详情
该企业未被认领。
已认领企业的业主可进行详情页详情更新、添加照片、回复点评等更多操作。
立即认领您的免费详情页
美食
亚洲料理, 新加坡菜, 马来西亚菜
这家餐厅的价格便宜吗？
4.5
54 条点评
很棒
28
较好
25
一般
1
较差
0
很差
0
月光太太
香港888 条分享
自从老爷奶奶搬新屋后，多了到长沙湾觅食的机会，之前到过有60多年历史的雪山冰厅，今日就来到元州街的『苏山鸡饭』，一尝闻名已久的海南鸡饭。✨
一行四人晚上8 时多到达， 幸运地不用等位，餐厅装修 简约，很有家的感觉。打开餐牌，原来这里主打的是星马菜， 海南鸡饭，肉骨茶， 炒粿条，连印尼菜也有， 让我觉得非常有新意。✨
先来的是奶奶点的星加坡「肉骨茶饭配炸油条」， 汤头偏浅色， 胡椒味道浓厚，汤内配有吸味的豆腐卜和煮得软淋的排骨， 香脆的油条沾上肉骨茶同食，别有风味。✨
属于必点菜色的「海南鸡饭」鸡皮色泽金黄，很是吸引，配有冬瓜汤和香料饭一碗，下单后姐姐说只余下最后两份， 认真抢手。✨
去骨的海南鸡不肥不瘦，入口非常嫩滑， 生熟度刚刚好，蘸上姜蒜油来食最为可口， 配的香料饭超级香，带有点切碎的冬菇，元贝粒，非常美味，一口饭，一口清热解暑的冬瓜汤，让人非常满足。✨
老爷是印尼华侨，看到餐牌上有「巴东牛肉饭」， 显得非常高兴， 淋上椰奶的巴东牛肉 份量颇多，炆得入味，就是不够软淋，除牛肉外，配料还有卤蛋和虾片。✨
嘴上嚷着要减肥的先生点了 「鲜牛油咖央多士」， 烘得香脆热辣的面包内夹着鲜牛油和咖央酱，热力让牛油不断溶化，所以上枱要尽快食，看着他食得滋味的样子，就知道这份咖央多士有水准。✨
香口炸物是我的最爱， 可以品尝到不同款式的「小食拼盘」，分别有炸得香脆的鸡髀和鸡翼，用筷子串起的越南顺化猪肉串，香辣味浓的泰式鱼饼， 炸得金香酥脆的凤尾虾春卷和微辣的黑椒札肉， 一次满足多个愿望。✨
邻桌食客座下后， 听到店员说海南鸡饭已经售罄，非常失望，说他特地坐车来品尝海南鸡饭，幸好店内还有走地鸡， 让他不至白行一趟。 总体店内的食物选择丰富且取价公道， 不失为晚餐的好选择。✨
总体店内的食物选择丰富且取价公道，尤其 欣赏餐厅主打的海南鸡饭，食得出的用心制作，鸡只选用不太肥腻的文昌鸡， 肉质香软嫩滑，有点像腊味饭的香料饭用料丰富，真心味美，绝对会让我再次回头光顾。✨
撰写日期：2021年4月11日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
毛毛兄
香港2937 条分享
上个月我们去过港口味冰室后，对旁边的这家主打海南鸡饭的餐厅已很感兴趣，今天一行三个人来到附近当然要试试😃
位置：
餐厅位于元州街近长沙湾体育馆，位置较偏，所以顾客以附近居民为主，但附近也有多条青山道小巴线，要前往也不算难😉
环境：
餐厅装修有点像欧式的家居装修，有家的感觉。餐厅面积不大，但座位够多而且算是舒适😚
服务：
下单准上菜快，侍应会主动装上热水。而我们下单时点得较多菜，侍应也会贴心问是否有其他人来，食到差不多时亦会询问是否需要打包🙂
食物：
餐厅以东南亚菜式为主，听旁边两枱食客说特意过来食海南鸡饭，而且看上去食物份量大部份也较大碟，应该颇受街坊欢迎😁
👍海南鸡饭（$68）
食客热烈推荐，没理由不点。果然去骨的海南鸡很滑很鲜嫩，味道不会太咸。而鸡油饭浓味吸引，配合海南鸡食很出色。跟餐连一碗冬瓜汤，整个餐很丰富😍
👍白胡椒肉骨茶配白饭及炸油条（$68）
充满新加坡口味的白胡椒肉骨茶胡椒味香浓，排骨煮得淋及很有肉香，还有几块豆腐卜吸汤。另外，跟餐除白饭外还有油条，沾汤食一流😘
👍巴东牛肉饭（$65）
印尼口味的巴东牛肉汁味道香浓，没想到牛肉切得颇大块，啖啖肉但可惜煮得不够淋。跟餐有一只鸡蛋、几片炸虾片及青瓜，很丰富😎
👍鲜油咖央多士（$22）
多士夹住满满熔化的牛油，加上多士内涂上甜甜的咖央酱，非常邪恶同时亦非常美味，水准比我以往食过所有的咖央多士更高🤩
👍特色小食拼盘（$78）
加点了一份小食拼盘，有两只炸得香脆的切件鸡全翼、两条越南顺化风味软滑的烧猪肉串、两块香辣刺激的泰式鱼饼、两件外脆内嫩的脆炸凤尾虾春卷及两片香滑味浓的黑椒札肉，份量足够多🍜
👍轻怡肉骨茶（$48）
朋友见我点了白胡椒肉骨茶，亦想点一碗肉骨茶汤试试，大致跟白胡椒肉骨茶一样😃
👍冻柑桔蜜（$15）
杯内有好几粒柑桔，配合香甜的蜜糖，既鲜甜又解渴😜
👍香茅薄荷特饮（$15）
薄荷味很香浓及清新，配上香茅味令饮品很香很顺口🥰
总结来说，这家餐厅很有家的感觉，食物充满东南亚特色而且都不错，难怪听到不少食客因为她们的美食而特意重来呢🤣
撰写日期：2021年4月10日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Shirley
香港59 条分享
上次食港口味冰室时见到隔离都新开左呢间食海南鸡饭，所以今日放假就黎叹返个下午茶！
·🐔招牌海南鸡饭配轻怡新加坡白胡椒肉骨茶 (HKD 58)
据说呢间餐厅嘅鸡饭系用电饭煲煮成，可以令到鸡油索哂落饭粒到😋食落仲有好香嘅斑兰味！鸡肉去骨，口感嫩滑不韧，也不油腻。最特别都系肉骨茶，新加坡口味嘅肉骨茶同平时我地饮开嘅唔同，佢唔会好重药材味，以胡椒味为主打，清淡易入口👍🏼
·🦞龙虾叻沙掺掺 (HKD 88)
只龙虾大只到🤤好多膏，而且肉质好弹牙！叻沙系属于椰香味浓个种，汤底加入左豆卜、鱼片、鱼蛋等配料，非常惹味😋掺掺亦即是米粉加油面作面底，系非常正宗嘅做法！
·🧈鲜油咖央多士 (HKD 28)
第一次食咖央多士，原来系咁好味！咖央酱香浓幼滑，多士烘得岩岩好，好脆！厚厚嘅半溶牛油令咖央酱味道更立体👍🏼
·🍍青柠菠萝梳打水 (跟餐+ HKD 9)
呢杯野饮超岩夏天饮！甜甜地又有气，简直透心凉呀❤️个卖相仲好夏日😀
·🥥椰青 (跟餐+ HKD 18)
朋友见到有椰青饮超兴奋！清新香甜超解渴，朋友连椰青肉都食得一干二净😋椰肉系超多好嘅功效架！大家平时饮都唔好晒左佢呀～
长沙湾最近新开嘅餐厅都好有质素，系附近返工嘅人有口福了🤤
-
撰写日期：2021年3月10日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
mrs_ng_c9
香港444 条分享
屋企附近又开新餐厅啦！我梗系唔执输，又去试新嘢啦！呢间餐厅叫「苏山鸡饭」，净系睇个名就知应该系出名食鸡，一于去试一试！
.
晚市套餐，都真系几平，我地叫咗个套餐「狮城芽菜走地鸡饭」配「轻怡新加坡白胡椒肉骨茶」，都只系$78，绝对系街坊价！
.
味道方面，只鸡的确系几好食！入口好滑溜，肉质够晒幼嫩！估唔到走地鸡完来可以咁好食！仲有看似系配角嘅芽菜，其实最有惊喜，超级爽甜多汁，𩠌饭真系一流！同埋大家一定要食油饭，佢碗油饭真系粒粒都充满油香！好够味，好正！
.
至于跟餐配嘅「轻怡新加坡白胡椒肉骨茶」，味道都好有惊喜！唔会好似平时饮开的只有药材味，你会饮到白胡椒味道中带点药材味，两者嘅味道估唔到又几夹，几新颖！
.
一个饭又点够满足我地两个，食星马菜一定要食咖央多，两个字形容「邪恶」！满满既咖央酱，大大块鲜牛油，仲有烘到好香脆既面包，好满足啊！
.
继续食，唔好比佢停！仲有小食孖宝，春卷+鱼饼！跟餐加$22就有啦！之后我地仲叫埋「马拉盏炒椰菜苗」，呢个马拉盏劲惹味！就算唔食得辣都食到，又唔会过咸，咁搞法真系整多碗饭都得！
.
最后整埋枝樽仔奶茶，真系满足到极点！
呢间我绝对会再Encore，因为我仲想试埋海南鸡，任务未完成😂
.
🔹苏山鸡饭
📍长沙湾元州街411号义华大厦地下
撰写日期：2021年3月5日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
mjqueen7e
香港11555 条分享
上个月去左老公嘅饭堂「港口味冰室」食晏，见到餐厅隔离新开左间星马菜馆，看过门外餐牌，见啲嘢食都几吸引，价钱又经济，一于揾晚去帮衬下。
餐厅环境走怀旧茶室风格，黑白地板、啡木椅桌，再配上墙身上嘅壁画作点缀，装潢古朴，带南洋风味。
先细心研究一下餐牌，食物选项非常丰富，除了招牌鸡饭、肉骨茶等之外，仲有炒粿条、叻沙、虾面、咖央多士、小食、饮品，甚至连糖水都有供应。
我哋拣左招牌海南鸡饭、肉骨茶配白饭，另外再加左一客小食同一碟炒椰菜苗。
先试下佢哋嘅招牌海南鸡饭 ($68)，鸡件鲜嫩肥美，滑溜不韧，入口啖啖肉。油饭相当美味，每粒饭都充满鸡油同班兰嘅香味，而三款酱汁亦与鸡饭很夹。连随饭奉送的冬瓜鸡汤亦绝不马虎，原汁原味，清甜开胃，用料又足！
另外呢客配上白饭嘅新加坡白胡椒肉骨茶 ($62) 味道亦很讨人欢喜。肉骨茶大大碗，没有苦涩嘅药材味，入口清淡，带阵阵迷人嘅白胡椒香气，很合我俩心意，鲜甜肉骨加上香口油条，真系令人一食难停。
小食点左脆炸凤尾虾春卷 ($32) 一客有 4 件，丝网般嘅春卷皮做得很透薄，入口超级松脆，炸到连虾尾都食得。入面嘅虾肉好新鲜，爽口弹牙，吃时可沾少许酸辣酱，能解炸物油腻感。
食完咁多肉，当然要吃点蔬菜来中和一下，选了一客马拉盏炒椰菜苗 ($45)，菜苗新鲜嫩绿，加上香口惹味嘅马拉盏，味道浓郁，口感爽脆，非常好吃。
饮品点左恐龙美禄 (+$19) 同 雪山樽仔咖啡 (+$15)，恐龙美禄面头铺左层厚厚嘅美禄粉，入口有好 Rich 嘅朱古力味，绝对唔会越饮越淡。樽仔咖啡浓香中又带点甘苦，甜度刚好。
意犹未尽，决定再点多客鲜油咖央多士 ($22) 同 摩摩喳喳 ($25)。多士外层烘得金黄酥脆，咖央酱很 Runny，富椰香和班兰香，夹上冰冻的厚切牛油，真系够晒邪恶。
摩摩喳喳味道亦无得输，厨师喺椰汁和花奶中混入了芋头、黄番薯、紫薯、凉粉、西米等，碗边仲围咗一片片香蕉，用料超丰富，食落仲有好浓嘅椰奶香味，口感一流，为晚餐完美作结。
撰写日期：2021年3月1日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
Hinsonfoodhk
香港27089 条分享
餐厅：苏山鸡饭 (长沙湾)
地址：长沙湾元州街411号义华大厦地下
出开长沙湾，去咗呢间平民价钱嘅新马混合港式茶餐厅，相信同我一样困咗喺香港咁耐嘅你地都好挂住唔同地方嘅美食🥺，好在香港喺一个美食天堂，唔同国家嘅菜式好易就可以揾到🤩
新加坡白胡椒肉骨茶配白饭 $63
新加坡嘅白胡椒，加上用咗二十几款药材熬制嘅肉骨茶🔥，食落唔会有出面𠮶种又浓又咸又重中药味嘅味道，以胡椒味为突出，唔会呛喉，滋补养生，钟意食浓味少少嘅仲可以加埋秘制酱油同辣椒🌶️，不过我就钟意咩都唔加咁食喇，啲肉仲超超超腍添😋
招牌海南鸡饭 $65
海南鸡即三黄鸡，鸡肉较嫩滑，鸡香无咁出，反而油香满满，配埋用细煲仔煲嘅鸡油饭🍚，一煲只喺整到四碗饭，目的希望令到油饭粒粒分明而且充满匀均油香，够晒用心💕
狮城芽菜走地鸡饭 $68
走地鸡即文昌鸡🐓，肉质较瘦，鸡肉鲜味十足，仲用咗嚟自新加坡嘅芽菜做伴碟🇸🇬，唔知你又钟意食边款鸡呢？
我地三个加$22配咗个3只嘅Susan鸡翼，本身以为喺鸡中翼，点知系原只鸡全翼😂，挤埋海南嘅桔仔汁，食落清新同冇咁热气；另外加咗$15要埋个鲜油咖央多士，睇吓啲咖央酱同鲜牛油几厚🧈，真系超级邪恶😈
呢度嘅特饮青柠菠萝梳打水(+$9)🍹，同埋香茅薄荷特饮($9)各有特色，仲好啱用嚟打卡，佢哋嘅樽仔奶茶同咖啡喺自家制嘅，原来连埋附近几间餐厅都喺同一个老细，呢个质素都真系几抵食，去匀几间餐厅随时换吓口味都仲得😆
撰写日期：2021年2月24日
此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。
显示第 1 至 6 页的结果，共 6 页
参见
绝佳平价美食
查看全部 
