今日夜晚想食得清清地，呢度附近原来有好多饺子店，不过上网见到呢间好似唔错所以决定食呢间！ 餐牌有好多饺子选择，仲有好多特别嘅味道。可以拣汤底或者系煎饺！ 除咗饺子仲有好多小食，睇落都好吸引！ 价钱方面真系好抵食，搞到样样都想试！ 所以我哋两个人嗌左一碟双拼汤底饺子，一碟双拼煎饺，三碟小食同嘢饮。 凉拌藕尖同埋罗汉果茶先上～ 先上系有原因嘅，真系好开胃嘅小食！酸酸辣辣，又几清新嘅感觉，而且越食越辣🤣睇落去完全唔似辣，不过辣得几过瘾🤣 罗汉果茶滋润清热，唔会太甜，感觉健康，真材实料。 跟住来到重点：呢度嘅饺子真系好好食！🤩 韭菜鲜肉饺和紫甘蓝粟米鲜肉饺（7只） 配椰子海带鲜鸡猪骨浓汤底 食饺子之前可以先试下个汤，个汤本身得好鲜甜，系椰子海带鲜鸡猪骨浓汤，而且系冇味精，好健康！ d饺子大大粒好足料！而且个皮好滑，唔会厚身！ 煮得啱啱好，个皮有少少QQ地，唔会太硬或者太软。 紫色嘅饺子系紫甘蓝粟米鲜肉饺，好特别出面好少见，见到系新品嘅Menu所以决定试吓，而且紫甘蓝都好吸引感觉好健康。食落几爽脆，配上粟米口感丰富，不错。 韭菜鲜肉饺呢个口味一定唔会输，啖啖肉，用料新鲜，配汤底...令到肉汁更加饱满。 芝士粟米鲜肉饺和麻辣白菜鲜肉饺（7只) 煎饺就完全系另一个感觉。 饺子一样大大粒！煎得好香脆！比起汤底饺子更加香口惹味。 芝士粟米鲜肉饺和麻辣白菜鲜肉饺写住系招牌，果然出色。用来做煎饺真系一流。 芝士粟米鲜肉饺嘅芝士好浓郁，热腾腾仲有少拉丝嘅效果！而且都系好多肉汁！呢个口味强烈推介要食煎饺！ 麻辣白菜猪肉饺唔算好辣，但系好香，麻麻哋好正，啱晒我呢啲唔系太食得辣嘅人。 全部睇落都好吸引！本身唔系特别钟意食饺子嘅我都觉得好好食。我就比较钟意食汤底饺子，冇咁油腻同健康啲，男朋友就比较钟意食煎饺！个人觉得呢四只口味都拣得好好🤣 招牌秘制拼盘 + 甜蜜蜜鸡中翼(3只） 因为唔知道拼盘入边有两只鸡翼，所以我哋额外嗌多咗一碟，但系都清哂🤣 秘制酱汁真系好出色👍🏻好惹味同浓郁，偏甜甜地。加上芝麻喺面更加香口。 配料都好入味，包括有鸡肾，牛展，蛋同埋鸡翼。值得一提嘅系牛展同埋鸡肾啖啖肉得来唔会鞋口。 今次第一次食，每一碟都好出色，特别系饺子同埋秘制拼盘。饺子好足料，而且大大粒，呢个份量两个人都够饱😝而且仲见到好多人会入嚟买生饺！下次一定会再返嚟食！更多

饺子控必看❣️ 放工即刻去🤣好好彩唔洗挂队呀😊但我入左去之后都一直有一定既人流🙈如果想食既话不防早啲黎呀😎. . 🌽 芝左粟米鲜肉饺 $36 我简左煎饺🤤(+2)真系煎得好靓🤩就唔好食算就呃得下人😝更何况系好食既🤪个饺子🥟唔会话十分脆卜卜，但系呢每一粒饺子都好有肉汁☺️有啲意外惊喜❗️芝士味唔算十分重，但都有既🥰仲可以拉丝，总括黎讲性价比好高💯 . 🥟咖喱椰菜鲜肉饺+素饺 $47 可能我中意食浓味野🙈咖喱🍛饺子我必定叫❤️咖喱味好够，但如果加埋薯仔🥔就开心好多🤤. 素饺有香菇，木耳，雪耳😊组盒好特别😇香菇味好重，都好扎实❗️不错👍🏽 ———————————- 丰信饺子店 (太子) 太子汝州街17号地下A号舖

一向都好钟意食饺子， 呢日行过太子汝州街， 见到呢间丰信饺子店坐无虚席， 门外仲有唔少人排队，一于试下～ 饺子种类款式多，除左传统款式， 仲有咖喱、麻辣、梅菜、南瓜、芝士等， 亦设有汤饺同煎饺供选择。 自家制辣菜脯够哂惹味，好开胃。 汤饺既汤底系纪无味精既 椰子海带鲜鸡猪骨浓汤， 饮落清甜浓郁带点椰子味香。 每只饺子都大大只， 皮薄馅靓好扎实， 想试多款口味建议拣双拼。 韭菜鲜肉饺拼香菇鲜肉饺 菜肉馅料比例均匀， 韭菜饺充满辛香味， 香菇饺鲜美口感柔嫩。 莞茜鲜肉饺拼南瓜栗米鲜肉饺 鲜肉鲜甜又多汁，口感丰富， 莞茜饺荽味唔会过于强烈， 南瓜粟米香甜有咬口。 除左饺子亦有多款特色小食。 招牌秘汁拼盘 有金钱𦟌、鸡肾、鸡中翼、卤蛋， 秘汁卤得超入味，一次过试哂多款招牌小食。 凉拌海蜇 口感清爽有嚼劲，低脂肪又低热量~ 清热润喉罗汉果甘草茶 有消暑祛痰作用，甘甘地好好饮。

讲食饺子， 好多人都会首选历史悠久嘅「美味饺子店」， 不过小编最近发现左一间饺子店嘅饺子都相当唔错， 仲有过之而无不及～😏 讲饺子种类， 「丰信饺子店」就比较优胜， 饺子有14款之多， 除咗传统嘅韮菜饺、云耳椰菜饺、白菜饺， 仲有椰菜饺、西洋菜饺、紫菜饺、素饺、芫茜饺、香菇饺、咖喱椰菜饺、麻辣白菜饺、梅菜粟米饺、南瓜粟米饺、芝士粟米饺， 款式新颖， 而且每天新鲜制造，皮薄馅靓～ 不过建议大家想买生饺子嘅话就打电话预订先， 因为真系太好卖， 小编个日系8pm先去食， 不论系堂食或外带，好多款都冇晒！😅 我最想食嘅南瓜粟米饺同咖喱椰菜饺都冇。😭 而味道方面， 「丰信饺子店」嘅汤饺同煎饺都好正！😌 全部都大大只，皮薄，内馅十足， 而家全部都可以双拼，想试多款口味都得！😏 韮菜饺鲜香， 云耳椰菜饺口感一流， 芝士粟米饺好「芝」味，仲有少少拉丝感～ 香菇饺好香口，啖啖菇香，正！😋 而价钱方面，就两家相若。 食饺子，梗系要配自家制嘅辣菜脯，微辣惹味！ 其实我就觉得两家菜脯都好食嘅， 不过「丰信饺子店」嘅就相对冇咁油腻，感觉比较健康～👍🏻 汤底各有特色， 「美味饺子店」沿用野...葛菜生鱼猪骨汤， 而「丰信饺子店」嘅汤底同样自家煲制嘅老火汤—椰子海带鲜鸡猪骨汤，味道鲜甜～ 「丰信饺子店」每款汤饺都可以配粉面， 而且种类比较多元化， 除咗米线、米粉、幼面， 仲可以拣上海面、出前一丁、薯粉。 而家「丰信饺子店」除咗饺子之外， 仲有好多特色小食， 凉拌皮蛋呀，云耳呀，酸姜流心皮蛋呀，甜蜜蜜鸡中翼呀， 全部都自家制，少糖少盐，无味精，值得一试！ 如果第一次黎，想试晒多款小食，可以试下招牌秘汁拼盘（$40） 有齐金钱𦟌、卤蛋、鸡肾、鸡中翼， 虽说系秘汁，但其实感觉似系卤水汁， 全部卤得都几入味，不错吃！ 最后仲要左豆浆和罗汉果甘草茶， 罗汉果甘草茶甘甜滋润，感觉好健康， 如果豆浆可以冇糖就好啦！更多

今日返半日工，所以放工就系附近同朋友一齐食午餐，大家都钟意食饺子，所以去附近一间饺子店。 呢到啲饺子全手工制造，用心制作，日日包够新鲜，仲有多款不同口味任你选择。每只饺子都皮薄馅靓，大大只，仲劲足料，好味道，最重要绝无添加味精，食得健康。汤底系真材实料既【椰子海带鲜鸡猪骨浓汤】饮一口，就爱上，猪骨浓汤好好饮。 麻辣白菜鲜肉饺 $36/ 7只 好辣人士一定爱上🌶，惹味又足料，馅料劲多够实，刺激你既味蕾，食到 Lam Lam 脷😋 芝士粟米鲜肉饺 $36/ 7只 招牌芝士粟米鲜肉饺，拉出一丝丝芝士🧀芝士迷劲爱，粒粒新鲜粟米🌽，配上新鲜猪肉，配埋个猪骨浓汤，一试爱上 【风味小食】 🐣甜蜜蜜鸡中翼 $22/3只 个汁甜甜地，鸡肉够嫩滑 🌶凉拌藕尖 $28 爽脆藕尖带有少少酸，但配上泡椒，酸酸辣辣好特别 🥣凉拌海蜇 $20 爽口弹牙海蜇 🥚凉拌皮蛋 $20 大大件爽口皮蛋配上大大块酸姜片 🥒凉拌拍青瓜 $15(细) 辣辣既青瓜够爽脆，如果捞面食一流 🥤柑桔蜜 $10支 足料柑桔蜜，劲好饮，够润喉 @丰信饺子店 太子汝州街17号地下A号舖

店舖不大,但经常坐满人, 已帮衬过很多少, 每次都没有令我失望 每隔一段时间更新菜单, 今次吃了咖哩椰菜饺, 咖哩味甜甜的, 愈吃愈想吃, 每次也把椰子海带鲜鸡猪骨汤底喝完

多款饺子选择，有传统亦有特别D嘅，例如梅菜粟米/咖喱椰菜 就咁食饺子可能单调D，呢度仲有小食供应 多款小食当中，深得我心系呢碟凉伴海蜇 ($20)，口感爽脆，无花巧，加少少麻油已经好味道! 用上椰子海带鲜鸡猪骨浓汤(无味精)黎烚菜，令呢碗上汤时蔬 ($16)多一份甜味，呢期菜心当造，入口清甜无渣! 枱上提供豆办酱及少辣菜圃碎，用黎配食饺子就岩数啦 汤底系椰子海带鲜鸡猪骨浓汤 (无味精)，先饮一啖，椰子香甜味几出，配埋白菜鲜肉饺($34/七只) 饺子每只都够份量，无论菜肉比例或调味都恰到好处! 汤饺心多多就加$2变双拼，变成云耳椰菜鲜肉饺X麻辣白菜鲜肉饺，由原本嘅椰子鸡汤变成小辣妹，麻辣味唔算过激 只云耳椰菜鲜肉饺入口有云耳及椰菜嘅爽口感，饺子皮本身就煮得偏腍，可能有返咁大只饺要多点烹调时间 转煎饺亦系加$2，当然要叫芝士粟米鲜肉饺X芫茜鲜肉饺，煎得金黄色，边位脆口，放上枱未食己闻到好香煎饺味 只芫茜鲜肉饺，一口咬落去，里面嘅肉汁真系"咇"出黎，几香芫茜味，皮脆饀香，要快手点D豆办酱趁热食啦喂.......... 而芝士粟米鲜肉饺，入口有熔掉芝士嘅烟韧感，继而食到粟米...嘅香甜味道，呢个组合.........唔错! 呢度有罗汉果甘草茶 (支/$16，杯/$10)，够晒清热润喉，有益过饮汽水，呢个时候，更需要养好身体，为自己打打气更多