一步入餐厅就可以闻到周围都弥漫着可丽饼嘅香味，令人好期待美味嘅可丽饼佳肴～ 店员会好热情咁介绍菜式，令客人会有宾至如归嘅感觉😌 最后我地叫左二人套餐，可以自选两个主菜、两个甜品同两杯饮品，份量对两个人真系刚刚好。
-
主菜拣咗一个意粉同一个savoury可丽饼，相信大家食可丽饼多数都系食甜嘅口味，而呢间餐厅就可以品尝到咸食嘅可丽饼～ Les Pierres Noires 可丽饼里面配料主要有芝士、烟燻火腿、蕃茄同鸡蛋，芝士份量都几多，钟意食芝士嘅朋友一定会好钟意❤️ 另外我哋仲拣咗龙虾意粉，龙虾已经拆好晒肉好方便食，份量都几足料，意粉嘅份量就刚刚好，酱汁味道酸酸地几开胃🦞
-
终于到咗我最期待嘅甜品环节啦😍 甜品竟然可以拣两款真系太幸福🤩 我地叫咗 La Sexy Suzette 同 Les Voiles de Saint Tropez。La Sexy Suzette上枱嘅时候会淋上橙酒同点火，令成个餐厅弥漫着柠檬同橙嘅citrus香味🍋🍊 但可能因为我本身唔系好惯饮酒，个人觉得橙酒有少少苦，但应该几啱唔系太钟意食甜野嘅朋友。另外一款系店员推荐嘅Les Voiles de Saint Tropez，酱汁系自家制嘅salted butter caramel，味道果然好正又唔会太甜，配上苹果片一齐食超夹👍🏻
-
饮品方面，我哋就叫咗好出名嘅Fresh Apple Cider 🍺 Apple Cider 可以选择sweet or dry，我地就拣咗酒精浓度比较低嘅sweet，酒精浓度大约系2%，非常容易入口唔会太甜，配埋可丽饼食真系绝配😋
拥有或管理这家酒店？ 免费获取您的详情页以便回复点评、更新资料或者进行其他操作。