旅行者之选是什么？
Tripadvisor 会将旅行者之选大奖颁发给持续获得旅行者好评，并在 Tripadvisor 位列前 10%的酒店、景点和餐厅。
食物和氛围
暂无关于 Dragon BBQ Bar 的内容。
这个地方主要以酒吧与酒馆闻名吗？
4.5
19 条点评
很棒
10
较好
9
一般
0
较差
0
很差
0
NinjaJJ
香港1345 条分享
女朋友住在大埔，住在马鞍山美食沙漠嘅地方的我已经经常寻找大埔美食！最近在太和发现这一家食串烧的 bar, “Dragon Bar BBQ", 意想不到中午也有开门！
而且加上晚上禁堂食，趁着人少少的机会初尝这家小酒吧！
餐牌煮食感觉价钱实惠又非常吸引！特别是看到咸猪手居然只卖$138，不得心动一试，可惜店家因昨天生意不错已经卖完，只能改其他但无妨一试三文鱼扒拼薯菜！
他们称得上为bbq吧，相信烧烤食物也很不错所以只叫了一份主食其余都是烧烤！
先评价三文鱼扒主食，以这个价钱能够吃到三文鱼已经很不错，三文鱼煎到香脆可口没有一点腥味，薯条还是肥薯条，所以外脆内软！芦笋和香菇更加配合得恰到好处，很不错！
串烧通常都会离不开海鲜类而海鲜类通常有扇贝或生蠔，他们这里原来有鲍鱼，所以我们不选扇贝亦不选生蠔尝试他们家的鲍鱼如何！意想不到很有惊喜鲍鱼的鲜味可口，而且鲍鱼一点也不硬！
蒜香风沙烧粟米羹值得一提，粟米甜味被蒜香及葱花调出味道，在众多串烧的肉类多一点蔬菜平衡也是不错的选择！
盐烧鸡中翼，烧得十分有技巧，所以鸡中翼肉质鲜嫩及juicy！
旗鱼串烧包括有厚切牛舌，纽西兰羊架，台湾烧香肠，烧鸡皮...都很不错！如果喜欢食羊架的您不要错过这个纽西兰羊架，羊味十足，肉嫩多汁！烧鸡皮也值得一试，十分脆口！
当然bbq绝不能错过的士啤酒，我们点了生力及麒麟啤！这家大埔隐世小吧可一诚，不想遇多人争位坐可以考虑中午时段！
撰写日期：2021年1月11日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Cyfoodiehk
香港319 条分享
芝加哥串烧酒场
店舖稍为有少少远 出左地铁站大概要行5-6分钟左右
一入舖头就见到佢有好大个酒位 灯光比较暗 好有feel 而且仲有好大个电视 最啱约埋班fd一齐睇波饮酒
威士忌梅酒$82
Craft beer $46
食物拣咗bb辣
炭烧黑松露带子$68
几新鲜 咬落口仲有啲鲜甜 但有少少黑松露味 唔会话烧得过熟
蒲烧鳗鱼 $68
个鳗鱼几好 啲肉唔会话好烂 又唔会韧 成日食到啲唔靓嘅鳗鱼 佢嘅肉都会咬唔开 呢个就冇呢样嘅问题 不过太多酱汁系咩 有啲咸
香蒜芝士黑松露烧扇贝$42
好多汁嘅扇贝 完全唔会干 而且好浓芝士味
烧羊架$36
7成熟啱啱好 有羊味又唔会羶 好惊食羊有羶味 洒上香料 调味啱啱好
烧牛油帆立贝$33
稍微有啲太熟 冇咗鲜味 同有少少干 调味唔差
炭烧牛扒 $49
系薄烧牛扒 所以就冇咁多肉汁系入边 但啲肉都会鞋 几好食
芦笋烧$28
叫咗咁多左肉 呢个就攞嚟消滞都几好食 芦笋唔会好老 冇渣
大部份嘢食都高质 而且环境chill relax 啱同朋友倾偈食嘢睇波
撰写日期：2020年11月9日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
hkfood_searcher
香港430 条分享
Dragon BBQ Bar 💛大埔黄店💛
-
有气氛嘅串烧酒吧💛 虽然地方唔算大, 但有部大电视播着歌，环境气氛好有feel💖
食物方面，三文鱼扒肉质嫩滑😍 而且好厚肉🤤 配嘅薯条都系最钟意食嘅粗薯条 🍟😋 厚切牛脷必定要食！名副其实真系超厚切！啖啖肉！😍 仲要烧得好香😋 其他串烧好似金菇牛肉卷，猪颈肉等等，都热辣辣好新鲜，而且调味恰到好处唔怕太咸🤤 仲有就系好够浓味嘅蒜香茄子，上面的重劲多肉碎添🤣 食串烧当然唔少得饮下酒啦🍻 叫咗最易入口嘅女人酒 - Apple cider, 仲有就系带啲苦味嘅黑啤🍺
-
🔍 香蒜柠檬牛油烧三文鱼扒配薯菜 $108
🔍 厚切牛脷$28
🔍 安格斯一口牛 $33
🔍 金菇牛肉卷 $26
🔍 炭烧鸡扒 $32
🔍 烧猪颈肉串 $19
🔍 烧原条蒜香茄子 🍆 $42
🔍 苹果酒 $48
🔍 健力士黑啤 🍺 $53
-
📍Dragon BBQ Bar (大埔)
大埔翠乐街11号美丰花园地下10号舖
撰写日期：2020年10月22日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
elaine20326
香港1139 条分享
大埔一日游@Dragon BBQ Bar
大埔大埔太和路24号, Tai Wo Centre Block 2, 37号地舖
星期日入了TAI PO 农舍, 看看了可爱的动物及草泥马, 玩完后出返大埔比较市中心地区, 食完晚餐先回家。
放松下饮酒食CIGAR, 就入了一间有有食物的酒吧。
呢度架主菜好抵食,只是百多元起, 更有多款串烧, 都是廿来元起。
德国猪手拼薯菜$138, 食德国猪手点杯冻啤酒是常识, 大约$60-70一杯啦! 冰凉爽快,麦香又多气,能平衡猪手架油腻感同咸度呢! 德国猪手焗至皮香香脆脆, 肉就扎实咸香, 惹味得很。如果夫把烤薯条换上德国酸菜就更完美呈完这道菜的精髓了。
$108 柠檬牛油烧三文鱼，鱼扒好处是多肉没骨，跟薯菜吃得饱足，牛油汁落了柠檬汁调和，酸酸地其实唔觉油腻。
$112 响,日本whisky 享受单纯的味道
Manager $48 apple cider 女仔易入口，清爽多气有苹果香味同甜味。
另外再点了串烧看看手势同味道。$26 烟肉大啡菇，烟肉咸香同有油脂，做成串烧同乜都咁夹架。
$15 烧鸡软骨送酒必备小食，有咬口同油脂。
撰写日期：2020年10月18日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Cassie Chan
香港1197 条分享
#cassiegotaipo
-
新界东嘅酒吧其实选择唔多，瘦编同几个北区朋友每次想饮野但又唔想出市区，通常都会去太和大埔，因为选择多啲。系太和中心附近夜晚都有不少食肆同酒吧系度开业，每逢夜晚就有一种静中带旺的气氛，今次就试下依间芝加哥串烧酒场，一听个名就知系食串烧同饮酒。🍺
-
呢度嘅串烧选择有好多，有海鲜、牛肉、蔬菜类等，重点系有我最钟意既烧生蠔，烧大虾同烧扇贝，劲新鲜！另外还有些烤焗类，刺身，同饭面类。因为啲串烧要即叫即烧，所以都叫左个泰式生虾刺身打底。只海虾经冰镇后，肉质紧实富弹性，味道爽甜鲜美，再配上大量生蒜、辣椒、调制的酱汁，有助带出虾肉的鲜味，其酸辣的味道，非常醒胃。😋
-
而其他串烧就会用块好大块嘅木板一次过上，所以黎食嘢一定要有策略，最好就快手啲落左几件食物嘅单先，而瘦编第一次黎就太慢条斯理，慢慢拣哂全部食物先落单，结果等左XX分钟，所以大家记得要快d落单，第一轮先叫少少，食到一半又再落单。当中我最钟意食招牌茄子烧，呢个我觉得系必叫既，一整条茄子配上大量蒜蓉，食个时将茄子肉刮起就食得，食落好多汁又劲惹味，茄子烤得好松软， 而且混合蒜蓉特别惹味， 两者好夹而家谂起都想食。另外香蒜葱烧广岛蠔都系极力推荐！蠔非常新鲜，食落仍尝到蠔既鲜甜味，质地嫩滑。不过呢餐厅竟然系唔收信用卡同无电子收据，有少少唔方便，因为平时同朋友饮酒一定埋单过千蚊嫁嘛。🤣
-
味道评分▶️🌕🌕🌕🌗🌑 (3.5)
抵食评分▶️🌕🌕🌕🌗🌑 (3.5)
回购评分▶️🌕🌕🌕🌗🌑 (3.5)
-
➡️ 芝加哥串烧酒场 (大埔)
📍 大埔太和路24号太和中心地下37号舖
-
IG: @cassiecwy/ @cassiegetfat
FB: @cassiegotravel
撰写日期：2020年7月2日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
hkaftertaste
465 条分享
Dragon BBQ Bar❤
Prime 极黑牛小排(7成熟) $168
肉味香浓，油花分布均匀，但部份位置肉质较韧
烧烤酱鸡翼$58
香甜的烧烤酱十分开胃，鸡肉亦十分嫩滑
海胆忌廉宽条面$128
海胆很有鲜味，面条烟韧弹牙，不会太干身，份量岩岩好
Apple cider$48
味道甜甜地，酒味不重，容易入口
Asahi $48
大大杯，口感清新，夏天饮最适合不过
总的来说，酒吧内的食物味道不过不失
🔛🏃♀️🏃♀️🏃♀️
大埔翠乐街11号美丰花园地下10号舖
撰写日期：2020年6月30日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
叮叮噹雲遊記
香港436 条分享
饮下啤酒🍻食下串烧
今日星期日天气咁好架要揸车周围去啦啦，麦生揸下揸下就去左大埔啦，而大埔都好多隐世小店舖，而作为专业食货客🤪我架唔会错过入嚟大埔找下好野食啦⋯⋯眼前就比我见到间「芝加哥串烧酒场」酒吧+串烧的食肆，天气又咁鬼热最好去饮返杯啤酒🍻食住串烧降下温🔥⋯⋯
好彩我地早入场6点半到入座，坐左一阵好快就坐满全场，好彩我地早来，如果迟啲入就要等位，我就叫左杯带带果香味啤酒🍻，而麦生就叫左杯苹果酒，架要叫下下酒菜啦，呢到D串烧都好多款，睇到我都眼花撩乱样样都想食搞到我有选择困难症法作，咁我就叫左烧白鳝、原条鳗鱼、多春鱼、烟肉年糕串、烧茄子、烤芝士烟肉珍宝大啡菇等、烧白鳝烧到外皮好脆、最钟意食果个烟肉年糕，年糕内好似有芝士，口感好丰富，入口先食到烟肉的烟燻味之后年糕外面脆而内裹有流心芝士，劲啱我呢啲芝士控，搞到我系米AND CALL 叫左几串烟肉年糕串。
撰写日期：2020年6月21日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Louisa
香港480 条分享
太和呢边出名多美食😋😋
难得约揾中学同学叙旧，梗系揾间食得开心，而且坐得舒服唔会人赶走嘅地方呢，呢度仲有酒饮添，出面有位可泊车几方便。
呢间铺位喺好旺同店员倾开铺头系新开嘅，环境卫生都做得好好，铺头通风唔会焗住。
朋友未到就先饮杯Apple cider同1664饮先，店员真系好nice ，逐款啤酒介绍🍻仲推介我地食几款小食。
肉酱配玉米片$58
烟肉芝士好重手，仲有龙口味嘅橄榄同埋海量番茄肉，真心好好食，送酒一流😋
炸烧烤菇配黑松露酱$58
估唔到呢个炸菇系咁吸引，炸到出边脆卜卜，但入面仍然好多汁，精粹在于佢个黑松露酱，真系十级好食，我地想再添，店员无托手踭，转头就奉上。
烧烤酱鸡翼$52
多汁够味道，只只大大只，啱哂送酒，我地系时候叫多杯啦😹！
宝云酥羊假118
其实一日呢间铺头就已经闻到佢嘅样嘅味道，终于等到上碟啦！个Lamb Rack Provencal真整得几好，面包糠最加个酱汁真系冇得顶，好香而且佢个羊架味道真系好有吸引力。另外佢伴碟的炸蒜好正，我哋一人一粒抢晒😂！
蒜香辣椒榄油意粉$68
凭呢个意粉，就可以睇得出师傅嘅功架，食得出师父煮嘢食有料。
呢个价钱真系人哋食咗个意粉🍝真系非常经验的质素，爽身、没有油腻感、味道浓厚有质感。
我哋喺OpenRice度订枱，所以佢系送一呢意粉，好正啊！
最后必食推介系炸鱼薯条🍟
好巨型嘅两旧炸鱼，比我只手掌更加大😱 最后我哋麻烦电联再俾多次头先食过嘅黑松露酱我哋点薯条，真系好正啊！
地方就脚、价钱抵，呢间店一定再约朋友一齐encore。
撰写日期：2020年6月7日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Hinsonfoodhk
香港27009 条分享
餐厅：Dragon BBQ Bar (大埔)
地址：大埔翠乐街11号美丰花园地下10号舖
之前系大埔食过芝加哥串烧酒场🍻，觉得果到嘅气氛同串烧都唔错，系介绍之下今次去左同区美丰花园地下嘅Dragon BBQ Bar🥂，呢间分店唔同嘅系佢地以fine dining为主
一间好嘅餐厅除左食物同环境之外，有好嘅service都会令客人食得开心好多🥰，呢间酒吧除左服务一流👍🏼，成餐晚饭嘅过程见到侍应热情款待客人同尽量满足客人需要，so nice
黎得酒吧紧系唔少得叫返两枝啤酒，佢地主打生力啤酒🍻，happy hour $33一枝，San Mig Light较Pale Pisen啖啲，酒精含量较少，清新易入口又唔易肚胀，初饮嘅人岩哂😆；生力啤San Miguel Pale Pilsen就唔洗讲啦，拎过唔少啤酒大奖，除左有槐花香🌸，口味仲好均匀，难怪被推崇做亚洲最佳口味啤酒
香草鸡翼 ($48)
一碟四只、唔油腻得黎又香脆惹味🤤，原因系鸡翼加左唔少胡椒、盐、香草等调味料系面
炸烧烤菇配黑松露酱 ($58)
极力推荐嘅菇菇🍄，炸过烧过嘅大啡菇新鲜而多汁，菇味香浓，一咬菇汁就系口中四溅😍，加埋黑松露酱嘅配搭真系令人引唔住食完一旧又一旧
红酒烩牛脷 ($58)
红酒汁味道调配得刚好😋，牛舌有咬口又唔会过韧而难以咬开，呢个价钱都算抵食
保云酥羊架 ($118)
$118有三大块好厚肉嘅羊架🐑，可以拣3/5/7成，我就拣左5成，羊架落足料去醃制，羊羶味唔算太浓，加埋薄荷汁同柠檬汁更清新🍀，爱羊之一要一试了
蒜香辣椒榄油意粉 ($68)
呢个意粉简单得黎又好好色🍝，蒜头🧄、辣椒🌶️同橄榄油炒成嘅意粉好香，可以按个人喜好选择辣嘅程度😎，配埋其他叫左嘅食物一齐食就岩岩好了
撰写日期：2020年6月5日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Lily
香港52 条分享
如果唔系朋友揸车根本就唔会发现到呢个好地方，里面得几张枱，但估唔到食物质素非常高，住附近嘅居民有福啦！
先来一个温馨提示，店铺只系有英文名，所以认住就啱啦。
酒吧类嘅餐厅灯光比较昏暗唔，我冇专业器材影得一半，大家见谅啦。不过重点都系嘢食有唔少选择，而且个别嘅食物如果有嘢想问店员都会非常之热情友善咁解答，呢方面值得赞:like:
先声夺人：炸烧烤菇配黑松露酱
炸鱼薯条、炸薯条配黑松露酱就食过啦，估唔到烧烤用嘅大啡菇经过厨师世新炮制之后竟然可以成为又松脆又多汁嘅美食，香脆之余食落去唔会觉得好厚粉，配上惹味嘅黑松露酱，好有创意！
如果你只会选择一种小食，而你又钟意食炸嘢，我推荐呢个！
后劲继续：陈年花雕酒豚肉肠
小妹平时唔特别饮得多，对酒嘅认识就唔算好多，但系肠里面真系有浸味几香嘅花雕味，而且入边嘅猪肉并唔系平时食香肠𠮶种搞到不成形，宜兴咬落去仲有肉嘅口感喺度，配上黑醋汁同埋蔬菜解一解油腻，亦都更加开胃。
意粉嘅份量唔算好多，但系一拎出嚟就已经闻到好香嘅未，而且仲好滑，三文鱼好足料，我觉得比起焗嘅更加香同埋吸引。
重点推介呢个羊架，卖相靓已经令人睇到好开心，而且外面嘅酥脆本身亦都有独特嘅吸引力，底下嘅羊肉我哋选择左五成熟，做得刚刚好仍然有点油脂而且肉亦都系软熟。加埋头先其他食物，绝对系够两个人食得饱啊！
餐厅本身就只有呢一类嘅高枱，所以想带小朋友嚟就唔啱啦，推介情侣同埋朋友约会:star:
意粉同埋长通粉果类食物系可以改唔同嘅面，所以如果需要请自动向店员提出啊，佢哋都好乐意㗎 ！
撰写日期：2020年4月28日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
林公子生活遊記
香港4475 条分享
大埔 太和 美食攻略 芝加哥串烧酒场 Dragon BBQ Bar 串烧专门店 即点即烧高水准串烧专门店 供应多款酒水
今次黎到大埔揾食,咁就同大家介绍下呢间串烧+酒吧餐厅
佢既串烧水准非常出色,即点即烧,食住花生饮住酒慢慢等~
串烧种类非常多,有海鲜,牛肉,蔬菜类
我地今次就试左黑松露虾,烧鸡皮,牛扒,蜜糖鸡翼,鸡翼包饭,大葱鸡串,招牌茄子烧
芝士黑松露大啡姑
一串最平十几蚊起,绝对值得一试
牛扒五成熟够肉汁,鸡翼烧得皮脆肉嫩,仍然有肉汁
大葱鸡肉相当好食,肉够厚,加埋葱烤香一齐食好香~
佢既烧鸡皮都好正,好似食脆片咁脆~呢度生啤到日本酒都有得饮选择非常多~
串烧第一轮可以叫多少少,食到差不多先再落单
即点即烧,起码等20分钟先有得食~
烧鸡翼水准拍得住日本居酒屋!
脆皮,肉嫩多汁
芝士黑松露啡菇系绝对必定推荐!
肉厚,芝士软滑,再加上黑松露酱既香气~
大埔太和路24号太和中心地下37号舖
Shop 37, G/F, Tai Wo Centre, 24 Tai Wo Road, Tai Po
撰写日期：2020年4月27日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
琳濯SukiYeung
香港2808 条分享
今日同朋友入到去太和食美食，位置系大埔翠乐街11号美丰花园地下10号舖【Dragon BBQ Bar】，舖内有几张枱及椅子🍽，收工可以同朋友黎呢到放松下，食下野，倾下计。店内职员仲介绍好多不同特色既主菜、意粉🍝及前菜比我地拣。
👇🏻前菜我地就拣咗👇🏻
🐓香草鸡翼 $48
外脆内软既肉质，浓郁既香草味与鸡翼简直系绝配👍🏻
🐟炸鱼薯条 $68
炸到金黄色仲要劲大块既炸鱼🐟，外脆内软，肉质仲要超嫩滑，食到唔停得口。配上长长厚厚既香脆薯条🍟加埋个酱料，超级惹味。
🦐炸凤尾虾 $68
嫩肉鲜甜可口，炸到金黄色，食到LamLam脷😋
🥚黑松露炒蛋 $38
半熟黑松露炒蛋，炒蛋好滑漏，好香既黑松露，食到停唔到口。
👇🏻当然唔少得要叫主菜啦👇🏻
🥩Prime 极黑牛小排 $168
一定要食牛小排🥩，两件又长又大块，仲要够哂厚身，劲多汁，有入口即溶既感觉。配上香甜既菠萝🍍、煎过既香蒜及煎香咗既苹果🍎，食到津津有味。
当然唔少得饮品啦，饮品配埋 🍻Magners (Juice apple🍎) $42 x 2支，简直系绝配。另外加多一罐🥤7up $18
撰写日期：2020年3月22日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
kkisgettingfat
香港159 条分享
蒲烧鳗鱼 $68（推介！）
烧辣辣成条上，够哂惹味！
口感入口即溶，而且鳗鱼味出，摊冻左食会变返弹牙质感，两只质感都唔错🤤。
-
烤黑松露虾串 $28
原来有三大只，都几抵食🦐。有淡淡黑松露味，不过可惜虾肉好难先离到壳，容易食到虾壳🤭。
-
韮菜烧 $14（推介！）
又甜又多汁，超好食😻！
忍唔住系咁encore！
撰写日期：2020年2月25日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Tripcomment2018
香港212 条分享
情人节晚餐，第一次食这间串烧，情人节没有加价的地方，订了枱也很多人，串烧的等级时间较耐，但味道烧得不错
撰写日期：2020年2月18日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
美味情緣
香港834 条分享
食完饭意犹未尽，朋友介绍嚟咗呢间芝加哥酒吧 Chill下吹水！
餐厅装潢 型格有情调，有大电视直播足球赛事，适合知己谈天和大伙儿睇波饮酒！食物提供多样化，有生蠔、牛扒西餐、日式丼饭 和串烧！当然唔少得 本地手工啤酒 和外国进口生啤！
我哋点咗cocktail Pina colada、麒麟生啤、澳洲 little creatures 生啤。 pina colada 椰汁味 清甜浓郁，盖过冧酒容易入口。 澳洲生啤 little creature 店员推介 花香精爽 清淡易入口!
点咗几串烧烤送酒，黑松露烧虾、烧鸡泡鱼干、鱿鱼干、烧茄子、秋刀鱼、烧鸡髀肉、烧日式蕃薯仔！ 整体烧得干身脆口 有水准！
值得推介黑松露烧虾，估唔到黑松露和烧虾甘搭配，十分惊喜。烧茄子系招牌货 ，外脆内软滑，仲保持茄子肉汁，火候到家。秋刀鱼 焦香扑鼻，香脆惹味送酒一流！
撰写日期：2020年2月5日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
显示第 1 至 15 页的结果，共 16 页
参见
绝佳中等价位餐厅
查看全部
