详情
该企业未被认领。
已认领企业的业主可进行详情页详情更新、添加照片、回复点评等更多操作。
立即认领您的免费详情页
美食
中餐
这是一家中餐厅吗？
4.5
11 条点评
很棒
5
较好
4
一般
2
较差
0
很差
0
mjqueen7e
香港11555 条分享
好友新居入伙，话要请我哋去佢屋企食饭，咁当然唔可以两手空空，老公提议嚟佢公司附近呢间「烧味卤师」斩料加𩠌。
其实呢间烧味外卖店开咗唔系好耐，只系大约半年左右，不过真系好受附近街坊欢迎，皆因店里嘅烧味，不但价钱便宜，而且货真价实，所以有好多捧场客，每次经过都人头涌涌。
离远已经见到舖头个橱窗挂满各式各样嘅烧味同卤味，琳瑯满目，有烧鹅、烧排骨、鸡翼、乳猪、卤水鸭同盐焗鸡等，样样都好吸引，反正有几个人，一于买多几款。
买咗禾田卤水鸭 ($60) 同 胡麻海蜇手撕鸡 ($65) 各半只，另外再加咗一斤蜜汁烧排骨 ($50) 同 四只烧鸡翼 ($20)。
禾田卤水鸭虽然只系买咗半只，但估唔到都咁大盒，非常坠手，一打开个盖已经闻到阵阵卤水嘅香。鸭肉卤得很入味，而且切得够晒大件，外皮半湿嫩，肉质肥美，结实不嚡口，点埋个酸醋汁食，真系无得输。
胡麻海蜇手撕鸡：手撕鸡买咗半只，装满一盒，非常足料。海蜇厚度适中，柔韧有弹性，口感不错。鸡丝条条都好嫩滑，咬下带点油香，用嚟配佢个胡麻酱食，真系一流，令人胃口大开。
蜜汁烧排骨：平时食嘅烧排骨，多数都系骨多肉少，不过呢度嘅骨肉比例就刚刚好，入口肉嫩多汁，而且仲带点蜜汁嘅甜味，正。
蜜汁烧鸡翼：呢度嘅鸡翼系鸡全翼，不过师傅喺入盒前已经将鸡翼切件，所以好方便食用。几只鸡翼都烧得啱啱好，皮香肉嫩，连鸡翼尖都够晒入味。
撰写日期：2021年4月13日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Small_baba
608 条分享
今晚爸爸生日，无法外出庆祝，现在家里吃丰富点😄爸爸喜欢吃烧味，打算到烧味店斩料加𩠌🤪
同事说她家里附近有一间很好吃的烧味档，便来到这里买。这间在区内应该真的很有名气！超多街坊到间买烧味😱买了四款烧味回家吃～
🔶烧味佬叉烧
一点也不干身！外层淋上薄薄的叉烧蜜汁☺️甜甜的～味道不会过浓👍🏾而且肥膏不多！真的啖啖叉烧肉😋肉质厚实得来又不韧🤟🏾
🔶老师傅烧腩仔
外皮烧得十分香脆，咬下去脆卜卜的😏但肉汁仍然保留在内～每啖肉都很juicy ✌🏾肉质很嫩滑🥳火喉十足！而且肥肉比例不太重☺️轻轻一点点的肥肉衬托著，无比香滑！
🔶至尊烧鹅
这个选择了上庄的部分～我本身对烧鹅没太大兴趣，因为平时吃的烧鹅，肉质比较「粗鞋」，很难咬开，吃到最后只剩得一团肉渣吐出来😒但这个烧鹅很易咬开之余，也尝到肉汁的味道😱原来烧鹅也可以很好吃🥰
🔶客家盐焗鸡
虽然是盐焗鸡，但一点都不醎～而且淡淡的盐味还加强了鸡的鲜滑味道🤪就连鸡胸部分也很嫩滑😍配上沙姜汁更加野味🙌🏾
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
烧味佬叉烧$50
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
老师傅烧腩仔$64
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
至尊烧鹅（上庄）$110
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
客家盐焗鸡$59
📍📍📍📍📍📍📍📍📍📍📍📍📍📍
烧味卤师 (长沙湾)
长沙湾长发街28号安发大厦地下D号舖
撰写日期：2021年2月9日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
琳濯SukiYeung
香港2740 条分享
今晚要加𩠌啦🍽离远已经闻到好香嘅烧味味，到门口就睇见好多款新鲜出炉嘅烧味，睇见到LamLam脷，终于畀我买到啦
至尊烧鹅 (上庄) $110
烧鹅🦢睇落已经又靓又正，颜色仲好均匀，鹅皮仲烧到一格格网纹，够哂香脆，肉汁仲流晒出嚟
客家盐焗鸡 (只) $68
盐焗鸡🐓都好正，仲超抵食，成只都系68蚊。
鸡肉嫩滑，盐焗鸡原汁原味，咸味适中，真系好正，
蜜汁烧排骨 $60
呢盒蜜汁🍯烧排骨值得推介，真系超好食，蜜汁唔会太甜，骨细多肉，肉质好味
冷盘-海蜇燻蹄 $36
海蜇🐖燻蹄：海蜇口感好爽同超弹牙；燻蹄口感一样咁爽口，仲不油腻，劲好味
烧味卤师 (长沙湾)
长沙湾长发街28号安发大厦地下D号舖
撰写日期：2020年12月22日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
mjqueen7e
香港11555 条分享
约咗几个好耐无见嘅朋友食饭，本来谂住订间餐厅，分两台坐，点知有人话要嚟我屋企开餐，咁梗系要斩料加𩠌啦！
本来打算去屋企楼下间烧腊店买，不过老公话佢公司附近新开咗间「烧味卤师」，每次经过都见到门外有人等买外卖，好受街坊欢迎。
原来店舖嘅老板来头不小，曾代表酒店参加 2015 年世界粤菜厨王大赛 (烧味及卤水组别) 并获得至尊金奖殊荣，所以提议试下。
间烧腊店嘅舖面都唔算细，装修新净企理，予人明亮整洁之感。好彩到埗时还未到晚市繁忙时间，毋须排队轮候。
门口嘅玻璃柜入面挂满各式烧味，柜台上的0叉烧同鸡髀、鸡全翼卖相亦很吸引，色水靓得嚟又富光泽。
睇过宣传单张，店舖自设工场，全部烧腊都是现场制作，即烧即卖，难怪所有烧味都充满新鲜出炉嘅香气，就一于多买几款返归。
拣咗老师傅烧腩仔 ($64/半斤) 同几款新张优惠嘅烧味：至尊烧鹅 ($120/下庄)、烧味佬叉烧 ($45) 及客家盐焗鸡 ($25/半只)。
四大盒，非常坠手，包装得整齐企理。
先试下至尊烧鹅，鹅髀大大只，鹅件斩得小均一，鹅皮泛油光，熠熠炅，色泽均匀，棕色带红，皮肉饱满胀身，入口香脆酥化。鹅肉质感嫩滑，肉香脂香兼备，加上调味适中，用来送饭食一流！
烧味佬叉烧，叉烧选用了脢头肉制作，Juicy 多汁兼肉味浓，食得出酱料香。肉质腍滑松化，而且切得唔会过薄，有咬口又不觉肥腻，㶶边位尤其焦脆，吃完真系好满足。
至于呢款老师傅烧腩仔，质素亦不俗，入口皮脆肉香，而且味道醃得啱啱好，唔会过咸，食落亦没有猪臊味，完全满足口腹之欲，确系值得推介。
另外呢款客家盐焗鸡亦做得很有水准，鸡肉味道咸香，口感细腻，尤其是骨肉相连的部分，质感非常滑溜，滋味到不得了，想起都令人垂涎，难怪各人赞不绝口，加上而家 $25 就有半只，真系非常抵食。
撰写日期：2020年10月9日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
显示第 1 至 4 页的结果，共 4 页
参见
附近的最佳景点玩乐
我们衡量会员撰写的点评和酒店、餐厅、景点与此地点的距离，从而决定这些场所的排名。
