相关信息
餐厅特色
美食
印度菜, 亚洲料理
餐点类型
午餐, 晚餐
特殊饮食
适合素食, 素食选项
功能
可预订
外带
外送
座位
餐桌服务
这家餐厅是否适合儿童？
4.2
76 条点评
很棒
37
较好
28
一般
4
较差
2
很差
5
sunsum9806
香港1593 条分享
2024年5月 • friends
Kailash Parbat
地址: 尖沙咀寶勒巷3號萬事昌廣場3樓302室
最近吃肉吃膩了，想去吃素食，於是就跟閨蜜約了去尖沙咀Kailash Parbat吃有印度特色的素食。
PANI PURI
以香草煮熟的薯仔填充脆脆的圓球，薯仔柔軟綿密，散發出獨特香氣，有兩種醬汁可以選擇倒入圓球中，我更加中意甜甜醬融合薯仔香甜鬆軟！
Veg Manchurian Dry/Gravy
一碗朱古力色蔬菜丸子,在燈光下熠熠生輝。蔬菜丸子被淋上濃郁醇厚的manchurian醬，非常香辣可口，丸子中間是多樣蔬菜餡料，軟糯清新，令人口齒生津！
Cheese Stuffed Mushroom
兩片紅椒夾住兩個蘑菇頭合成的圓球，蘑菇頭中是芝士夾心，鮮嫩飽滿的蘑菇被一股濃郁的芝士香氣所包圍，若加點薄荷醬就注入了清新酸爽的口感！
Paneer Tikka Lababdar
一塊塊Paneer(cottage cheese)軟嫩綿密，浸泡在濃郁如絨的番茄醬汁，醬汁混合了香濃的奶油和堅果,口感豐富醇厚,為Paneer酸甜香的層次感！
Masala Cheese Naan
煎餅表面微微焦香,整體蓬鬆柔軟，芝士香氣在舌間蔓延！
Pistachio/Mango Milkshake
奶昔口感綿密順滑,宛如在舌尖化開的絲滑奶油。開心果奶昔上面是一個開心果雪糕，溫和的甜蜜和微微的鹹香交織在一起。芒果奶昔上面是一個濃郁甜蜜的芒果雪糕，非常好飲！
撰写日期：2024年5月18日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
mmfoodntravel
香港524 条分享
2024年4月 • friends
今次係初嘗印度素菜，感覺都幾local，環境裝飾色彩繽紛，好有民族風格，當晚有好多當地人，8成full table，餐牌上有簡單嘅英文翻譯，唔使驚睇唔明啦～staff們都好nice～
.
🥣KHATTE MEETHE ALOO
入邊有薯仔、石榴粒、鷹嘴豆、印度脆片，mix 埋酸甜汁同Yogurt，再加少少辣粉，酸甜辣，口感都齊晒，幾得意😌
.
🍄MUSHROOM IN PEPPER GARLIC
先將蘑菇炸得鬆脆，蒜蓉同黑椒汁撈埋，好惹味😍味道有啲似黑椒豬扒😂
.
🧀PANEER TIKKA (2 TYPES)
烤乾cheese配青紅椒，口感好似冰巢豆腐，沾青醬口感好fresh
.
🥘CHEESE BUTTER MASALA
咖喱芝士添加咗蕃茄，口感層次豐富，咖喱醬入邊有好多芝士粒🧀，芝士粒係順滑，唔會超級鹹，勁Creamy，食多幾啖好容易就食滯咗😂連埋GARLIC NAAN一齊食，好酥脆，即叫即整㗎🫓～
.
🌹Rose milkshake & 🥭Mango milkshake
聽講milkshake係印度菜必點之一，所以一人一隻味試吓佢😂2隻都偏甜左少少🤏🏻
撰写日期：2024年4月9日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Helen
香港182 条分享
2023年12月 • friends
餐廳主打新派印度素菜，裝修非常有色彩，設計新潮明亮
環境很大很舒適，是聊天的好地方，當天平日到訪都九成滿座
而且食物很多元化很多選擇，味道亦比一般印度菜少些油膩感
溫馨提示：現時經Openrice訂位有85折優惠！
Sev Puri$79
普利球是印度傳統的一口小食，酥脆的油炸米餅上撒上大量餡料，包括洋蔥、番茄、生芒果、香草和香料，，配上辣椒酸辣醬和羅望子醬，味道有齊甜酸鹹辣，口感鬆脆，層次豐富，十分開胃
Tuk Tuk Chips$75
造型非常有趣，在一架單車上面的油炸薯片(單車可以移動的~)
薯片質地軟淋，加了濃郁的香料粉，可以配蕃汁食
Crispy Vegetable$95
上枱似咕嚕肉，有很多種蔬菜，如西蘭花、粟米仔、青椒等，炸得酥脆，拌上香濃的甜辣醬，十分開胃
Paneer Kadai$119
咖喱芝士(用了辣椒和香料kadai masala混合烹製的芝士)，是北印咖喱，味道比較香，香料味及辣味比較芝士味重，除了芝士還有洋蔥和番茄，加了椰汁幾惹味，單吃或配上烤餅吃都不會膩
Masala Cheese Naan$49
印度菜當然不少得烤餅，塞滿香料及芝士風味，香脆煙韌，再加上咖喱，超級香口惹味
Mango Lassi$59
印度菜必點，質地幼滑creamy，芒果味和酸奶濃厚，更帶點獨特的茴香籽的香料味，有層次
Virgin Mojito(Mint)$65
大大杯，薄荷葉的香氣與檸檬的酸味，味道清新，清爽醒神
-總體評分-
環境：7.5/10
食物：8/10
服務：8/10
抵食：8.5/10
Kaliash Parbat
📍尖沙咀寶勒巷3號萬事昌廣場3樓302室
撰写日期：2024年1月2日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
eatwithbabe
香港1183 条分享
以前食过印度菜，专食印度素菜的餐厅真系第一次！环境装修色彩缤纷，亦有不少香港人帮衬，相信大家都对印度菜充满好奇心。
先提提大家，支装矿泉水要收费，想饮免费的可以叫店员提供Tap Water。
《印度特色薄荷水配炸圆脆饼Pani Puri $70》
记得第一次认识呢款印度街头小食系睇旅游节目，当时印象好似都系一般般。不过既然黎到印度餐厅，点都要试下既 :P 店员即场示范食法，先淋酱汁，再落薄荷水至七分满，然后整个放入口，隔太耐先食个底有可能会淋左或穿左，味道甜甜地又脆口，估唔到有特色之余又几好食！
《印度粘土烤蘑菇串烧Do Rukha Khumb $95》
表面微微烧过有焦香，蘑菇里面酿满奶酪芝士，亦有加入不同香料丰富味蕾，另配薄荷酱，蘑菇几Juicy，芝味浓郁，食食下会有啲腻。
《奶酪番茄马萨拉Paneer Tikka Lababdar $85》
原本想叫另一款，店员善意提醒𠮶款好重口味，未必适合香港人，反而推介左奶酪番茄马萨拉比我地，非常细心！味道亦无令我地失望，番茄味好浓郁，口感Creamy得黎好Cheesy，里面有啲一粒粒芝士
《蒜味烤饼Garlic Naan $30》
Garlic Naan热辣辣上，边位好脆身，中间超级软熟，蒜味同牛油味好Balance，Dip埋奶酪番茄马萨拉真系超好食，食完仲想Encore添。
《印度特色新地Falooda Kulfi $75》
一场黎到，无理由唔食埋个甜品先走。传统印度雪糕配炼奶，质感厚实Creamy，有啲似开心果味雪糕，配搭印度甜粉丝及玫瑰糖浆，整体感觉系好甜。
《印度芒果奶昔 $49》
店员推介芒果乳酪，加入茴香、乳酸，味道清新，同时又饮到咸甜两种味道，几有新鲜感。
《印度奶茶 $35》
个人觉得有啲似平时饮开既热奶茶，茶味无港色咁浓郁，呢杯普普通通。
撰写日期：2021年1月7日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Lalala
香港883 条分享
位于尖沙咀既印度素菜 环境比想像中舒适 装潢设计色彩缤纷 十分寛敞 好适合一大班朋友聚会 重点系四周围都坐满印度人 我谂味道都应该几正宗？！
一定要记录一下个心路历程
睇餐牌 只只字都识 不过夹埋一齐完全想像唔到系咩
见到实物 都未想像中到系咩味道
放到入口 终于有种恍然大悟嘅感觉 但系味道都系难以形容
⠀⠀⠀
▪️磨菇马蕯拉 $85
咖喱质地浓稠 好香磨菇味 调味十足 富咸香又唔会太辣 食落香料味比想像中容易接受 亦几惹味 当中加有粒粒磨菇 好钟意食蘑菇嘅我大推 同行朋友都劲钟意
▪️传统印度素咖喱 $85
味道大致同磨菇既一样 只系无左阵磨菇味 调味十足带咸香 当中加有粒粒素芝士 质地软绵绵 比较似豆干 如果嗌左磨菇马蕯拉 会建议大家嗌另一款咖喱 因为呢两款嘅味道真系好似
▪️大蒜烤饼 $30
烤饼个底烤得好脆 质地松软 淡淡大蒜香 配咖喱一流
▪️印度特色街头拼盘 $135
街头拼盆 包括 乳酸扁豆球 孟买圆脆饼 特色鹰嘴豆 圆脆饼 脆玉米
呢个拼盆 真系食完都唔知自己食咗啲咩
第二张相𢳂起个旧 有啲番茄粒同豆 酸酸甜甜 几开胃
鹰嘴豆 脆玉米等 mix埋一齐食 口感好丰富 不过整体味道同口感都唔系好岩我口味
▪️青马蕯拉芝士香饭 $85
米饭干身 粒粒分明 加有薄荷叶 味道相比起其他清淡 中规同矩
整体而言 环境舒适 好适合一大班人聚会 私心推介蘑菇咖喱配nann 街头拼盘就唔太岩我地既口味
撰写日期：2020年8月6日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Big_baba
52 条分享
今次黎左呢间食印度菜既餐厅食晚饭，呢度嘅装修同埋布置都好别出心裁，充满着印度风情。而且环境几静，岩哂同约朋友集会倾计或者约埋心宜对象食下晚餐。😉😉
留意！！！呢间印度餐厅相当之正宗，呢度既嘅Menu系用印度语同埋佢翻译成嘅英文拼音，所以有机会睇唔明😅😅不过部份菜式会附有图片，另外为左顾及本地既客人，会提供翻译成中文嘅Menu比客人去睇，相当贴心。如果对自己既印度文冇咩信心，记得问佢攞中文menu。以免造成不便。😉😉
（由于印度文翻译成英文太繁复，所以用番中文）
食物方面：
奶酪球：有两款唔同嘅味道提供，其中一款嘅味道相对清淡小小，其实2款都味道唔错，经过烤焗嘅奶酪，有一种外脆内软嘅感觉👍👍👍👍👍
印度特色拼盘： 包括有扁豆饺子、炸圆脆饼、油炸青辣椒、乳酸薯仔配甜酸酱和香料等等。值得一提系佢嘅造型，相当有特色，会用架单车模型嚟载着个拼盘，啱晒女士们打卡之用。👍👍🙆♂️卖相一流呢个拼盘系一款冻食嘅拼盘，酸酸甜甜，适合当作餐前小食👍值得一试
青马蕯拉芝士香饭，用青马蕯拉煮印度芝士加上印度香饭一齐炒，芝士嘅浓郁配上香料嘅香味，味道好特别，充满着印度嘅特色。值得一试👍👍👍
馅饼：馅料有唔同既口味可供选择，呢次我简左印度芝士，香脆嘅外皮配上浓郁芝士嘅咸了🥳味道一流，而且相当正宗。非常好味👍👍👍👍👍
奶酪菠菜：用奶酪同埋新鲜既菠菜蓉混合埋一齐打烂成酱汁，浓郁嘅菠菜味但系有芝士嘅咸味，用距离配埋馅饼一齐食，简直系绝配 。
总括而言呢间系相当之正宗嘅印度餐厅，充满着印度嘅特色，有兴趣是印度菜嘅朋友可以一试👍
Paneer tikka (2types)(6pcs)$95
Mix chaat $80
Paneer tikka hara masala biryani $85
Stuffed paratha (paneer) $45
Saag paneer $85
Kailash Parbat (尖沙咀)
尖沙咀宝勒巷3号万事昌广场3楼302室
撰写日期：2020年7月15日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Small_baba
591 条分享
平时食开既餐厅都系比较大众化，离不开广东菜、泰国菜、日本菜等等。最近好想试一啲平时未食过嘅餐厅，上网见到尖沙咀呢间印度餐厅，名气唔错，而且全世界各地都有分店，于是就黎食下～
呢间餐厅嘅装修都好有印度特色，色彩好鲜艳，入到去呢间餐厅俾人一种喜悦嘅感觉😙😙😙
虽然佢哋嘅Menu系我哋睇唔明嘅英文拼音😅😅但系部份菜式会附有图片，同埋佢哋会有翻译成中文嘅Menu比客人去睇，好细心咁照顾唔同国籍嘅客人～～～～
首先我哋点左个👉🏾奶酪球👈🏾，有两款唔同嘅味道，其中一款嘅味道冇咁浓郁，不过两个食起上嚟都好好味，而且经过烤焗嘅奶酪，外层都会比较脆香一点😂令人食到有点唔想停口🤪🤪🤪🤪🤪
之后点左个👉🏾印度特色拼盘👈🏾，入面有扁豆饺子、炸圆脆饼、油炸青辣椒、乳酸薯仔配甜酸酱和香料。呢个拼盘比较特别，佢嘅造型好有特色，用架单车嚟载着个拼盘😍😍超级吸睛🤩佢系一款冻食嘅拼盘，酸酸甜甜几开胃👍🏾
我哋重点左个👉🏾 青马蕯拉芝士香饭👈🏾，呢碟系用青马蕯拉煮印度芝士，再同印度香饭炒埋一齐🤩🤩到饭粒粒分明，食落去好干身唔会黐埋一旧🤗入面除左有一粒粒嘅奶酪之外，食落去仲有淡淡的薄荷味😯😯口感好清新
食印度菜点少得印度薄饼呢🤣🤣🤣🤣呢度有烤饼同馅饼两种选择，我哋就拣咗👉🏾馅饼👈🏾，入面嘅馅都有唔同口味选择，我哋就拣咗👉🏾印度芝士👈🏾～～入面嘅印度芝士馅都好多，外皮煎到好香脆🥳正啊
最后我哋重点左个👉🏾奶酪菠菜👈🏾呢个系用奶酪同埋新鲜既菠菜蓉煮埋一齐，入面有一粒粒嘅奶酪，味道唔会太浓味，食嘅时候唔会盖过左菠菜嘅味道😛而且用佢黎点馅饼黎食，味道亦都好夹❤️❤️又系另一种新食法！！
Paneer tikka (2types)(6pcs)$95
Mix chaat $80
Paneer tikka hara masala biryani $85
Stuffed paratha (paneer) $45
Saag paneer $85
Kailash Parbat (尖沙咀)
尖沙咀宝勒巷3号万事昌广场3楼302室
撰写日期：2020年6月10日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Sweet & Savoury
香港943 条分享
疫情期间在家吃了太多住家菜
想寻求一下味觉刺激吃一下印度菜
误打误撞找到了这家印度素菜餐厅 🇮🇳
店内人数不多 环境干净 桌与桌之间距离超大 吃得安心
waitress态度良好 一进门就为我们量好体温
有时很怕印度餐厅冷气不够 吃辣时冒汗却一直散不了热
这里的冷气超够XD
————————————————————
印度黏土烤特色奶酪 Malai Paneer Tikka $95：烤柠檬薄荷青辣椒奶酪，配洋葱圈沙拉和薄荷酸辣酱 （右边条状器皿）
这个真的太好吃 奶酪味道够重 微微烧过的表面有焦香
配着香料 洋葱 味道层次丰富 有种味蕾被炸掉的感觉（？）
特色鹰嘴豆马萨拉：洋葱马萨拉配特色鹰嘴豆 Pindi Chole Masala （中间橙色小锅）$75
香浓的马萨拉 调味适中 不会太辣 （我是很能吃辣，觉得没怎么辣）
印度特色薯容馅咖哩角samosa chaat $80
香脆不用多讲 配上酸酸的乳酪 还有上面脆脆的面条
十分地道 跟在youtube上见到的印度街头小食一模一样
希望味道也是地道的吧 不过就算不是地道也很好吃就是了
最后 传统的naan bread 每份25大元
————————————————————————
超满足的一餐 试过一次后觉得绝对会再来
撰写日期：2020年5月26日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Congee
香港97 条分享
约了以前读大专的旧同学相聚，他们都想找个香港的中间点，坐得舒适的地方吃晚饭和聊天，其中一位朋友误打误撞，找到吃这家印度素菜，大家异口同声说赞成，即管一试。
位置的确非常容易找到，位于尖沙咀宝勒巷。
餐厅环境很舒适且阔落，让我们快乐地相聚了三小时！
食物非常特别，第一次吃印度素菜，我们无从入手，不太知道如何选择，有一位印度藉侍应姐姐过来，向我们以英文简介餐牌上的食物，还向我们推介了几款必吃食物。服务态度满分！
我们一共点了六款印度食物和一杯芒果特饮，盛惠600元有找，平均每人150元。虽然价钱属于中上，但食物却是高质且特别，想不到印度素菜是如此好吃，下次一定会再来！
撰写日期：2020年1月8日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Mandyfoodiee
香港346 条分享
2019年11月 • friends
印度常常俾人一种神秘的感觉，响仲未去到印度之前，为食妹我今日就试吓印度餐啦。由于重庆大厦既咖喱好似有啲恐怖，所以我先来试吓比较大间嘅餐厅，今次嚟到一间响香港，印度，澳洲，加拿大，葡萄牙，星加坡，英国，美国同卡塔尔都有分店嘅印度餐厅--始创1952年
原来呢间餐厅都几有历史，创办人係由一个街边档，演变城孟买最出名嘅餐厅之一，沿自两兄弟开始嘅着名餐厅品牌。Lets go green in Indian restaurant🌱
餐厅既佈置好舒服，用咗好多唔同嘅色彩，食物亦都用上唔同嘅香料，令其充满特色
先来一杯印度芒果奶昔$49，同平时西式嘅奶昔好唔同，因为连奶昔入面都有香料，奶昔质地浓稠，好似食紧一个甜品咁，感觉有啲似食紧芒果味乳酪
再来一个奶酪番茄玉米汤$45，一上枱嘅时候，谂紧今次蚀啦，个汤咁贵嘅，因为碗汤得饭碗咁细，但唔好睇小佢，饮咗第一啖之后，就觉得值回票价，汤很浓郁，配搭淡淡芝士香，虽然好肥腻，但真係好好味
印度黏土烤特色奶酪串烧 (两款） (六件）$95
全消係已有固定选择，食物上枱时店员话两个都係芝士嘅串烧，一款係小辣一款係中辣，但食落味道有啲似小小辣嘅豆腐，都几特别。
奶酪菠菜$85
发现好多餸都有用奶酪，都係类似豆腐嘅立方体，今次係落落菠蓉到，加埋调味，有啲似咖喱，配搭埋烤饼好好食。
大蒜烤饼$30 (可选原味或牛油味)
拣咗牛油味嘅烤饼，虽然食唔到有牛油味，但係就有好香嘅大蒜味，其实就咁食已经好好味，但因为有点奶酪菠菜，所以配搭起嚟可以有多一种食法，估唔到烤饼係脆底，同平时食到嘅泰式烤饼好唔同
青马萨拉芝士香饭$85
印度饭同香港平时食到嘅白饭好唔同，係长条型同埋较硬身嘅，而呢个饭係好重香料味嘅饭，入边亦有每道菜都有嘅奶酪，值得一试。
总括而言，今次印度素食之旅好特别，未食过印度菜嘅朋友真係可以嚟试一试。
撰写日期：2019年12月1日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Cynthia
香港542 条分享
本身同屋企人都好钟意食印度菜，上网见到佢好有名，决定去试下！
佢地好体贴有中文餐牌，仲要唔系乱译既，非常好！
食物唔算大碟，但味道香浓，又唔辣～我最喜欢佢个薯仔咖哩，好惹味，仲有蕃茄系入面好好食！
撰写日期：2019年7月21日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Jau
香港470 条分享
朋友将到外国升学，为了和他饯别，特地选了他的家乡菜吃。
餐厅的装潢很有特色，摆设井井有条，七彩的颜色显得这里活力十足。
由于我吃印度菜的经验真是屈指数，所以点菜方面裹是交给朋友好了。
我们先点了PAV BHAJI (CHEESE) ($85)
别少看这个看似餐包的咖哩薯仔包，包中充满牛油香，在旁的器皿装满印度酱，十分精致。咖哩酱料很浓很香，嗅起上来有阵香辣的味道，可以涂上包上或撕一点回沾上酱料吃，十分惹味。还有可能按个人喜好加上洋葱碎和柠檬呢。
KHAAS KHICHDI ($70)
跟照片的样子有点出入，以为它是很浓很辣的，谁知一点也不。这印度香饭是湿湿的有一点黏，吃起来甜甜的，不会很浓，感觉还蛮特别。
MASAL CHEESE NAAN ($40)
来到印度餐厅，当然少不了吃薄饼啦。不像普通的薄饼，这马萨拉薄饼加了不少配料，如洋葱碎、番茄、青辣椒、芫茜还有辣椒粉，闻起来蛮香的，口感也丰富。
DO RUKHA KHUMB ($95)
这是印度粘土烤磨菇串烧，卖相挺好看的，点上特制酱料也很新鲜特别。
撰写日期：2018年11月23日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
smartboyeatallday
土瓜湾621 条分享
平时出街食饭多数都系多肉少菜，女朋友更加系无肉不欢，牛排🥩、刺身、海鲜都系佢既最爱。
佢早几日上网睇到素食的文章就突然想捉我去陪佢食素菜，初头都好抗拒，但谂谂下，一餐半餐无咩所谓啦:D:D
于是就上网揾左呢间系尖沙咀既印度素菜，一入铺内发现装潢设计有风格，而且好多香港人食，原来都几多香港人注重健康饮食文化。 ❤️❤️
我地分别点左：
MANGO PATIYALA LASSI ($49)
芒果乳酪，芒果味好浓郁😋😋
CHEESE STUFFED PARATHA ($45)
印度馅饼，呢间有三款馅料可以选择，我地拣左芝士味，热辣辣衬热食，香浓芝士味配上各式香料。👍🏻👍🏻👍🏻
AAMCHI MUMBAI SANDWICH 🥪 ($75)
经典印度孟买烤三明治，外皮烤得非常酥脆，入面包住丰富的馅料，包括薯蓉、青瓜、洋葱、番茄、奶酪、酸辣酱😋😋
餐厅整体比我的感觉好舒服，好干净，店员服务态度欣勤。虽然系素菜但份量都好足够，好饱肚。😚😚
撰写日期：2018年11月8日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
史力奇小豬
香港316 条分享
店内地方很大很宽阔，全店每一角落充满印度风情，色彩很鲜明，耳目一新🤩
全店侍应基本上都是印度人，仲有，中，英，印度menu 果然国际化😂😂
馅饼~~很香脆，很大块，𥚃面有薯仔，芝士，印度芝士，杂菜，很特别的做法，是之前没有尝过的😋
再点了 杂菜咖哩，好味，咖喱很香，当然味道较浓，但咸度适中，用来点包绝配，我还想加一碗白饭呢😝这个最喜欢☺️
印度煎炸食物也闻名，我们就点了 印度旁遮普式咖哩角😜 好特别用玩具车装的，好香脆，酱汁有好多鹰咀豆，好香，有别于平时食的咖喱角呢！微辣的，惹味香口🤤
这家印度素食很正宗，令我对印菜有所改观，下次再试其实菜式☺️☺️👍👍
撰写日期：2018年11月6日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
smartgirleatsallday
香港455 条分享
今日朋友话要试试另类餐厅，估唔到系印度餐厅呀，唔揾唔知，原来尖沙咀都几多印度餐厅喺到，openrice见到原来呢间系食素菜，而且国际间都几多分店，信心保证，无妨一试！
场内装潢几别致，而且几意外嘅系除外有印度人喺到，都几多香港食客去食，估唔到都几受本地客人欢迎！
大蒜薄饼（$30): 一块好厚嘅印度薄饼，但系大蒜味无我想像咁重，外皮脆卜卜，点唔点咖哩汁已经几好食。
传统印度素菜咖喱（$85): 传统印度煮乳酪、辣椒、洋葱、番茄。虽然我叫咗微辣，但唔食辣嘅我都已经觉得几辣。而且印度咖哩唔似东南咖哩加椰汁，所以洋葱味会比较突出。
孟卖半杯茶（$35) : 经典马萨拉茶配印度香料和草药，所以相比香港嘅奶茶，道味都好唔同。印度奶茶传统上都是要加香料的，豆蔻、碎姜、肉桂、丁香等等，这些香料有着类似中药材的养生食疗功能。
by the way, 呢个嘅餐厅好贴心咁提供两支一大一小嘅矿泉水，唔需要加钱嫁！
撰写日期：2018年10月28日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
显示第 1 至 15 页的结果，共 30 页
参见
绝佳中等价位餐厅
查看全部
