又黎尖咀Le Viet食lunch，限聚令4个人变两个人，冇得试多d新野。

于是谂都唔洗谂，我地叫左我地既最爱午餐。午市套餐选择很多，价钱便宜，有饭粉冷热任选。

我地呢d食肉兽再点左两份烧肉分黎食。食完先减肥啦!

香茅烧牛仔骨 $95+10%
牛仔骨有4块，肉质嫩口，好易切开，整得好入味，齌食都已经好好味，钟意既可以配随碟上既酸辣汁。

香茅烧猪颈肉 $76+10%
猪颈肉有10块，烧得皮脆肉嫩，食落唔觉肥，点甜酸酱食一流。下底成座山咁既梛菜丝同萝卜丝，再加上两块青瓜，配鱼露食变相又多份沙律食。

香茅烧猪颈肉捞檬 $65+10%
叫左香茅烧猪颈肉都唔够喉，呢个香茅烧猪颈肉捞檬实在太平。一如以往，香茅烧猪颈肉捞檬面铺上8块烧猪颈肉，烧得香脆可口，美味非常。鱼露分开上，满满的香蒜，酸酸甜甜，加上冷冻的檬粉，非常醒胃。蔬菜量充足，包括生菜、芽菜、萝卜丝、青瓜丝。鱼露食剩仲可以用黎点香茅烧猪颈肉下底既沙律。

咖喱牛腩捞檬 $65+10%
咖喱牛腩捞檬大大碗，份量十足。主食有差唔多8大旧牛腩，肥瘦适中，都算煮得淋。今次连牛筋都有，有两大件，好有咬口。咖喱汁十分惹味，微辣微甜，香滑可口，檬粉吸尽咖喱汁，非常邪恶。配料有很多淋淋薯仔、青椒、辣椒、洋葱。仲好食过上次。

每个午餐包一杯基本饮料，冻咖啡另加$5，特饮另加$8。饮品选择可不少。

梛汁红豆冰 +$8+10% 梛汁绿豆冰 +$8+10%
椰汁红豆冰不过甜，底下红豆粒粒分明，完全不甜，很清淡的一杯。绿豆则细细粒，可以轻易用饮管吸到，系友人之选。 加8个大洋就有实在系太抵！

餐厅位于大商埸，座位舒适，装修企理。今次叫既野样样都好食。咁既质素，咁既份量，咁既地点，配咁既价钱，午市套餐绝对系尖嘴抵食既越式午餐之选。

逛尖沙咀的时候，都会路过这里，今晚便来这里吃晚饭。
串烧半打$89 ，可以选择：鸡、牛、猪各两串，串烧有浓郁的炭烧味道，肉类含有越式香料的滋味，加上沙嗲汁，变成了正宗的沙嗲串烧 。其实近年已经很少吃串烧，因为都是用油炸的，不过这里的串烧是即点即烧的，值得推荐。
蔗虾$42，虾肉口感弹牙，配上竹蔗的甜味，和葱蓉的咸味，又成了越式的风味。如果炸浆再薄一点更好。
海南鸡饭$72，鸡肉口感嫩滑，味道十足，香饭的香茅香浓，配合自家制的酸辣汁和黑豉油，味道更佳。如果摆盆再精致一点，算得上是十全十美的海南鸡饭。
咸鱼炒油麦菜$62，油麦菜味道香甜，加上梅香的咸鱼，是一个新鲜的组合。
芒果糯米饭$55，糯米饭加了糖，味道偏甜，口感软腍。芒果酸酸甜甜，加上椰浆的香味，不会逊色于泰国的芒果糯米饭。

位于尖沙咀东的南亚风味-Le Viet

一向都钟意东南亚口味既我，贪佢香口又食物款式多选择，今次就系the one 发现到既唔错既东南亚餐厅👏

沙嗲串烧$89/6串
入边猪牛羊各两串，两个每日一人一串，咁就唔洗争。佢地既串烧水准都好高，串串都烧到好香口，配埋惹味沙嗲酱汁，下次要再来encore啊～

特式火车头汤粉$78
呢个火车头真系便宜又大碗，汤头十分清甜👍配料十足，有爽口既牛柏叶，香甜萝卜，新鲜牛腩同牛味十足既牛生肉，可以一次满足哂你多过愿望～

黄咖喱软壳蟹$113
呢个软壳蟹真系高度推荐啊！软壳蟹炸得金黄香脆，食落好香口！咖哩味道唔算辣，但胜在咖哩味道极之香浓同配料十足，加小小汁落随餐的薄饼一起食，真系完美配塔。另外餐厅仲有个火炉仔比埋你保持咖哩锅既温度，咁就食到最热辣辣既咖喱~

今日同朋友去尖沙咀行街，顺便食嘢，我哋行到The One,呢度有好多唔同菜式嘅餐厅，我哋都好耐冇食过越南菜，就上四楼揾食😄
商场四楼有几间开放式餐厅，出就见到Le Viet,装修时尚，座位宽敞，空间感几大😄
餐牌有午餐同单点选择，沙律、串烧、锅物、汤粉、饭…
柚子海鲜沙律$78
青瓜丝，柚子肉都几多，仲配埋墨鱼仔、大虾仁、蚬仔肉同腰果，越食越好食😋
越式拼盆$98
有虾饼、越式米纸春卷、扎肉蒸粉包同烧猪颈肉，食得出系即叫即制，四种口味，各有特色😋
菠萝焗饭$78
黄姜粉炒饭底，饭粒饱满，大虾三大只，新鲜菠萝粒好甜，捞埋肉崧一齐食，正🤩
甜品焦糖炖蛋$36(一送一)
炖蛋奶味比较重，稠咗少少，一般般啦😊
椰汁红豆冰$28
有惊喜🤩，清甜椰汁同粒粒食得到嘅红豆，真系最佳拍档🤣

昨晚跟友人食完越南菜，今日同事有话要食越南菜，冇问题，反正每一间菜馆风格不同。

咖哩炒大虎虾
咖哩汁浓稠，有丝丝蛋白，好特别，增加滑溜感。
配菜洋葱，青椒和大葱够入味，食到个个津津乐道。
虎虾大大只啖啖鲜香。
要了一客法包，蘸着咖哩汁，滋味无穷。

牙快车
名字完全不知是什么！再睇材料，先知道原来是沙律。
青瓜条，椰菜丝，红萝卜丝，花生碎，鸡肉丝。
淋上越式鱼露，非常清爽清新的味道。

越南咖啡
慢慢滴溜，好香。
咖啡味道浓厚。