The one 入面高质既越南野
我第一次食 都系听人介绍话好食去试
真系好唔错 等我介绍下有咩好食先

1. 蒜蓉牛油鸡翼
鸡翼炸到好脆又大大只又入味，唔会好多油上碟，加上炸蒜 好食！
2. 串烧沙嗲三串 鸡牛猪各一
呢个串烧烤到有少㶶边 脆脆地几好
3. 咖哩鲜鸡+法包
呢个我最中意食，个咖哩甜甜地多椰奶香 ，仲有个火热住食 100分！😻
4. 满载椰青海鲜饭
份量真系好多🤣满到山咁高 ，椰浆捞饭甜甜地好开胃 有虾、鱿鱼、蚬肉 不错👍🏻

我两个人食饱到傻 ，但斋睇menu 样样都好想食
下次再食先得yummy

今日去咗睇买一送一波鞋，劲多收获！买完野劲肚饿梗系坐低食食嘢啦，经过呢度俾个帮我炒饭吸引咗，就坐低试吓！

大虾菠萝饭😋😋😋😋

菠萝炒饭好多材料，仲加咗我最钟意食嘅肉松，面头仲有几只大虾，大虾仲好细心咁剥咗壳，值得方便值得一赞，几十蚊仲包杯嘢饮真系抵食！饭粒炒到粒粒分明，仲有少少酸甜清新菠萝味，加咗啲杂菜提升口感，仲有我最钟意嘅肉松捞埋一齐食！睇得又食得！

串烧三色鸡猪牛😋😋😋😋😋

牛肉串烧劲好味，面头有少少黑色焦香，看上去还会以为肉质鞋口，谁知食落有惊喜！一咬开爆出肉汁中间软绵绵肉质超正！味道够晒香囊，完全唔使点酱汁都好好食😋鸡肉串味道少少香辣，肉质都keep到，点埋咖喱汁仲夹！猪肉都充满炭火香，烧得好好味！好明显老公觉得好满意，仲话好彩叫咗半他，唔系实争食咁话😂

越式咖喱软壳蟹锅配法包😋😋😋😋😋

迷你版软壳蟹份量虽然得多，不过全部新鲜炸起，食起嚟仲keep到趣卜卜，轻轻沾上咖喱汁，已经鲜味爆棚！然后也不要忘记了薯仔🥔，轻轻炸过，薯味香浓，特别好味!

推介将法包弄成小片浸在咖喱汁内，带少少甜味的香辣咖喱汁就会软化了有点硬硬的口感的法包，半脆的法包将海绵一样吸收晒咖喱汁，劲好味！

Le Viet：

尖沙咀弥敦道100号The ONE 4楼L402舖

今日来到尖沙咀The One逛逛，跟着在四楼稳餐厅，之前旺角食过Le Viet觉得可以，so拣呢间。火车头酸辣锅：系用菠萝炖汤酸甜多D，唔会辣，牛腩好嫩，牛百叶好弹牙，肥牛肥瘦相间口感嫩滑，汤底酸酸甜甜有D香味。串烧沙嗲：可以拣猪肉、牛肉、鸡肉，我啲各2串，浓郁嘅炭烧味，鸡肉嫩滑，猪肉有DD肥肉但肥而不腻，牛肉肉质紧密肥嫩。沙嗲汁甜甜啲，串烧可以单食，也可以沾沙嗲汁，都好味。大虾菠萝焗饭：份量十足，大虾鲜美弹牙，焗饭材料丰富，除佐三色豆之外，仲有肉松、红肠、菠萝，饭粒粒分明，食一啖酸酸甜甜，加埋咖哩嘅香味，口感丰富！佢嘅汤粉系招牌，下次可以试下。

座位舒适宽敞，提供纸巾和清水～装修简单别具风味，另收+1服务费

大虾 #菠萝炒饭 $96
鲜虾爽口，热腾腾的炒饭好香，炒得够干身和好够味，配菠萝粒少少甜，更加开胃。加上肉松好好味😋不会辣，推介

#咸柠梳打 $28转七喜
咸咸甜甜好开胃，个人很喜欢❤️

#越式拼盘 $98（优惠中）配泰式辣酱
#虾饼 ：有3件，厚切足料，吉列外脆内爽，热气之选
#猪颈肉 ：5片，香浓肉味，不会太肥又嫩
#扎肉蒸粉包 ：2件，粉皮够嫩滑，清淡
#春卷 ：4条，炸至外脆内软，记得沾酱，小心𠝹口

#咖哩牛腩锅 $105 配印式薄饼
牛腩锅会点火一直烧，香浓越式咖哩味，甜甜的微辣，有青椒🫑洋葱🧅薯仔等配菜，牛腩、牛筋 好有咬口，非常坚韧

服务质素：8/10
环境舒适度：8/10
ᶘ ᵒᴥᵒᶅ个人口味评分：8/10

#cassiegotst
-
平时经过THE ONE见到依间餐厅，装修颜色好丰富，以为系食西班牙菜，仔细一睇原来系越南菜，好特别。瘦编终于有机会去试吓～
-
Menu有好多选择，Lunch Set平均$70包一杯普通餐饮，尖沙咀正常价。瘦编拣咗越南菜嘅经典生牛肉汤粉，热辣辣嘅汤底将牛肉轻轻灼熟，食落口有浓郁牛肉味，口感好嫩滑！朋友就拣咗香茅烧猪颈肉捞檬，烤捞檬味道酸酸甜甜，可以刺激食欲。猪颈肉咬落口爽口弹牙，好惹味，唔错！
-
小食拣咗个小食拼盘，当中有新鲜炸起嘅越南炸虾饼，无油腻感，好有咬口。最后食翻个芒果糯米饭，有白糯米同黑糯米，我自己钟意食黑糯米多啲，更烟韧。芒果肉厚多汁，够甜，满足！
-
味道评分▶️🌕🌕🌕🌕🌗 (4.5)
抵食评分▶️🌕🌕🌕🌕🌑 (4)
回购评分▶️🌕🌕🌕🌕🌗 (4.5)
-
➡️ Le Viet (尖沙咀)
📍 尖沙咀弥敦道100号The ONE 4楼L402舖
-
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie
-