疫情的影响彷佛也习惯了什么约会与庆祝也在中午进行。情人节快将来临，男朋友与我今年来到了湾仔的一间扒房，享受一顿日光午餐庆祝。 餐厅位于18楼全层，面积细少，大约可容纳28人，装潢与颜色主要以啡金色为主，朴实之余不失高雅。 午餐有意粉、汉堡、热狗及三文治四款选择，附送餐饮，加钱可配有沙律和餐汤。一张红衫鱼有找的西式午餐确实久违，又岂能错过。餐纸上推介之肉眼扒套餐也相当吸引，套餐包含餐包、沙律、肉眼扒及炸薯条伴碟，来到扒房，必定要试试镇店之物！ 平平无奇的餐包经煎烫后外脆内软，搽上顺滑牛油后更香气可口，不再是经常吃的那款软绵绵翻叮餐包。 沙律菜与萝卜丝配以沙律醋捞匀，清新爽口沙律菜中带微酸，十分开胃而不酸涩，令肚饿感更一步增加。 8安士肉眼扒大约有一只手掌大小，厚约2cm！牛肉外熟内呈粉嫩红，肉质软熟不失牛纤维咀嚼度，是刚正的五成熟度，咬下时甚多肉汁渗出，牛扒没有经醃制，所以味道主要为香浓烧牛肉香，十分惹味松软，牛扒可选择配以黑椒汁或肉汁，但牛肉鲜甜肉汁已胜过任何酱汁，所以我一直无视了旁边的它。附上薯条伴碟，薯条属直长幼，虽然薯仔含量较少，但外表炸至黄金，而且即叫即炸口感香脆和暖...，一条又一条有吃不停的节奏。 另一个午餐套餐则选择了本人较喜欢的凯撒沙律，沙律菜夹杂着面包粒，洒上芝士粉及放上细片溏心蛋，这款沙律更有口感与层次感，味道亦更丰富，沙律酱清淡，这一碟清新小前菜。 是日餐汤为南瓜汤，意外地在南瓜汤上洒上葱花，虽然爽脆带草清味的葱花与南瓜汤有点不符，但汤中有少许南瓜丝，能偶尔尝到南瓜香，加上加入忌廉烹调，口感十分顺滑。 汉堡包层次分明，每一层食材也有一定厚度，馅料有蕃茄、芝士、4安士谷饲牛汉堡扒、红洋葱、生菜萝卜丝、千岛酱及烧烤汁。味道主要为千岛酱，其后品尝到没有经醃制的谷饲牛鲜甜牛肉汁，带有免治牛肉质感同时不会鞋口，加上芝士及烧汁更惹味，整体汉堡包湿润度刚好，不觉干身。 吃完一顿丰富又满足的午餐后，叹返杯热柠水，享受一下午夏阳光的暖意，被温暖阳光抱拥著庆祝说不上浪漫，但就是有种暖在心头的感觉，在疫情的世代下，虽带来多种不便，但却带来新常态，新体会。更多

今日大年初一去咗据扒🍴🐂 牛年食块牛扒贺贺佢🐮 间餐厅喺湾仔，地点都算容易揾，系一间几新净嘅大厦18楼。 上到去，环境装修清幽，舒适，背景音乐几relax，地方唔算大，但有好多镜面装饰，望落去几阔落。 佢哋啲set Menu全部都系$328，包一个汤（当日系南瓜汤，南瓜味淡淡清香，口感唔算浓稠），沙律🥗（不过不失），餐包配玉桂牛油🥯（餐包有烘过，配嘅肉桂牛油好清香）我叫个个main系Signature 10oz Premium NZ Ribeye steak 🥩 配黑椒汁😌 叫咗medium rare，牛扒都几厚身，卖相吸引😆 切开牛排中间呈粉红色，有血水，但感觉唔会太生入唔到口个只，外面焦酥、内里肉质软嫩，牛味浓郁，几有咬口😋 而幼身薯条新鲜炸起，又脆又咸香😃 薯条仲可以无限refill，真系可以一条一条系咁食唔停口😆

不过今日嚟系特登试下佢个牛扒餐的。$298包沙律，餐包，牛扒同饮食薯条，真系好掋食！ 凯撒沙律好味，沙律菜够爽口，配埋凯撒沙律酱好开胃。 面包热辣辣，除了普通牛油仲有佢苹果牛油，甜甜地几好食。 主菜牛扒配薯条卖相一流。我嗌咗五成熟，见到牛扒中间呈粉红色，牛扒入味未算好腍，有几旧都难咬。薯条幼身脆口，虽然话饮食，但本身份量已经好足够。用嘅斧头型嘅牛扒刀都好有趣，原来仲有得买㖞。 我仲嗌咗佢拖肥苹味cider （$60），酒味唔重，有浓郁嘅拖肥味，甜甜地同牛扒都几夹。 虽然好饱，但见佢甜品吸引所以都嗌咗个share。朱古力心太软（$59）不单卖上一流，味道都好rich，配上云呢拿雪糕真系绝配。

湾仔有间开左好耐嘅低调扒房La moo moo’s steak and fries。传闻成间净系卖一款set就系8oz ribeye set😂一个价$298，包晒餐包，沙律，扒，茶，以及无限薯条！+$69就可以pair埋红酒，配扒真系一流🥰 餐包沙律唔多讲，水准之上，包热辣辣，系对半开左嘅烘餐包，脆卜卜，沙律则清甜，好开胃😋餐饮Jasmine tea一大壶。 主角USDA Ribeye，嗌左5成熟，用呢度专有嘅牛扒刀切，相当过瘾🤣牛扒完全冇呃秤！相当厚，火喉控制亦恰当，肉味香浓，表面焦脆，薯条系我食过最幼身嘅！好食😚

而家基本上6点后冇得堂食，午餐就变得相当重要而且可以食好少少! 今日同老婆嚟呢间牛扒专门店，食好美式既牛扒薯条! 午餐有个lunch menu但我地就当然系食牛扒餐啦，$298一个人有沙律、餐包、牛扒同埋无限添加薯条!餐包烘得好脆而且麦味香浓又焗得好松软，加上佢地自己既玉桂味牛油同埋普通牛油，食落层次感一流! 沙律就够新鲜而且大量芝士粉，fresh得嚟又唔会好淡口。 牛扒叫咗5成熟，煎得岩岩好而且好易切得开，牛扒冇筋而牛味好浓郁，每啖都充满牛香又唔会太油。肉质有咬口唔会过份淋，把迷你菜刀睇得好切得，好得意! 薯条方面系幼身个款，基本上系即叫即炸够脆又有薯味! 整体餐厅好舒服而且侍应都好快手refill水同埋take order，值得一试!

湾仔有间扒房一直都book mark左好耐，因为佢长期主打一款Ribeye嘅餐，仲有任食薯条！一出lift，环境装修好精致，黑色主打搭配醒神嘅U型bar枱，加埋火炉做装饰，喺寒冬之中都感觉一丝暖意。而家佢地仲多左几款lunch set，都系，主打fusion菜式，可以加埋前菜咁，都几丰富。 沙律+汤 +$30 沙律好fresh，好爽脆，我自己喜欢加多d黑胡椒，今日餐汤系粟米汤，粟米粒铺满成碗，好满足！🥰 黑松露意粉 $98 呢款黑松露意粉用左大量炸蒜同葱做一个fusion，唔会净系食死黑松露味食到尾，反而令件事更多左层次感，又唔会盖了黑松露味，好特别🤟🏻 Peach Fizz $60 冇理由lunch就饮酒，所以就点了mocktail ，不过桃味唔算特出，但卖相就一流，igable😚

朋友就快生日 今日同佢食American style lunch预祝 拣咗一间气氛几好嘅餐厅 我地坐窗口位 一边墙身有火炉布置 现场播放轻音乐 - 🥩🍟#Signature steak and fries set $298 朋友钟意食牛又系食得之人 叫一个套餐 包8安士US Prime 1855肉眼扒🥩 流心蛋凯撒沙律🥗同任食薯条🍟 一定合佢意 五成熟黑安格斯肉眼扒由美国空运 厚身但唔嚡口 外皮锁住肉汁 点微辣🌶红椒汁更加👍 牛扒上面𠮶把迷你牛肉刀🪓装饰 玩味十足 非常抢镜📸 餐厅嘅手工面包每日新鲜出炉 同自家制玉桂味牛油好搭 薯条金黄香脆 源源不绝供应 总之你一定会食到捧住个肚走😋 - 🍔#Burger and coffee set $98 汉堡牛扒用纽西兰牛肉剁成 肥美多汁 面包烤烘至表皮香脆 手感柔软 入口软熟有弹性 面包皮上面嘅罂粟籽增加口感 洋葱🧅 芝士🧀 生菜🥬好fresh 自家制烧烤汁非常惹味 咬咗第一啖 自然而然就追住食 直到清碟为止😉 - 📍#La Moo Moo’s Steak and Fries 湾仔轩尼诗道239号18楼