详情
该企业未被认领。
已认领企业的业主可进行详情页详情更新、添加照片、回复点评等更多操作。
立即认领您的免费详情页
美食
亚洲料理, 台湾菜
这是一家亚洲风味餐厅吗？
4.5
7 条点评
很棒
4
较好
3
一般
0
较差
0
很差
0
Cassie Chan
香港1206 条分享
#cassiegokwuntong
-
上年最流行嘅饮食潮流排行榜一定有黎自台湾古早味蛋糕嘅位置。古早味蛋糕起源于台北淡水，系淡水著名手信之一，唔知点解慢慢系香港兴起咗一股热潮，开到成行成市！🍰
-
今次收工时间经过观塘骆驼漆大厦闻到好香，就试吓依间亚爷古早味蛋糕，真系见到有爷爷经营，望到都担心老人家会辛苦，要帮衬佢地支持吓。铺位其实好细，系熟食铺隔离。依家做紧优惠，like FB page或者follow IG都可以减$10，好抵！😋
-
今次试咗两只味，合桃杏仁同埋流心芝士。蛋糕食落好松化，而且好浓蛋香味。合桃杏仁上面好足料，同蛋糕味道都好夹。流心芝士都好正，令人食唔停口。攞到翻屋企冻咗都唔怕，叮翻热就食得～👍🏿
-
味道评分▶️🌕🌕🌕🌕🌗 (4.5)
抵食评分▶️🌕🌕🌕🌕🌑 (4)
回购评分▶️🌕🌕🌕🌕🌗 (4.5)
-
➡️ 亚爷-古早味蛋糕 (观塘)
📍 观塘开源道60号骆驼漆大厦3座地下A1号舖
-
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie
撰写日期：2021年2月26日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Jas
香港407 条分享
一直都好想试呢间古早味蛋糕，因为屋企人平时都好钟意试古早味蛋糕。咁啱今日经过骆驼漆就买咗两款蛋糕，未去到舖头都会闻到阵阵嘅蛋糕香味，好吸引人。 睇返舖头menu，原来佢每一日都有唔同嘅精选(可以上ig睇)，同埋有四种固定嘅味道，就系原味、朱古力、芝士同埋咸蛋黄芝士味。
是日精选 - 美禄朱古力味 ($75) 因为我大约两点几去买，原来星期日两点系美禄朱古力味出炉时间，所以决定听姐姐讲试吓佢，拎嘅时候仲系暖。 其实美禄朱古力味系一般嘅古早味蛋糕店都比较少见，所以我都几好奇会唔会太甜。蛋糕面有朱古力粒粒，蛋糕系美禄味，中间有一层夹心，原来系美禄朱古力酱，唔会过甜，令成个蛋糕多咗层次，仲好开胃添。
原味古早味蛋糕 ($60) 买完一拎上手已经觉得个蛋糕几重身， 一打开个盒发现原来呢一个古早味蛋糕比一般舖头size更加大，难怪系咁重身啦。 打开个盒就会闻到一阵阵嘅蛋香味啦，我切落去嘅时候都觉得佢好松软。食落去松软干身，唔会太甜同湿笠笠。
撰写日期：2021年1月25日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Jayson L
香港88 条分享
收工相约老婆去观塘呢个美食天堂食晚饭，经过骆驼漆大厦既时候闻到劲香既蛋糕味🤩，原来系有间古早蛋糕店系骆驼漆大厦既地面开业，刚好有古早蛋糕新鲜出炉，古早蛋糕店标磅「手工、现烤、台湾正宗」，见咁吸引就买黎试下🤤。
.
蛋糕体绵密，湿润度适中，拎上手同食落都感觉好轻盈，冇多余油份残留系手，食多几件都唔怕滞🤤。
.
🧀咸蛋黄芝士💲80
咸蛋黄既咸香味十足，芝士夹系中间形成厚厚的一中层😍，咸蛋黄同芝士既咸香配埋蛋糕体甜甜地既味道好夹💯。
.
🍫美禄朱古力💲75
朱古力粒铺系表面遍布密密麻麻，中层朱古力味好香浓，
要配合美禄蛋糕体好撘配👍🏼。
撰写日期：2020年11月13日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Hinsonfoodhk
香港27089 条分享
店铺：亚爷-古早味蛋糕 (观塘)
地址：观塘开源道60号骆驼漆大厦3座地下A1号舖
来自台湾嘅手工即烤古早蛋糕，每日唔同时段会有唔同味道嘅蛋糕，新鲜出炉，行过都闻到香味😍，岩岩买完拎上手系热辣辣架🤭
买蛋糕一件仲送一张$5优惠卷可以下次用，岩哂想试匀唔同味嘅你😆，去嘅时候都有唔少人买，咁岩系肉松同朱古力味出炉，就拣咗呢两只味
朱古力古早蛋糕 $75
超浓郁嘅朱古力🤩，面头仲有粒粒朱古力🍫，蛋糕大小系我试过咁多间入面最大份嘅一间👍🏼，买到返屋企叮返黎食仲有流心效果，钟意食朱古力嘅你一定一定唔可以错过😋
台湾肉松古早蛋糕 $80
肉松蛋糕系以原味蛋糕做底，再加上夹心同面头两层肉松，食唔哂可以放入雪柜，拎出黎叮返20-30秒嘅滋味一流🤤
最可惜嘅系每样食咗一旧，放咗系客厅唔够一阵就比人食哂🙊，睇黎佢地都真系好吸引，等我下次再去买过先
撰写日期：2020年9月1日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Wincyholic
香港2766 条分享
Enjoy my afternoon☀️🌴⛱ (🍰 + ☕️) = ❤️
.
.
呢排都继续在港Staycation⛱，继续体验不一样既香港体验吧。下午茶时间，最好食件Cake🍰 饮杯tea☕️，享受被太阳晒住☀️ 午后的好时光吧。换个心情，感觉不一样既旅程。
.
平时食得西式teaset 多，今次就试试古祖味Cake 吧，只要根据蛋糕出炉时间去买，就可以食到新鲜热辣辣 出炉既蛋糕啦，见到胀卜卜既Cake😍 真系好治愈。
.
今次就试下芝士味🧀 & 咸蛋黄芝士味🥚🧀。其实2只咪差唔多，软绵绵又带点湿润既Cake🍰，仲有芝士半溶香味，刚出炉都唔错喔。食唔晒 雪冻食又另一种口感，一条Cake 2种口味。
.
.
继续滞留香港，继续用心感受 呢片我地曾经熟悉既香港吧。Sad💔 but Love U my Hong Kong🇭🇰
.
.
×××[亚爷 古早味蛋糕 -Grandpa Castella Cake]×××
©观塘开源道60号骆驼漆大厦3座地下A1号舖
.
.
撰写日期：2020年7月1日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
mjqueen7e
香港11579 条分享
近年，从台湾传入的古早味蛋糕一直人气高企，眼见有好几家卖古早味蛋糕的店舖，人龙持续不断，起码排半小时以上才买到蛋糕。
早排喺 facebook 见到有人推介呢间新开张的「亚爷-古早味蛋糕」，据说蛋糕系每日新鲜以正宗台湾怀旧手法制作，难得今日经过，梗系要买嚟试下。
门口嘅玻璃窗贴有价目表同蛋糕嘅口味，细心一数，一共有 11 款，另外亦有蛋糕嘅预计出炉时间，想食边款可以自己校啱时间选购。
第一次买，决定先试下原味，另外再拣咗个美禄朱古力。职员话店舖而家做紧优惠，只要 follow 和 like「亚爷-古早味蛋糕」嘅 facebook 或 ig，再以手机出示给店员看，即可享原味减 $5，其他味道减 $10，哗，咁抵，当然唔可以错过！
估唔到两个蛋糕拎起上嚟都几有分量，十分坠手，而且连个盒都印有可爱的「亚爷」logo，让人留下了深刻印象。
原味古早蛋糕：先试原味呢个，水准果然唔错，虽然外表平实，食落有点像平时的蒸蛋糕，但入口质感更加松软，蛋香味十足，又不会太甜，好啱我口味。
至于另一美款禄朱古力 味道亦唔错，蛋糕中间洒上美禄朱古力粉，面层再铺上粒粒朱古力，除了朱古力脆粒令口感更丰富外，中间仲食到浓郁朱古力熔浆。最钟意就系佢甜度适中，味道浓而不腻，朱古力迷必试！
撰写日期：2020年6月9日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
显示第 1 至 6 页的结果，共 6 页
参见
