排咗两个多月，终于俾我同女朋友等到食云海嘅铁板烧放题！虽然加咗价，但系亦都影响唔到我必食嘅决心，试问就算平日＄599加一冇任何信用卡优惠，响五星级酒店有边间日本餐可以做到啤酒汽水果汁任饮，大虾，带子同牛肉任食？连同冇得encore嘅都有三文鱼刺身，鸭肝，面豉汤同雪糕，加上个个师傅都好专业同细心聆听客人嘅需要 ，所以今日真系食得好开心，下次一定会再嚟！

无得输的铁板烧、和三五知己畅饮、啤酒清酒汽水任饮、刺身又新鲜、超级美味的鹅肝，还有很多铁板烧的熟食，环境舒适、侍应招呼又热情，下次一定再来😬😊

讲起铁板烧放题，云海是我首选之一。所以每月都必定去最少1次。不过最近订位更加难预订，我每次一食完都会立刻预订定下一次，不过这次想订都订不了，竟然要两个月后先至有位😭 今次一行4人决定星期三去所以每人盛为499+10％sc(如果星期六日去每人就599+10%sc)当然嘢食会多少少。 一如以往铁板烧师傅会全部煮一次俾你食先，之后可以随便叫想追加嘅食物。 不过而我每次食完一转都已经八成饱。不过今次帆立贝有少少沙。 虽然前菜，鱼生，鸭肝(只系每人一件)，面豉汤同甜品这些都系不能够再追加。 肥师傅(佢同我哋讲系道做咗差唔多30几年)会同你谈笑风生，而且咁多次服务态度真系好好。

之前曾经食过一次，不论在服务及食物方面已经非常满意。今次预约了很久终于有又可以再次品尝，由于妻子怀孕所以今次我选择任食，妻子食定食及散叫，食物方面水准仍然保持高水准，鸭肝劲厚外脆内软，即时烹调随即送上，未开始食已经闻到香味，流晒口水，但可惜每位只限一份（唯有当比个借口自己再光顾😝），另外煎三文鱼、煎带子、煎虾亦煎到刚刚好，不会煮太熟而令肉质变差。 另外不得不提侍应及厨师非常细心，经常问食客是否足够、美味、牛肉多少成熟、有否漏单，并且会因应情况提出一些菜式方面的建议及尽量调配（因妻子怀孕定食内一些食物不能食），最后非常感谢每一位侍应及厨师的关心及照顾，如果有机会我一定再次光顾。

高质午餐，银雪鱼油脂比例刚刚好，服务非常好！ 尤其有位叫Herman的服务人员，见我有孕在身，扶我去洗手间，真系好细心！

环境十分好幽静，同朋友家人可以倾计，职员有礼貌，清楚推介食品种类， 食物高质，相当好食，值得推荐鹅肝。

🥳好耐无同阿妈出街食饭,老人家始终都系钟意食熟野,所以食铁板烧放题！虽然枱同枱之间仍有距离，但成间餐厅座无虚席，好似个个都忘记疫情咁趁母亲节出嚟透气！ 🦐🦐带子同虾都好鲜味,所以不停添食,师傅都话好耐未见过餐厅咁多人,阿妈话最钟意银鳕鱼同鸭肝多士都整得好好味，细佬就食咗好多和牛肉🐮，今日真系个个都开怀畅饮🍻🍶,食得好开心！