呢间火锅放题最近超红！食物选择多，质素都几好，环境仲好舒服，装修新净，座位宽阔，竟然价钱加埋一都系二百几蚊一个人，扺到爆！

佢哋开12点，一去到已经有大量人等紧入座，我哋拣左呢个套餐，要咗红烧牛骨锅汤底，个汤底好足料，香料好够，但唔会太咸，微微辣。

极上和牛吃到饱 成人$198 小童 $138

上腹牛五花 ：肉质偏实，肉同脂肪一层层
(推介)安格斯特选牛板腱：肉质软嫩，油花分布纹理靓
(推介)澳洲和牛M5牛肩卷：牛味浓郁，肉质嫩
西班牙猪梅肉片: 肉味浓，口感较实
西班牙猪五花片：油脂较多，比梅肉片好食
花雕酒鸡件：鸡件好滑，酒味唔重
牛妈秘制卤大肠：唔肥，好干净，弹牙口感
我妈秘制卤牛肚：几入味，口感好
老妈秘制卤牛筋：冇点到
蟹籽墨汁浆：冇点到
干贝鲜鱼浆：冇点到

全部都可以任点！每份牛肉大约四片，所以可以点多几round。想留返个肚食牛肉，所以冇点个啲太多乜乜浆

除咗以上呢啲，仲有其他食物可点，要用手机scan QR code落单。推介点章鱼珍珠浆 真系有一粒粒章鱼系裹面，口感弹牙，好味！仲有好多台湾小食，盐酥鸡，台湾肠，皮蛋豆腐，水饺，面类，蔬菜等等，外面仲有得自取超多种类台湾直送嘅丸，样样都好吸引，可惜我个胃冇咁大，试唔晒全部 下次再黎净系试丸先

提一提猪红要煮熟先食，我见佢热住冒烟咁上以为系熟，点知食完再点下一round店员先同我讲要煮熟先食我谂我食咗几件半熟猪红

饮品推介威士忌冬瓜茶，冇谂过威士忌同冬瓜茶几夹，甜甜地又有阵阵醉香，而且够冻！好饮！

甜品只得一种玄米茶雪糕，茶味浓郁，一解油腻口感又好味

酱汁区嘅选择都好多，有个洋葱牛肉酱点牛食好夹好正！而且好干净，唔会成枱都系酱汁，抵赞！