唔洗飞去葡萄牙，连大海都唔洗过就叹到正宗葡菜？无错，嚟呢间多国菜馆就有喇。辣肉肠配马介休炒饭嘅辣肉肠惹味不在话下，马介休亦咸香诱人，浓而不腻。另外招牌葡萄牙烤乳猪配番红花饭啱哂食肉兽，乳猪肥瘦适中皮脆肉嫩，连番红花饭都系粒粒分明带特别香味。

非常低调嘅门面，低调到随时走咗宝都唔知。小店主要供应虾汁酱油、虾汁味噌，同虾汁蕃茄呢三款口味嘅沾面。沾汤用咗用上大量猪骨同樱花虾熬煮，见到上面果层红油就知有几真材实料，浓得嚟唔死咸。唔钟意咁重口味嘅可以试下加枱上面嘅樱花虾醋或者山葵柠檬汁，增加味道层次。