新一年再一次光顾这尖沙咀the one的越南餐厅..踏进店舖内便看到一幅烈火般红红的砖块并在墙壁上挂上不同风格的画作..充满古色古香的越南风格

▪️青木瓜丝鲜蟹肉鸡丝沙律-Papaya chic & crab mea $92
凉拌青木瓜沙律顾名思义是利用了未熟透的青木瓜丝炮制而成的.既爽脆新鲜又高纤.. 再配上新鲜蟹肉和鲜嫩鸡丝并以红葱头,花生碎,鱼露,青柠蒜头作调味..令整个沙律充满酸辣鲜甜之味.既醒胃又让人吃得津津有味

▪️ 烟三文鱼纸米卷 -Smoked salmon roll $42
外半透明的米纸.可清晰看到摄在中间色彩鲜艳的烟三文鱼.卖相吸引夹起来.从侧面看原来还有一丝丝分明的米粉和生菜配上特制偏酸甜的鱼露汁.更滋味又清新.. 非常开胃

▪️海鲜炒檬粉$68
色彩斑斓的海鲜炒檬粉真的是材料满满足料十足的..既有虾墨鱼蚬.大大颗的.令吃下去有不同的层次和口感..有爽口弹牙又软绵绵的感觉..再配上芽菜.韮菜和鸡蛋充分地增加了视觉的色彩并把檬粉炒至干身一条一条分布鲜明的.口感湿润又不会重味.挤点青柠汁和加点辣椒酱..顶呱呱回味无穷

▪️串烧沙嗲三串$56
串烧以猪肉·鸡肉·牛肉作主题..能任君选择自由配搭.. 燻烤了的猪肉·鸡肉入味不干涩且散发浓郁炭香.. 沾上特制沙嗲花生酱变得更丰富多变的层次.. 惹味浓郁的沙嗲花生酱内奉上真材实料花生粒.吃起来更突显花生的香甜味. 完美无瑕口感让人没齿难忘难忘

▪️香茅烤猪颈肉$76
香茅猪颈肉惹味焦香份量十足. 两旁肉边微焦的.皮脆内嫩爽口弹牙.并以45度角逆纹切成薄片.香口又惹味..充满炭香四溢的猪颈肉再配上酸辣蘸汁..极具风味绝佳. 清新又不油腻

2月18日,隔左3个月既第一晚有晚市堂食
相当当晚大家都有出外食饭吧
几个月来难得一见要排队食饭既情景
突然放宽堂食,订唔切位食饭,咁就去THEONE
睇下边间有兴趣就食边间,今次食呢间越南菜
呢度出名有个招牌饭,即系乜都有,鸡翼,猪扒,札肉片,越南三宝?加只蛋
仲叫左碗汤河同串烧,饮品就咖啡同咸柠梳打

冰底咸柠加一支梳打,整散个咸柠倒梳打
清新又怡人,酸香开胃
再黎冻咖啡,奶少D应该更好饮或者改用茶走

呢碗叫特别火车头$78

有齐多款精选配料,牛柏叶,肉丸,清汤萝卜
肥牛肉片,食汤河最重要系个汤底

呢度既汤底够鲜甜,碗粉又超大碗
最后都扫清饮埋汤底,粉幼够嫩滑
啖啖鲜香牛骨汤,下次都会翻单,值得一试
另外仲有一堆芽菜,肥牛肉如果再肥D好食D
感觉上太瘦,熟左好似干柴左少少

串烧有鸡猪牛,每款叫两串

最好食系鸡同牛肉,猪肉略干身
鸡肉有弹性,醃得入味,咬落仍有肉汁
牛肉微焦够香口,肉味浓郁,沾上沙爹酱更滋味

招牌饭,出奇地丰富
原以为系每样有半份,原来比足一份

札肉片煎过三片配葱油蒜
2只香茅鸡翼同一件带骨猪扒
最后仲有一只太阳煎蛋 仲跟一碗清鸡汤

香茅鸡尾醃得几香,炸得够透,食起黎仍够嫩
猪扒炸至脆身,食起黎别有一番风味,札肉片可以再煎得更香就好,配埋葱油捞埋一齐食
超级丰富既一款综合饭,又试到3款招牌食物

行过4/F呢度见到有唔同嘅餐厅, 而呢间越式餐厅就系开放式设计～ 平日下午时间唔多人, 坐得舒服, 可以同朋友慢慢倾计～ 佢有午餐set选择嘅, 不过我哋唔系太肚饿, 所以就叫咗小食一齐食～

▶️鸡丝大虾青木瓜沙律 (HK$62)
好大碟, 一定要开心share 汁另上 (系平时越式捞檬粉只汁)～ 健康之选～

▶️牛油鸡翼 (HK$72)
鸡翼超大只热辣辣新鲜炸出嚟‼️牛油味好重手, 蒜味都好香, 推介～

▶️猪颈肉米纸卷 (HK$42)
好大件米纸卷, 有四件～ 不过猪颈肉就比较切得薄咗啲～ 檬粉嘅份量就相比底下超多

▶️冻柠檬茶 (HK$28)
正常发挥, 够新鲜柠檬, 最怕有啲冻柠茶畀得太少柠檬片

▶️绿豆拉椰糕 (HK$33)
嚟到阵仲系出烟㗎‼️应该系即叫即蒸唔会太甜～ 原本想叫生果拼盘嘅, 不过卖晒

< Le Viet > 尖沙咀
琴日日中午同fd行街去咗呢间主打越南野嘅餐厅食lunch 之前食过都唔错 所以又试下

咖喱炒大虎虾 $168
呢个系必食 大虎虾有六虾 每只都有手掌咁长 呢个价钱好抵食 虾肉爽口弹牙 肉质鲜甜 超好食 而且仲有好多虾膏 啖啖甘香咖喱加咗青椒、洋葱同蛋花 咖喱好香浓惹味 虾肉好入味 啲汁捞饭食一流 好快就食晒成碟

大虾菠萝饭 $78 +8 椰汁绿豆冰
原个菠萝装住炒饭 加咗菠萝粒增加风味 炒饭有肉松、火腿片、三色豆 上面仲有三只虾 炒饭份量都几多 可以同朋友share

海鲜炒檬粉 $68 例汤+热奶茶
因为惊河粉太油嘅关系叫咗檬粉 入面有好多海鲜 有虾仁、鱿鱼同蚬肉 份量都几多 檬粉唔会炒到散晒 另外芽菜同韭菜都炒得好香 奶茶味道似港式奶茶 唔太甜 几好饮❤️

❣️店内环境舒适 staff态度友善 值得一去❣️

Le viet系法文 即系越南仔咁解
餐厅主理人系柬埔寨华侨第二代 主打新派越南菜
-
#菠萝焗饭 $78
卖相吸引 上面铺左三只虾同猪肉松 份量十足
菠萝味道鲜甜 酸酸地几开胃
除左菠萝 仲有餐肉 粟米 红萝卜同青豆
个饭炒到干身又香口 配合咖喱香气更惹味
-
#香茅烤猪颈肉 $76
猪颈肉切成薄片 富焦香又脆口 上枱仲热辣辣
秘制酱汁集合甜酸辣三样口味 清新惹味
-
#通菜 $62
炒得几香 清清地 唔油腻 不过份量比我想像中少
-
#香芒糯米饭 $55
糯米有黑白两样 香甜软熟 唔系隔夜饭咁又干又硬
配埋香浓椰浆 同清甜芒果 简直系绝配
-
#椰汁绿豆冰 跟餐加$8
#椰青 $42
椰青肉爽脆 味道清甜
-
Le Viet
尖沙咀弥敦道100号The ONE 4楼L402舖