Misoup 珍味汤 📍上环永和街31号 早排行过OK便利店，绍香园，都睇到呢个牌子嘅汤包，买嚟饮过又确实好足料。今日就嚟实体店到试一试佢！ 室内装修简约，主打刺身包同足料汤品。 👍🏻蓝次郎 以蓝鳍吞拿鱼刺身同吞拿鱼蓉为主，配有生菜、青瓜、柴鱼、番茄、紫菜。首尝蓝鳍吞拿鱼，刺身相当厚切，绝无腥味并带鲜甜，包皮烘得香脆松软，属健康之选！ 👍🏻文次郎 以三文鱼，吞拿鱼蓉为主，配菜同蓝次郎差唔多，可能由于三文鱼嘅关系，呢个包款就相对肥美啲，鱼油味更重。每一啖食落口都充满住满满既配料！ 👍🏻+25可以加配一款汤品 花旗参石斛田七炖竹丝鸡汤 花旗参味几重，但并不会苦涩，汤底更加有竹丝鸡瘦肉嘅汤料有补气养阴清热降火之效～佢哋选用天然食材，无添加无防腐剂！（完全弃用支匙羹，直接暖冧冧倒落口） 👍🏻👍🏻外卖自取做紧九折（可以支持一下小店）

@misoup_hk主打日式轻食外卖🥡同售卖唔少日本杂货 . 📍蓝次郎套餐(蓝鳍吞拿鱼刺身) （$68/8吋） 今次食咗个刺身包套餐，加$25要埋汤 刺身包有大(8吋)/细(6吋)之分 细会平啲，但感觉大都只系平日食热狗个size😳 配料写住有蓝鲸吞拿鱼刺身、吞拿鱼茸、蕃茄、青瓜、生菜、紫菜、柴鱼片同秘制Miso酱汁 听落真系好丰富😻，但好坦白食落有啲失望🥺 鱼生方面冇腥味，但未至于鲜甜🐟 味道普通，冇乜记忆点，酱汁味道亦唔突出 不过佢系比一般热狗车轻盈好多🥗 刺身包仲可拣三文鱼、鸡胸🐓同牛油果🥑做馅料 . 汤反而出色好多，拣咗花旗参石斛田七炖竹丝鸡汤 完全唔油腻，饮落温和舒服😌而且仲见到好多料 饮完好有家常汤嘅温暖感觉❤️♨️ . 美食优惠App @GoodMallinghk 出咗「 珍味汤 Misoup」刺身包 Combo Set 及 Misoup 汤系列嘅优惠，可以兑换礼遇同时储埋积分，快啲入GoodMalling 睇下啦 😋🇯🇵。 . Misoup 上环永和街31号地舖

早排搭朋友喺网站买咗几款「Misoup」嘅即饮汤包，觉得味道很不错，真材实料，无添加又不含味精，而且加热就饮得，非常方便，啱晒我呢挺懒人。 最近从朋友处得知，「Misoup」喺上环开咗实体店，店子不单有靓汤供应，而且仲推出咗几款刺身包，配搭咁新颖，斋听都觉得吸引，趁今日收早，专登过嚟试下。 原来舖面地方不大，窄窄长长，以外卖为主，不过都有几个堂食座位，另外亦设有杂货区。 点咗客刺身包：蓝次郎，另外再加咗个汤饮：莲藕牛蒡核桃栗子汤。 蓝次郎 ($68/大盛)：个面包馅料好丰富，入面夹满蓝鳍吞拿鱼刺身、吞拿鱼蓉、生菜、青瓜、蕃茄等，面头再洒上紫菜丝和柴鱼片，分量十足，加埋个软熟嘅面包吃，超美味。刺身肉质很肥美，入口充满鱼肉嘅鲜味；鱼蓉油润甘甜，咬下微黏，吃时可拌上店舖自家制嘅芥末酱，又是另一番滋味。 另外呢杯莲藕牛蒡核桃栗子汤 ($38) 亦非常好喝，健脾补肾、养心安神、不温不燥。送上台时仍热辣辣，听讲系用咗猪𦟌、红萝卜、玉米、牛大力、扁豆、赤小豆、土茯苓等材料嚟煲，最正就系加咗陈皮提味，加埋清热嘅莲藕，健脾补肾嘅合桃同栗子，够晒滋润。 食完喺杂货区度行咗一转， 原来除咗有汤...包卖之外，货架上仲有唔少零食、酱料，甚至抗疫物品等供应，第日嚟开呢头又多个好去处。更多