位于尖沙咀东的南亚风味-Le Viet

一向都钟意东南亚口味既我，贪佢香口又食物款式多选择，今次就系the one 发现到既唔错既东南亚餐厅

沙嗲串烧$89/6串
入边猪牛羊各两串，两个每日一人一串，咁就唔洗争。佢地既串烧水准都好高，串串都烧到好香口，配埋惹味沙嗲酱汁，下次要再来encore啊～

特式火车头汤粉$78
呢个火车头真系便宜又大碗，汤头十分清甜配料十足，有爽口既牛柏叶，香甜萝卜，新鲜牛腩同牛味十足既牛生肉，可以一次满足哂你多过愿望～

黄咖喱软壳蟹$113
呢个软壳蟹真系高度推荐啊！软壳蟹炸得金黄香脆，食落好香口！咖哩味道唔算辣，但胜在咖哩味道极之香浓同配料十足，加小小汁落随餐的薄饼一起食，真系完美配塔。另外餐厅仲有个火炉仔比埋你保持咖哩锅既温度，咁就食到最热辣辣既咖喱~

今日同朋友去尖沙咀行街，顺便食嘢，我哋行到The One,呢度有好多唔同菜式嘅餐厅，我哋都好耐冇食过越南菜，就上四楼揾食
商场四楼有几间开放式餐厅，出就见到Le Viet,装修时尚，座位宽敞，空间感几大
餐牌有午餐同单点选择，沙律、串烧、锅物、汤粉、饭…
柚子海鲜沙律$78
青瓜丝，柚子肉都几多，仲配埋墨鱼仔、大虾仁、蚬仔肉同腰果，越食越好食
越式拼盆$98
有虾饼、越式米纸春卷、扎肉蒸粉包同烧猪颈肉，食得出系即叫即制，四种口味，各有特色
菠萝焗饭$78
黄姜粉炒饭底，饭粒饱满，大虾三大只，新鲜菠萝粒好甜，捞埋肉崧一齐食，正
甜品焦糖炖蛋$36(一送一)
炖蛋奶味比较重，稠咗少少，一般般啦
椰汁红豆冰$28
有惊喜，清甜椰汁同粒粒食得到嘅红豆，真系最佳拍档

昨晚跟友人食完越南菜，今日同事有话要食越南菜，冇问题，反正每一间菜馆风格不同。

咖哩炒大虎虾
咖哩汁浓稠，有丝丝蛋白，好特别，增加滑溜感。
配菜洋葱，青椒和大葱够入味，食到个个津津乐道。
虎虾大大只啖啖鲜香。
要了一客法包，蘸着咖哩汁，滋味无穷。

牙快车
名字完全不知是什么！再睇材料，先知道原来是沙律。
青瓜条，椰菜丝，红萝卜丝，花生碎，鸡肉丝。
淋上越式鱼露，非常清爽清新的味道。

越南咖啡
慢慢滴溜，好香。
咖啡味道浓厚。

之前都食过尖沙咀分店，原来旺角都有，印象中啲野食都好高质好地道泰式mix越南野
.
去骨海南鸡饭 $68
海南鸡一望到个样已经知好食鸡皮厚薄刚好，鸡肉嫩滑，份量算多，鸡油饭又香，好正呀！！！
.
牛油焗大头虾 $228
来奢侈一下，一只开边大头虾，巨型以为系龙虾，好大只颈多膏，一般龙虾一啖就冇，呢只食左好耐都揾到肉同膏食，捞埋炸蒜香到不得了，仲有好多好脆嘅薯仔，唔怕唔够饱~
.
青柠梳打 $28
.
冻奶茶 跟餐

同事介绍the one既呢间越南菜唔错，所以呢日收工又捉左朋友一齐去食。因为本身唔清楚佢份量，见到价钱唔贵，谂住份量都唔会太多，点知就中伏了～

鲜虾米纸卷
虾肉同米纸都弹牙，仲有超多米粉系入面，超饱肚。

串烧（猪/牛/鸡）
沙爹酱我无感，本身唔太钟意。3款肉我地都一齐试左半串，猪同牛最好食，肉质唔韧，同埋都几香口。

咖哩牛腩锅配印式薄饼
牛腩既牛肉香味好浓，肥瘦均匀，亦带有牛筋。牛腩同薯仔都煮得够淋身，好好食。咖哩汁都够香浓，得一块薄饼有啲唔够喉！

特别火车头
我无乜食过呢款面，所以唔知有咩特别。佢既生牛肉唔差，但牛腩更好食。萝白煮得够淋同入味。有牛栢叶几惊喜（我唔太知本身火车头有无，但本身钟意食），牛丸既味道都几好。河粉够滑身，唔会煮得太过火。

咸柠梳打/越南滴滴咖啡
咸柠配梳打比配七喜更好，唔会甜，感觉清新好多。滴滴咖啡够香浓，店员会拎上枱由个咖啡慢慢滴出黎，杯既底部有炼奶，滴完之后就可捞均黎饮。

点解话中伏呢，原因系佢既份量比我想像中要大，先300几蚊，就食到饱到上心口，大家点菜要小心呀哈哈。