#cassiegotst
-
平时经过THE ONE见到依间餐厅，装修颜色好丰富，以为系食西班牙菜，仔细一睇原来系越南菜，好特别。瘦编终于有机会去试吓～
-
Menu有好多选择，Lunch Set平均$70包一杯普通餐饮，尖沙咀正常价。瘦编拣咗越南菜嘅经典生牛肉汤粉，热辣辣嘅汤底将牛肉轻轻灼熟，食落口有浓郁牛肉味，口感好嫩滑！朋友就拣咗香茅烧猪颈肉捞檬，烤捞檬味道酸酸甜甜，可以刺激食欲。猪颈肉咬落口爽口弹牙，好惹味，唔错！
-
小食拣咗个小食拼盘，当中有新鲜炸起嘅越南炸虾饼，无油腻感，好有咬口。最后食翻个芒果糯米饭，有白糯米同黑糯米，我自己钟意食黑糯米多啲，更烟韧。芒果肉厚多汁，够甜，满足！
-
味道评分▶️ (4.5)
抵食评分▶️ (4)
回购评分▶️ (4.5)
-
➡️ Le Viet (尖沙咀)
尖沙咀弥敦道100号The ONE 4楼L402舖
-
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie
-

之前系旺角分店食过一次，就一直对Le Viet念念不忘
今次经过尖沙咀，就同男朋友过黎撑枱脚啦
-
其实我对越南菜有个情意结
以前细个DSE之后，第一份工就系番越南餐厅
成日做野果阵闻到果阵香气真系好肚饿好想食
宜家大个咗有能力就好想再次回味
所以我对越南菜都有d要求
而哩一间餐厅真系好符合我既口味
-
每一次食越南野就会叫既金边粉
炒得好有镬气，金边粉夹埋d芽菜好有口感
而且猪颈肉肥瘦均匀，真系食到我舔舔脷
-
男朋友就order左生牛肉河
佢个腌尖鬼就要走芽菜既
但好得意呀，店员竟然onside左，仲比左个咁可爱既野装住比我
虽然个生牛肉河系男朋友order既，但系我系咁抢佢碗野黎食
真系好钟意加咗青柠酸酸地同果阵九层塔既味道
-
炸虾饼系每次既必点食物[胜利]
而串烧落左蜜糖甜甜地好开胃[害羞]

尖沙咀The ONE 是港人及游客爱到的商场，今日我也来到。

晚餐拣了4楼的食越泰菜的Le Viet。

The ONE 的楼底非常高，较有空间感，所以坐得舒适。

Menu的菜色都有很多，越式泰式都有。

越式咖哩牛腩锅配印式薄饼$105
越式咖哩牛腩锅，可配法包或印式薄饼，我拣了印式薄饼。
咖哩牛腩锅用炉热著，牛腩很大件，还有牛筋， 咖哩味很香。
印式薄饼很软腍烟韧，点上咖哩汁，好味，真是食到别有一番滋味的特色越菜！

香茅猪颈肉汤粉 $68
平时食泰菜及越南菜较少叫汤粉，原来汤底非常清甜，河粉软腍度刚刚好，与汤齐食，真的很美味。
香茅猪颈肉另外分开盛载， 猪颈肉入口有很香的香茅及胡椒味道 ，口感带爽又香口，真是推荐之选！

椒丝炒通菜$62
椒丝炒通菜， 炒得刚刚好，带爽口又不会腍，炒得够入味。

焦糖炖蛋$36
焦糖炖蛋面上的焦糖超脆香口，炖蛋又软又滑非常香甜，真是推荐！

椰青$42
食泰菜饮品我都喜爱要个椰青，清凉又清甜。

今晚食了越泰菜的特色菜，食得非常美味。

呢间越识料理开业都好耐，之前已经食过几次觉得佢个价钱合理，午餐仲几经济。多年来依然保持水准，算系平价抵食！我哋拣咗午餐及单点咗两款食物。

午餐包基本饮品，冻饮加$5；特饮加$8。

▶️生牛肉汤粉$62
汤粉汤底味道有越式风味，有洋葱、芽菜等等，配料另外有柠檬、香茅叶比你加，牛肉亦都几大块！

▶️精选拼盘$115
拼盘新鲜够热辣辣有炸春卷揸得好够趣够热春卷入面黑椒味蛟龙郁精粉包两件都大大件馅料爆满亦都有农乡嘅黑椒味猪颈肉吼得几香肉够林味道偏咸炸虾饼金黄香脆虾肉都几弹牙

▶️越式咖喱软壳蟹锅配法包$113
火锅一路有火兴住，所以非常够热。咖喱唔会太辣，有椰汁味。炸软壳蟹够香脆，而且有好多薯仔 法包系一条，软林林，相当够饱。

中午喺尖沙咀揾午餐，发现难得喺商场入边嘅抵食午餐！

午餐有好多唔同嘅选择，全部都好有越南特色。价钱都系$60至$70左右仲送咗汤同埋饮品，坐得舒服可以同frd倾偈，性价比极高！
而且嘢食真系都好好食！
今次我哋嗌咗大虾菠萝饭同埋香茅烧猪颈肉捞檬，额外再嗌左个牛油鸡翼。

香茅烧猪颈肉捞檬 $65

虽然系午餐但系猪颈肉嘅份量完全唔吝啬！超足料！肉质鲜嫩，烧过嘅猪颈肉更添炭烧味。
重点系个酱汁，呢个捞檬汁好出色，好香青柠味，味道好开胃好清新，比起出面嘅酱汁系有啲唔同！

大虾菠萝饭 $78

呢个菠萝饭份量唔系一般嘅多，系超大份！食唔晒三只大虾弹牙爽口，菠萝饭材料丰富除咗三色豆之外，仲有好足料嘅菠萝火腿等等！菠萝酸酸甜甜好开胃。菠萝炒饭味道香口，口感粒粒分明，以呢个价钱算系十分不错。而且外貌好靓可以打卡

牛油鸡翼 $78

超级邪恶嘅牛油鸡翼！表面有劲多炸蒜！！好正。鸡翼好香脆，牛油味超浓，见到个底有超多牛油汁。而且鸡翼热辣辣，肉汁丰富。好食！

越南滴滴咖啡 （套餐加$8）

呢个咖啡值得加$饮。咖啡好香，唔系一般嘅港式咖啡，真系有越南嘅风味。而且睇住佢滴落嚟好治疗。

总括来讲，喺尖沙咀返工嘅我一定会再嚟食呢间餐厅。今日大概12:30到，唔使排队，不过坐坐下陆陆续续就好多人。喺商场入边环境卫生几好，卫生措施都做足，坐得舒服，最紧要价钱合理嘢食好食！性价比高:D