餐厅：老爹 (湾仔) 地址：湾仔皇后大道东202号QRE Plaza9楼 依家成日都话长命百二岁，其实人到六十都可能只系过咗人生一半嘅旅程，好多时佢地都仲系有心有力💪，最近去咗湾仔QRE Plaza 9楼呢间叫「老爹」嘅西餐厅 点解叫呢个名？因为大部分店员都系比较大年纪嘅男士👨🏻唔好以为大年纪就代表无能力呀，其实只要佢地肯学肯做，有时仲会发现到佢地嘅优胜之处😌 餐厅环境堂皇，都坐得几舒服，庆祝、约会就啱哂(点解我今次喺同咗个同性朋友嚟😂) 叫套餐只系包餐汤同多士，所以另外叫咗个凯撒沙律🥗($68)同焗田螺($78)做前菜😛。沙律唔算大碟，不过烘面包粒都几多，可惜就唔系好够脆🙈，胜在啲沙律菜都几新鲜，Caesar sauce都唔会太多而搞到好咸👍🏼；田螺有6-7只，仲已经剥咗壳，咬落爽口多汁💦，加上充满牛油香嘅焗薯蓉同餐厅嘅秘制调味粉，我几钟意😎 黑松露忌廉汁法国鹅肝烩意大利饭 $168 呢个饭真系要大赞😍，鹅肝大旧得嚟仲好香，四边啱啱好煎至微脆，切开仲好新鲜，放入口香浓多汁即溶，仲唔会好油腻🤤；黑松露忌廉汁份量掌握得好好，饭香而唔腻，饭湿润程度刚好...，啱会一pat pat咁😆，值得一试 香煎比目鱼刁草忌廉汁配意粉 $118 比目鱼有两大块，都几抵食😋，煎得啱啱好逼出鱼油香味，望落金黄吸引🤩，鱼肉仲好嫩滑添😙，不过就有少少多骨，食嘅时候就要注意喇⚠️；另外仲有意粉同配菜，意粉就有少少dry🤏，不过加埋本身用嚟淋落鱼嘅刁草忌廉汁，又系另一个滋味嘅选择😜 跟餐嘅话加$8就可以有一杯特饮，朋友叫咗杯蓝莓珍珠🫐，而我就拣咗好立克麦味珍珠，平时成日饮珍珠奶茶🧋，喺呢到就可以试吓蓝莓味同好立克味再加麦碎嘅特饮喇🥤更多