详情
该企业未被认领。
已认领企业的业主可进行详情页详情更新、添加照片、回复点评等更多操作。
立即认领您的免费详情页
美食
日式料理
这是一家日式料理餐厅吗？
4.5
17 条点评
很棒
11
较好
5
一般
0
较差
0
很差
1
Ivyivy1120
香港172 条分享
因为晚市禁堂食，所以金鹤推出85折外卖优惠。有优惠当然想食好D，食豪D。
每次堂食拉面时，都闻到好香既烧鳗鱼味，今晚一于买左金鹤另一出名食物回家食。
活烧蒲烧鳗鱼饭 $238
采用日本直送鳗鱼，即叫即烧，未食已经香味扑鼻而来，一打开个盒，见到鳗鱼超肥美肉厚，食落外脆内嫩，口感一绝。还附送小食芥末八爪鱼，非常醒胃。
明太子鸡翼 $48
另外我再叫左2只日本明太子鸡翼，香口鸡翼，外皮甜甜脆脆的，入面微微辛辣。
撰写日期：2021年1月17日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
elaine20326
香港1139 条分享
金鹤拉面 (蚬壳街)
地址: 天后炮台山蚬壳街6-16号宝荣大厦地下E号舖
电话: 34602398
屋企人话想食返这间日式饭同串烧，听话又孝顺架我，只好要放去就去最近架分店，买饭回去喂饱屋企人个肚
呢间拉面先系主打 ，但系汤长途拎返去风味会稍稍影响，所以都系点饭
外卖85 折一个餐around $90包了主食，小食同饮品，系醒目悭钱都会点呢个
离不开的串烧，折完价钱二十元左右一串，鸡肾，烧得香口惹味。另外免治鸡肉，鸡翼，黑豚肉，啖啖肉香扑鼻。
单点$78 唐扬炸鸡咖哩饭，小朋友指定要食，日式咖哩汁偏甜唔辣，小孩有咖哩汁可以一个人食晒整碗饭。
因为全家都钟意食炸鸡，就额外点多分小食啦，仲有饺子，正价各$38 ，个饺子汁令整件事更开胃。
好想快d开返晚市堂食，就可以食到热藤藤拉面啦。
撰写日期：2020年12月30日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
mjqueen7e
香港11579 条分享
近排因为要留家抗疫，所以多咗时间上网。最近就留意到喺 FOODPANADA 订购「金鹤拉面」外卖送递满 $80，即可享全单 9 折。
另外全线分店全日外卖自取，更可享有 85 折优惠，包括所有拉面、鳗鱼饭及串烧小食； 所以趁今日得一个人食晏， 专诚过嚟天后炮台山分店买外卖。
之前帮衬过餐厅嘅拉面，反而未试过佢哋嘅招牌鳗鱼饭，今次就拣咗一客鳗鱼饭同两串串烧。
店员服务非常好，很亲切，等候其间还招呼我进店内坐下，又问我是否要饮水，态度可嘉。
活烧蒲烧鳗鱼饭 ($238)，唔好睇佢个鳗鱼饭咁贵，折咗都要成 $202，但真系物有所值。每件鳗鱼都好厚身，面层烧至微焦，鱼皮带点胶质又烟韧，鱼肉丰腴有肉感，肉质细致，食到鳗鱼的甘香味，难怪有口皆碑。伴吃嘅鳗鱼汁亦非常出色，调味刚好，浓淡得宜，与肥美嘅鳗鱼非常匹配。垫底嘅米饭亦属上佳之作，入口带米甜，富黏性，烟韧有咬口。
串烧点咗明太子鸡翼 ($28) 同五花腩串各一。明太子鸡翼外形胀卜卜，够晒大只又饱满，鸡皮烧得颇香脆，入面馅料带辣劲，富肉汁又香口。
至于五花腩串 ($28) 味道亦唔错，腩肉甘香油润，而且喺烧嘅过程中已经逼出多余油脂，加上瘦肉比例多于脂肪，所以食落完没有肥腻感，正！
撰写日期：2020年8月22日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
美味情緣
香港834 条分享
我最钟意日式料理, 除咗鱼生、寿司, 拉面、串烧和丼饭都系我嘅至爱。
今日去蚬壳街揾嘢食, 路过 金鹤拉面 畀佢嘅蒲烧鳗鱼饭海报吸引住, 趁这段期间 外卖自取, 仲有85折优惠, 即刻去试下先！
活烧蒲烧鳗鱼饭
蒲烧海鳗鱼, 真材实料, 厚身肥美, 海马本身肉质结实有嚼口, 天然油脂, 丰富甘香外皮微微烧焦, 脆口焦香扑鼻。
特别是那蒲烧鳗鱼汁, 跟酱油和谐融合, 充满鳗鱼肉汁精华。人气之选, 果然零舍不同, 吃过这一口鳗鱼饭, 就会念念不忘那一种独特的味道！
骨付肠
即付于骨上的猪肉肠, 有点似台湾香肠, 炭烧焦香, 浓散发阵阵烧烤肉香！
免治鸡肉串
外皮香脆, 内里嫩滑多汁, 入口即化！
鸡软骨串
油脂甘香, 特别是哪烧烤后的香脆口感, 令人回味无穷！
撰写日期：2020年8月3日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Ling W
140 条分享
好耐冇食拉面啦! 今日就嚟食型格拉面店 – 金鹤
.
金鹤主打鸡白汤, 咁当然要叫一碗啦! 鸡白汤入口好浓好creamy~ 同个D咩咩鸡汤绝对系两回事呀! 而且上面有D炸过嘅牛蒡丝, 放入汤度食就会变左爽爽地啦! 呢度系上慢煮鸡胸 & 火炙日本黑豚腩肉叉烧的, 食落唔干仲几嫩!
.
另一碗叫左黑蒜酱油拉面($98). 黑蒜味系好香的, 而酱油汤系以秘制黑蒜酱油混合鲣鱼汤，入口黑蒜味甘醇，唔会好油腻或太咸! 溏心蛋就刚好半熟, 好正呀.
.
叫左小食系炸鸡($48) 同芥辣八爪鱼( $38). 炸鸡香脆肉滑又juicy~ 芥辣八爪鱼小小辣, 食食下仲可以转换下口味^^
撰写日期：2020年6月17日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Mscorgi
香港656 条分享
金鹤拉面同一般拉面店最大分别是佢地主打鸡白汤而非用豚骨汤做主流汤底，就算未听过店名，应该都见过卖相超吸引既金鹤鸡白汤拉面，有好具霸气既炸牛蒡做点缀🤤之前已经试过呢款面，今次就试下只有炮台山分店先有既拉面
.
店员由我一入门到我离开店内服务都好好，态度非常友善同埋好主动serve客人👍🏻
.
1. 黑豚肉碎豚骨汤拉面 $78 8/10
沙律跟餐包埋，黑豚肉碎好似一座小山丘咁放系面既中间，配菜有紫菜、溏心蛋、葱花等，黑豚肉肥瘦适中，食落好香口，唔会太碎，油脂味都几重，加埋葱花一齐食唔会太腻😋溏心蛋半凝状态，质感滑溜
.
2. 唐扬炸鸡 $28 8.5/10
一客有3件，新鲜即炸，外皮呈金黄色，每块size都几大件，肉质真系鲜嫩唔乾，旁边仲有柠檬盐可以调味，但我觉得就咁食已经好滋味🥰
撰写日期：2020年6月6日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Man Iron
香港590 条分享
砲台山蚬壳街这间《金鹤拉面》 朋友极度推介， 即使疫症期间， 门口都keep 住有人等位。😋
墙壁嘅白鹤栩栩如生， 另一边近吧台， 有一排排清酒樽，很有日式居酒屋嘅气氛。
先送上热麦茶👍
首次光顾一于试佢店长推介嘅浓汤系列。
北海道极浓蟹汤拉面$138
先试浓稠嘅汤底， 蟹味相当澎湃， 味道有层次。
拉面质地烟韧， 但个人觉得有碱水味。拉面还有紫菜，糖心蛋软熟甘香， 笋，木耳丝。 旁边还有薄片叉烧， 手拆蟹肉， 配特浓汤底真系相当滋味！
极浓鸡白汤拉面$138
真系要赞吓，佢个卖相同幅图系一模一样～
个人很喜欢鸡白汤， 有中式鸡汤嘅香气和带点猪骨汤底嘅奶白骨胶原， 味道相当吸引！👍😋
中间有大量嘅白葱， 旁边好似柴枝嘅系炸牛蒡， 几脆口带少少甘甘地嘅味道 👍 还有一只糖心蛋，流心香滑，再加两块鸡肉和两块豚肉， 丰富呀～！
还送了甜品，抹茶味蕨饼，够窝心！💞❣️
撰写日期：2020年4月13日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Foodboy Material
香港10156 条分享
前面是绝路，希望在转角，呢句电影对白曾经改变左我一D睇法。
原来当人去到谷底时，你唔会再有任何包袱、负担，
你会不惜孤注一掷，尽地一煲，你可能会想藉住
呢次机会得到某D野，又可能你只系想寻求解脱。
但对做生意既朋友，尤其是做餐厅既，当好景既时侯，
业主又可能会加你租，好似撞正疫情爆发，
你想同茶主倾下减租咩？佢又企硬，睬你都有味。
到真系做唔掂果阵，你想洒脱咁执左间铺，
但你又要睇住班员工，的确步步为营。
今晚又到我黎支持我既最爱「金鹤拉面」，
新鲜滚热辣，特别窝心！👇
-
📌砲台山店限定 -
▪ 黑豚肉碎豚骨汤拉面 - $78
▪ 加鸡胸 - $14
▪ 加叉烧 - $14
▫ 之前几次去金鹤都系食佢地既招牌经典鸡白汤多，
但今次就试下炮台山专属既「黑豚肉拉面」，
黑豚肉睇落肉质肥瘦适中，入口松软弹牙，味道香浓。
溏心质感滑嫩，一咬落去就系流心既蛋黄，
令成碗拉面更加饱满。食肉兽当然要整多两块鸡肉同
叉烧啦，食落唔会好"鞋"，保持到嫩滑。面条水准
做到同之前一样，无令我失望，烟烟韧韧够弹牙！
-
📍 金鹤拉面 - Kane Tsuru Ramen
🎈天后炮台山蚬壳街6-16号宝荣大厦地下E号舖
撰写日期：2020年4月1日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Hinsonfoodhk
香港27089 条分享
餐厅：金鹤拉面 (天后)
地址：天后炮台山蚬壳街6-16号宝荣大厦地下E号舖
全香港有4️⃣间金鹤拉面分店，佢地致力打造一个高尚、宁静、舒服同卫生嘅环境比食客慢慢享受拉面🍜，相信系呢个繁忙嘅香港都市揾到个可以享受嘅食饭地点确实难得
今次去左位于炮台山蚬壳街嘅分店，分店限定推出黑豚肉碎豚骨汤拉面同日式咖喱吉列猪扒饭🍛，而因疫情关系🦠，外卖自取仲可享有85折优惠
难得黎到呢间分店紧系要试下佢地独有嘅黑豚肉碎豚骨汤拉面($78)，黑豚肉碎堆积成一座小肉山放左系拉面中央，面头加上葱花，而拉面亦附有一只一分为二嘅糖心蛋🥚同两块紫菜😋，估唔到豚肉嘅份量又几多，最尾仲可以饮埋个无味精嘅豚骨汤底
每日经文：只是不可忘记行善和捐输的事，因为这样的祭是上帝所喜悦的。
——希伯来书 13:16
撰写日期：2020年3月19日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
显示第 1 至 9 页的结果，共 9 页
参见
