唔少香港人都好钟意食东南亚菜，笔者当然也不例外，尤其是清新嘅越南菜，更加系我心水之选。 琴日同朋友嚟中环食法式薄饼，途经租庇利街，发现烧腊店隔离新开咗间越南餐厅，趁今日要攞啲杂物上嚟迷你仓，就顺便过嚟吃顿下午茶。 餐厅地方不大，装潢简洁，以木色系为主调，配衬墙上嘅巨型黑白画作，甚具越南风味。 我哋点咗两个下午茶餐，另外再追加咗一客小食。 先嚟嘅永顺咖喱牛腩饭 ($50) 卖相甚佳。牛腩大大件，份量十足，既腍滑又入味，连筋位都好有赵头。咖喱汁黏稠度刚好，一上台已闻到阵阵咖喱香，入口味道偏辣，够浓惹又刺激，诱人食欲。饭身粒粒分明，干爽具弹性，捞埋咖喱汁一齐食，更加滋味。 另一客香烧猪颈肉捞檬 ($50) 亦做得甚有水准，啲猪颈肉虽然切得唔算好厚身，但食落够哂爽口，不肥不腻。檬粉烟韧弹牙，拌上酸酸甜甜嘅捞檬汁，真系令人愈食愈开胃。 小食点咗越式春卷 ($19)，春卷一客有 3 件，炸得好脆口，入面嘅材料有萝卜丝、木耳和猪肉碎等，馅料醃得相当惹味，就算唔蘸点酱汁或者包生菜都一样咁好食。 两个茶餐都包热饮，有鲜柠红茶、香滑奶茶、港式咖啡、柠檬水可供选择。如果想转特饮就要 +$12、...滴漏咖啡 +$20，而椰青就 +$36。 餐厅而家做紧抗疫优惠，午市堂食有 88 折，而新张期内，午市及晚市外卖自取更可享 7 折，经济实惠。更多
5
9
5
0
0
