $108起，包餐汤、餐包、主菜、饮品，3-course menu! 性价比高~
又介绍下今晚食左咩先~
卡邦尼烟肉意大利粉 🍝
卡邦尼外貌不错，味道浓郁Creamy，意大利粉煮得弹牙，每条意粉都上到酱汁，清碟之选!
黑松露野菌意大利饭 🍛
黑松露酱汁味道浓郁，配上野菌加意大利饭，好夹，而且饭煮得不硬，阿仔食左好多!
芝士牛肉汉堡配沙律及薯条 🍔
Burger好大个，有惊喜! 牛肉汉堡可选五成熟、七成熟或者全熟，有得按个人喜好煮牛扒，七成熟非常 juicy 刚刚好，包皮外脆内软。配上刚炸起脆脆粗薯条及沙律菜，两个人食都够!
苏格兰比目鱼扒 🐟
(配香草牛油焗薯仔粒、西兰花、沙律)
比目鱼扒同样好大份，鱼皮非常香脆但鱼肉仍非常嫩滑，但细骨比较多，大人小朋友食既时候都要好小心，唔可以大啖食!
BBQ 烧猪仔骨配沙律及薯菜🐷
猪仔骨好惹味，烧汁甜甜地，肉质嫩滑Juicy，份量大，几个人share食最啱!
带小朋友去都唔错，餐厅有BB椅及儿童餐具提供，而且亦好细心送上餐具之前再用热水冲一冲先，值得加分!
以上套餐包一杯34元餐饮、餐汤及餐包~
我们一班大小朋友都食得开心~
撰写日期：2019年5月14日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
happykma118
香港52 条分享
趁几日假期，一枝公去左九龙公园hea左个下午，之后向附近食埋饭才返屋企，间中静静地俾自己真正放吓假。 好多餐厅都钟意搅既活动，舖头同食客大家都有着so。不过，我懒所以冇join。
平时食饭讲饭香同埋干噌噌的，这个龙虾汁海鲜意大利饭，湿湿绵绵的几好味。
一般西餐厅都会供应的西汤，不会太浓及太咸，合格!
Rose Latte 加左cream去冲制，比剩系用奶的味道好好多同滑好多。
食饱叹番个焦糖朱古力蛋糕，好满足!
撰写日期：2019年4月29日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Mandy MYK
35 条分享
同朋友系附近行完街，醒起之前系呢间餐厅食过下午茶，质素都ok，于是就去试一试呢到嘅晚餐。就咁睇餐牌，价钱唔算好平，不过望下周围嘅人d野食嘅份量都唔少。
当我哋好苦恼唔知食咩好，侍应就推荐呢个2人set比我哋。有前菜，有汤，有饭有排，仲有甜品，都几丰富d野都岩我哋食，所以就直接叫个二人set。
汤嘅味道偏淡，但都有阵阵粟米香味。
沙律菜就好新鲜爽口，酱够多够均衡。
猪鞍架好大好吸引，切嘅时候就feel到d肉好松软，食落口感都唔错，又好有肉味，几好！
之于个意大利饭，湿度适中，鲜味足够，而且材料都好丰富，友人几欣赏个饭，差唔多一个人KO晒成碟。
最后上埋个甜品，卖相都吸引，朱古力焦糖蛋糕唔会好甜好腻，加埋雪糕，正呀！
撰写日期：2019年3月12日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
rita
香港389 条分享
叫左两份set dinner，餐汤、主食同埋一杯$34饮品。
是日餐汤薯蓉忌廉汤配长条饼干
【德国脆皮咸猪手】$228
上菜前就好体贴甘帮得地切好，皮肉分离，怕肥既人就吾洗甘麻烦自己剥皮，不过话明食得猪手当然要食佢既精髓猪皮啦，脆到似食墨西哥玉米片，食落又吾油腻。味道方面就吾够咸香，而且冇咩酱汁提供比我地蘸酱黎食。德国咸猪手黎讲肉质算系较柔软，吾会食到到牙骹软。配菜有
炸薯仔炸车厘茄。
【龙虾汁海鲜意大利饭】$168
虾、青口、元贝笋、三色椒、菌菇，仲有火箭菜点缀，龙虾汁吾系好到位，好在有一大片烟燻三文鱼提升返啲味道，意大利饭软硬刚好。
【英式奶茶】$36
【热柠檬姜茶】$34
饮品只系茶包冲，颓左啲。
撰写日期：2019年3月11日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Christy
香港407 条分享
今晚朋友喺佐敦放工，话食过尼间嘅lunch唔错，想试吓dinner，我哋一行三人八点几嚟到，冇乜人，坐得舒服，隔离枱仲喺度计划紧旅行嘅嘢，难得地舖唔会有压迫感。
⭐️鹅肝忌廉天使面
好耐冇食过鹅肝，所以谂都唔使谂即刻叫咗，甘香，厚身，唔会系细细旧，一啖冇咗，
⭐️蕃茄鸡胸天使面
天使面煮得啱啱好，唔会太硬或者太淋，番茄酱新鲜香浓，每条天使面都可以挂上酱汁，配搭鸡胸十分适合，估佢唔到鸡胸又煮得唔鞋！简单得来又煮得好食
⭐️法式牛肝菌蟹肉意大利饭(set dinner)
set dinner包左面包条，汤，嘢饮
朋友话牛肝菌味好出，同意大利饭好夹，而且蟹肉都好多，性价比好高！
撰写日期：2019年2月24日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
bcheung1205
香港427 条分享
朋友介绍佐敦开咗间抵食又坐得舒服嘅西餐，就决定收工去试下。
分别买咗两个dinner set ，分别都跟埋餐汤，面包条同埋饮品。 蘑菇汤几香，都几足料。
黑松露软壳蟹意大利粉
个意大利粉一上枱，已经急不及待影相。第一次见软壳蟹意大利粉，系成只软壳蟹上。 切开只软壳蟹，入面好多蟹膏同埋蟹肉， 非常吸引。意粉亦都煮得啱啱好，软硬适中。
炭烧安格斯肉眼牛扒
第二份上嘅dinner set系肉眼扒， 估唔到都几大份。 牛扒质素都几好，食落好软，入口即溶。 肉眼扒仲有薯仔同沙律伴菜，牛油薯仔整得好淋，好易入口。
撰写日期：2018年12月16日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
hkfoodieling
香港724 条分享
经过佢哋门口见到入面座无虚席，天气又咁热！唔好谂啦入嚟试下啦❤️ 餐厅入面嘅装修都几简洁，而且见到好多都系一班人嚟食嘢。唔讲咁多叫野食先
其实晏昼嚟都仲可以食到佢哋嘅lunch set，不过我唔记得左影🙈🙈
叫咗两个lunch buffet，梗系先黎个餐包够哂松软同淡淡嘅蒜蓉味，配埋呢个酸酸甜甜嘅蕃茄汤。正🤫
呢个炸鱿鱼圈，炸奖较厚。如果鱿鱼圈可以再大嚿啲就好啦🤩不过配上佢哋嘅沙律食都几开胃😉
扒大虾沙律，呢个大虾够哂大只，仲烧得都几香，唔会好鞋。配上新鲜嘅沙律菜食👍🏿
左边系薄荷朱古力右边系榛子朱古力，真系好薄荷好香浓嘅榛子。我觉得佢哋饮品呢方面做得几出色㗎😍
白酒煮蚬清清淡淡嘅白酒，而蚬一啲沙都冇😍不过觉得味道偏酸，但我几钟意😌
烧西冷（5成）配薯条
煎得都几香，成数啱啱好。 而且一黎到长长大一大块，一个人人食其实都真系好饱🤭
而我最钟意就系呢个鸡髀扒包，个包非常之香脆，唔系松软。而个鸡髀扒亦煎得好香，配上新鲜嘅青瓜蕃茄零舍好味😍😍
埋单六百蚊都唔使，就可以食到咁多嘢！真系几抵食㗎😏而且坐位亦都坐得舒适，空间够晒阔落，正！
撰写日期：2018年12月6日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
kitmannnw
香港365 条分享
之前食过外卖觉得唔错，今次就约朋友过黎食个下午茶倾下计。 下午茶时段都仲有lunch set提供，叫左一个lunch set一个tea set，lunch set仲有包蒜蓉包同汤。
午餐-煎纽西兰牛扒配意粉$68 牛扒食落都几有口感唔鞋口，不过意粉本身无汁所以食落有啲干。
下午茶-水牛城鸡翼薯条 $58 鸡翼食落有小小辣，唔食得辣既朋友都绝对食倒like好浓味！薯条热辣辣够哂脆！ 另外叫左两杯野饮，Oreo milkshake同hazelnut chocolate。
朱古力饮落好淡，完全饮唔倒hazelnut味，朋友既oreo milkshake都麻麻。 呢个价钱同食物我系会再黎既，不过野饮有待改进！希望下次饮其他饮品会好啲啦！
撰写日期：2018年11月29日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Tristabubub
香港114 条分享
这间有免费wifi,可以坐得久,靠窗的位置可以看到街外的风景。这里较多人选榛子朱古力,热或冻都好饮,自己选的餐,水牛城鸡翼较辛辣,相信蜜糖bbq鸡翼会更好吃,悔之晚矣。
结帐前去一去厕所,女厕的环境是ok的。
结帐也快,不会等太久。
撰写日期：2018年11月24日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
显示第 1 至 15 页的结果，共 29 页
参见
绝佳中等价位餐厅
查看全部 
