今日专程去佐敦食日本野同朋友聚旧。 上完前菜之后就陆陆续续有唔同既野食送上。 日本缟鲹池鱼薄切 刺身池鱼又滑又新鲜，入口鱼香细腻，有个专用既柚子醋，点黎食更加特出鲜味 安康鱼肝 第一次食，质地好嫩滑似鹅肝，味道浓郁又有d似鹅肝同吞拿鱼蓉，好好食不过我觉得差块面包😂配少少醋食更健康 鸡泡鱼干 烧得好香，咬落比起鱿鱼干再烟韧一d，送酒一流 室津蠔 大大只好肥美，肉质爽口，酱汁好fresh，有优惠好抵食 串烧 去居酒屋点可以唔食串烧呢。牛舌串，鸡肝串，鸡软骨串，鸡肾串，鸡皮串，除左平时常见既串烧，宜度连少见d既内脏串都有得食。串烧都火候好好烧得劲靓呀，简简单单咁用盐调味，最爱都系厚切既牛舌，香口但系一d都唔油腻 日本枝豆 又系居酒屋必点，同朋友吹吹下水就食哂 炸猪肉饺子 煎得皮好香脆，猪肉馅好入味 蒲烧鳗鱼 鳗鱼超大块，肉又厚又结实，骨都唔多 寿司 我地仲叫左油甘鱼寿司同三文鱼寿司，2款鱼都好新鲜 整体食物都好出色，好似真系返左日本咁，快乐既时间好快就随住晚饭完结结束。趁餐厅仲做紧7折优惠揾日再去多次😍 。 。 渔正居酒屋 佐敦庇利金街42号金陵大...厦地舖更多