Lunch time 去The One 4楼，餐厅选择多，今次想食越南菜。
.
午餐set 款式也不少，$62-$78 价钱合理。
.
香茅猪颈肉捞檬 - 猪颈肉好嫩，烧得刚刚好，带点焦香又不会太干。捞檬酸酸地好开胃！
越式生牛肉汤粉 - 汤底清香，味道正宗。牛肉粉嫩，牛味香浓。芽菜用杯仔装水种植著，又有青柠辣椒，好越式的风味。
.
满载椰青海鲜饭 - 真的是满载！除了见到的虾及墨鱼，入面也有蚬仔等的海鲜。而且饭充满浓浓的椰香，相信是用椰肉打磨烩成的。
.
每个午餐都包餐品，可以加钱转特饮、冻饮。
越南滴滴咖啡、冻柠檬茶
.
见到小食 札肉蒸粉包 未食过，就叫了一客share。入面有虾米、猪肉碎、木耳等等，感觉有少少似中式点心/饺子。不过连同札肉、炸虾片及沾上酸汁食，顿时变成东南亚风味！
.
餐厅坐位宽松，young 又有活力。

尖沙咀THE ONE呢个商场好好行，而且又多唔同款式既餐厅，所以我都好多来呢个场消磨下时间。今日就LUNCH来试下越南野，

呢到有午市套餐，价钱$60-$70左右另加一，就包埋饮品，价钱都抵食，同埋都有唔同既款式。仲有呢到几好坐，楼底好高，感觉有空间感，同朋友倾计好舒服。

海鲜炒檬粉$68
呢个午餐 好抵食，真系好多海鲜，有虾、墨鱼、蚬，全部都大大粒。个粉炒得够干身，而且唔太咸，好食。

扎肉蒸粉包
好大件呀，仲有4件TIM~热乎乎出来真的好香，而且大大盘真系好吸引。入口皮好滑，料亦好多，有肉碎同木耳真系好好食~面有D炸蒜超正

炸虾饼 $68
厚身，脆卜卜好好食，而且好靓仔╴非常之东南亚风味的小食。

香茅猪颈肉米纸卷 $42
好FRESH的小食，猪颈肉配粉丝包埋的卷物，好好食~口感很好~清清地正。

咸鱼炒芥兰 $62
浓味之选，非常惹味的芥兰，份量都可以。

越南滴滴咖啡 餐+8
餐饮加$8就饮到，正宗越南风味呢

尖沙咀 Le Viet

柚子海鲜沙律
虎虾粉丝煲
芒果糯米饭
滴滴仔咖啡

Mango Sticky Rice无得顶呀！！！！！！！！！！
Waitress好有礼貌，好似系越南人～～

去尖沙咀The one 《Le Viet》食午餐，今日嚟个越式滋味先
浓浓蕃茄甜味嘅越式火车头酸辣锅，煲内配料丰富有牛肉片、牛丸、牛腩粒、牛柏叶、当然唔少得高汤。
牛油味十足嘅牛油鸡翼同埋浓稠酱汁嘅咖哩牛腩捞檬

又黎尖咀Le Viet食lunch，限聚令4个人变两个人，冇得试多d新野。

于是谂都唔洗谂，我地叫左我地既最爱午餐。午市套餐选择很多，价钱便宜，有饭粉冷热任选。

我地呢d食肉兽再点左两份烧肉分黎食。食完先减肥啦!

香茅烧牛仔骨 $95+10%
牛仔骨有4块，肉质嫩口，好易切开，整得好入味，齌食都已经好好味，钟意既可以配随碟上既酸辣汁。

香茅烧猪颈肉 $76+10%
猪颈肉有10块，烧得皮脆肉嫩，食落唔觉肥，点甜酸酱食一流。下底成座山咁既梛菜丝同萝卜丝，再加上两块青瓜，配鱼露食变相又多份沙律食。

香茅烧猪颈肉捞檬 $65+10%
叫左香茅烧猪颈肉都唔够喉，呢个香茅烧猪颈肉捞檬实在太平。一如以往，香茅烧猪颈肉捞檬面铺上8块烧猪颈肉，烧得香脆可口，美味非常。鱼露分开上，满满的香蒜，酸酸甜甜，加上冷冻的檬粉，非常醒胃。蔬菜量充足，包括生菜、芽菜、萝卜丝、青瓜丝。鱼露食剩仲可以用黎点香茅烧猪颈肉下底既沙律。

咖喱牛腩捞檬 $65+10%
咖喱牛腩捞檬大大碗，份量十足。主食有差唔多8大旧牛腩，肥瘦适中，都算煮得淋。今次连牛筋都有，有两大件，好有咬口。咖喱汁十分惹味，微辣微甜，香滑可口，檬粉吸尽咖喱汁，非常邪恶。配料有很多淋淋薯仔、青椒、辣椒、洋葱。仲好食过上次。

每个午餐包一杯基本饮料，冻咖啡另加$5，特饮另加$8。饮品选择可不少。

梛汁红豆冰 +$8+10% 梛汁绿豆冰 +$8+10%
椰汁红豆冰不过甜，底下红豆粒粒分明，完全不甜，很清淡的一杯。绿豆则细细粒，可以轻易用饮管吸到，系友人之选。 加8个大洋就有实在系太抵！

餐厅位于大商埸，座位舒适，装修企理。今次叫既野样样都好食。咁既质素，咁既份量，咁既地点，配咁既价钱，午市套餐绝对系尖嘴抵食既越式午餐之选。