实在太挂住泰国，今晚就要同团友寻味泰菜！一入门口见到架TukTuk好有feel，落一层就系餐厅，装饰充满泰式风情，店员们热情好客，成餐饭食得好开心！ 串烧沙爹 共6串，可拣牛丶猪丶鸡，我哋拣咗每款肉各2串，个人认为最好味系鸡肉 鸭肉生菜包 好香，肉质同泰式炒猪肉无乜分别，一样咁好食，爽脆生菜夹住充满青柠丶香叶香味嘅肉碎，正！ 蟹肉炒粉丝 食评推荐菜之一，蟹肉无乜味，反而粉丝炒得好入味 泰式炒花蛤 推介！个汁好味，花蛤新鲜丶惹味！ 印度酥饼 因为要点花蛤汁而叫，一碟有7件，眼阔肚窄，最后食净要打包 青柠梳打 Fresh~ 梳打水成樽上，份量唔止一杯 石榴沙冰 淡淡石榴味，唔算甜，解渴之选。 芒果糯米饭 几饱都要点返个甜品，卖相几好，比预期好味，仲有两种糯米，糯米仲系暖嘅，又多椰浆，芒果清甜，食完好满足！
一向都好钟意食泰国野,最近就去试左新泰东南亚餐厅,佢有几间分店,今次去左加拿分道既分店,一入面口就有架泰国好出名既笃笃车,好似去左泰国咁🤩落到去环境好大装修都好泰式 面包焗咖喱软壳蟹 软壳蟹好脆好好味,平时点咖喱都系用薄饼多,估唔到点面包都好夹,而且个面包好松软好脆口 泰珍珠椰菜苗炒香菇 之前食嘅泰式炒菜都比较辣但系呢个就唔算辣,而且有埋香菇令成个菜好丰富 冬阴功 每次食泰国嘢都会叫,呢度嘅冬阴功汤好有泰国嘅味道,唔会太过酸而且只虾重好大只添 泰式生虾 同样都系每次食泰国嘢必叫既,好大只同新鲜,虾味好鲜甜 泰式柚子虾沙律 钟意食柚子嘅朋友唔可以错过,成个沙律都好清新好开胃,有好多有柚子肉 越式虾米纸卷 除咗泰国嘢之外,佢哋都有好多越南菜供应,例如越南好出名嘅米纸卷佢哋都有架 叫咗佢哋嘅椰青饮味道好鲜甜,之后仲叫咗两个甜品,分别系椰汁西米糕同埋原个椰青大菜糕,椰汁西米糕好好味,椰子味好浓 另外聊青大菜糕佢系成个椰青上,但入面全部系大菜糕,同埋椰子肉,份量都几大啱晒一班人分享
😋😋😋 生日正日😀， 唔需要返工周围尽情玩 😚😚。 最钟意就系香辣惹味酥脆可口嘅食物， 生日当然要选择钟意嘅餐厅。 尖沙咀玩完vr game， 行去k11附近新泰东南亚餐厅， 虽然唔系假期， 但系到咗晚饭时间都座无虚席， 好彩book咗位， 有好舒服嘅卡座。 泰式柚子虾沙律 香甜多汁的柚子😃， 新鲜弹牙的海虾🦐， 加埋泰式沙律香辣汁🍋🌶😋， 惹味清爽又醒胃。 泰式青咖哩猪肉🐷+印度酥饼 青咖哩香浓微辣， 配菜有我最钟意嘅泰式茄子🍆， 仲有大量香叶、豆角、薯仔🥔。 配埋印度酥饼点咖哩汁嚟食, 非常滋味。 酥炸香茅鱼配青芒果沙律 原条香茅炸炉鱼 ，份量十足摆盘漂亮😍😍， 无骨起肉鱼柳炸到香酥脆嫩， 鱼味香浓。 青芒果沙律又如画龙点睛， 芒果酸甜适中， 与酥炸鱼柳一齐食， 为味蕾带来冲击。😋😋😋 香草辣肉碎炒饭🥘 看见邻座点了一客香草辣肉碎炒饭， 份量十足芬香扑鼻， 我们也忍不住要试试。 炒饭果然不错， 饭质烟烟靭靭， 味道咸淡适中， 加埋炸过的罗勒叶， 非常美味。 菠萝沙冰🍍+番石榴沙冰🍸🍹 东南亚餐厅食饭，当然叫返一杯美味嘅特饮...。 菠萝沙冰加咗少少 椰汁， 香浓幼滑消暑解渴。 番石榴沙冰比较清淡， 少少甜味， 清凉爽口。更多
新泰东南亚餐厅成日都会经过, 都会见到有人等位 今次就约左几个朋友一齐黎试下, 由于系星期五, 所以我地预先BOOK定枱 生虾系泰国菜必食既菜式之一, 餐厅好贴心地用保鲜纸包住D冰 以免生虾直接接触冰块影响味道同埋更加卫生, 生虾都算大只同埋几甜! 冬荫公汤又系另一样泰国菜必叫之一, 餐厅有2个size供应, 我地叫左个细既 4个人食每人分到一碗, 岩岩好, 里面仲有大头虾, 个汤既香料味都香, 酸度适中, 微微辣 坐低既时见到隔离果个咖哩软壳蟹包实在太吸引, 所以都要叫返一个 个咖喱汁带椰香味, 甜甜地仲有蛋花, 用黎点面包一齐食真系好正 软壳蟹都系新鲜炸出黎, 外脆内软!! 食泰国野饮椰青唔够突别, 我就拣左椰青沙冰 沙冰系同椰汁打成, 虽然同我想像中既有出入, 但味道都唔错既 最后就系叫左我最爱既甜品, 椰汁西米糕 里面好足料, 仲有芋头粒 整体餐厅既环境同食物都唔错!
装修好精致 ，好有泰国风情，连职员都着晒花恤衫，个感觉真系好似去咗泰国咁呀 我哋同埋小朋友去职员，仲俾埋小朋友嘅餐具好贴心。 生菜包好辣好入味，生菜够新鲜 泰式炒花甲 花甲份量正常，泰式辣汁好 香，入面嘅甜椒青椒红椒洋葱都入晒味，仲叫咗个 印度酥饼嚟点啲汁食 泰式炸虾饼好大旧，开边上碟，好弹口，热辣辣，虾味十足 马拉盏炒通菜 通菜好嫩爽口，够浓味 虾酱炒饭好大碟，有一排腊肠，蛋丝、肉松同腰果好有口感，炒饭粒粒分明。 鸡肉串烧厚肉仍然有肉汁，沙嗲酱仲有花生粒
去开尖沙咀见到有个餐厅有架闪灯tuk tuk，横掂都谂唔到食咩决定入去。入面装修都几靓，好有泰国嘅感觉，都几似去左芭堤雅咁。 餐牌食物有好多选择，仲有一薄酒精饮品menu 。最后我哋叫咗生菜包、泰式炸虾饼、泰式炒花甲、马拉盏炒通菜、虾酱炒饭、鸡肉串烧、印度酥饼 四个人食到好饱，每碟嘅份量都好多好足料。虾酱炒饭好好味，淡淡的虾酱味入面有肉碎、腊肠、肉松、蛋丝、腰果。好香而且炒饭粒粒分明！ 夏天一定要叫芒果沙冰、菠萝沙冰，够晒冰冻，一饮成个人爽晒！
虽然而家去唔到泰国但系喺香港都可以食到地道嘅泰国料理！呢间舖头虽然系地下，不过楼底好高而且好舒服！装修都好有心思夜晚8:00都好多人喺度食！好彩我地唔洗排队～ 香芒软壳蟹米纸卷 我觉得呢款搭配好特别而且好清新芒果嘅香味同软壳蟹都好夹！而且里面仲有萝卜同埋青瓜丝，感觉更加爽！ 青柠蒸乌头鱼 呢碟野真系好有惊喜下面有火一直保持温度，热辣辣，酸酸甜甜再加上秘制泰式酸甜酱，十分好味！成条鱼都俾我哋食晒啦～ 泰国椰青大菜糕 成一大个椰子上，里面有浓郁嘅椰子味道同埋椰子肉！我觉得钟意食椰子嘅人唔可以错过！因为真系好鲜甜同埋好清新～ 呢度服务态度都好好同埋服务好主动，下次再同朋友一齐食！
经过尖沙咀就嚟到呢间泰国菜试下～咁餐厅系大厦嘅地下，入面好大同埋都好多人🙈感觉啲服务员同老板都系泰国人🤣 泰国椰青($45) 大大个椰青😍啲椰青水好甜，好纯正嘅椰香味👍🏻我哋仲食埋啲椰青肉🤣超级好味😋 日本南瓜焗海鲜饭($118) 好大个嘅橙色日本南瓜😍南瓜肉值得推介好香甜😋有芝士仲有拉丝嘅效果😍海鲜有鱿鱼同埋蠔，鲜甜而且肉质👍🏻两个人都食唔晒🙈超级饱肚，不过好好味 马拉盏通菜($75) 通菜有少少辣，但系好惹味，好开胃😋富有泰国菜嘅浓味👍🏻主菜未嚟到之前我地已经食晒呢个菜🤣 呢度嘅店员都超级好人👍🏻感觉佢哋都系泰国人🤣服务态度好好🥰
今日难得早收工，便一个人去尖沙咀食泰国菜， 这间餐厅位置十分邻近尖沙咀地铁站，交通尚算便利，店内地方宽敞座位亦都舒适，侍应亦都十分好客会主动补水等等 ，而今次我分别叫了三种食物和一杯饮品，烧鲜菠萝，泰式菠萝炒饭和甜品椰汁西米糕，饮品方面选择了泰式冻咖啡。先讲一讲饮品，饮品一上到来外观感觉有点像斋啡， 因为颜色偏黑 ，原本饮落去感觉会比较苦， 但反而谂喝下去有一种甜甜的味道，不苦小甜， 这个是意想不到的。另外亦都叫了一碟烧鲜菠萝 ，菠萝数量有十多件，食落去比较偏甜， 外皮亦都有小小烧得比较香脆， 而最后主菜我叫了一个泰式菠萝炒饭，炒饭内里有肉松鸡肉腰果虾等等配菜，饭中间亦有干果等醒料特出泰色味道，饭粒粒粒干爽，值得一吃。
