详情
该企业未被认领。
已认领企业的业主可进行详情页详情更新、添加照片、回复点评等更多操作。
立即认领您的免费详情页
美食
泰国菜
这是一家泰国风味餐厅吗？
4.0
2 条点评
很棒
0
较好
2
一般
0
较差
0
很差
0
mjqueen7e
香港11555 条分享
终于挨到放大假，收工同老公嚟乐富广场行街街。其实自从旧年 UNY 生活创库完成翻新工程重新开幕后都无嚟过，趁机四处逛逛。
原来入面地方好大，占地超过 6 万呎，有齐超级市场、家品部及美食广场等等。有人话好肚饿，咁就一于先去 food court 揾食。
在场内行了一圈，见到呢间喺橱窗吊挂住嘅泰式鸡，卖相都几吸引，就一于不作他想。
先去柜位攞张餐牌睇下，食物选项都几丰富，有船面、饭、炒面、沙律、蔬菜、小食、芒果糯米饭、冬荫海鲜汤及饮品等。
拣咗一个饭、一碟炒河、沙律、小食、蔬菜，另外再加咗一客甜品同饮品。
泰式无骨鸡饭 ($52) 碟无骨鸡确系值得一赞，鸡皮油亮，鸡肉又嫩又滑，就算唔点酱汁，空口食都已经好够味。鸡油饭用黄姜炒过，食落特别香口。跟鸡饭送嘅餐汤，味道亦不俗，内里有好大件冬瓜，入口非常清甜。
好耐无食过泰式干炒河 ($50)，呢度真系炒得唔错，河粉好滑溜，条条分明，而且食落唔会一口油，炒功一流，味道均匀，香而不辣，很冶味，令人食欲大增。
另外碟泰式无骨凤爪沙律 ($34) 亦好有睇头，凤爪大大只，饱满又完整，个汁调校得很不错，入口酸爽微辣，配埋甜美嘅车厘茄一起吃，食完真系超开胃 。
至于碟泰式猪颈肉 ($36) 卖相亦不俗，成品分量挺多，足足有成 14 片，食落爽口弹牙，有肉汁又唔嚡，配埋个酱汁吃，香口又惹味，
每餐饭都要吃点菜，今次拣咗蒜蓉芥兰 ($38)，碟芥兰炒得颇有水准，新鲜翠绿，够爽口又有菜味，入口还带阵阵蒜蓉香。
饮品点咗珍多冰 ($18) 同 青柠梳打 (跟餐换购 $10)，珍多冰用料十足，内有不少红豆和绿豆粉条，粉条软滑、椰浆香甜，冰凉解渴。青柠梳打微酸微甜，挺清爽，加上青柠嘅酸香，宁舍醒神。
最后食埋个芒果糯米饭 ($42) 真系超满足，糯米饭即叫即做，入口暖笠笠，烟韧微甜。芒果大大件，清甜无渣，淋上甜美嘅椰浆一起吃，更加有风味，食完真系甜到入心。
撰写日期：2020年12月22日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
显示第 1 至 1 页的结果，共 1 页
参见
