早左两个月订位，终于去到bookmark左好耐嘅involtini，楼上舖但获米芝莲推介，相信有返咁上下实力。虽然lunch menu有包饮品，但一场黎到我地决定散叫。每次上菜前店员都会介绍菜色，务求客人食到大厨呈现嘅层次。

🍽Handmade Tagliolini with Carabineros Red Prawn, Scallop and Red Prawn Sauce ($380)
唔少人都系为左呢道意粉黎，店员建议先试面头嘅意粉，之后点汁食，最后混合虾头嘅膏，将浓度推向极致。红虾肉质结实弹牙，另配一粒煎带子，意粉啖啖充满鲜味，后期同店员倾计先知佢地最近将海鲜汁改做红虾汁，我同朋友都觉得呢个版本比原先更吸引，想食记得早一日预订。

🍽Handmade Tagliolini Carbonara ($168)
识食之人都知卡邦尼唔应该落忌廉，店员提醒以蛋浆制成嘅酱汁较易凝固，要尽快食用。食落蛋味香浓又无蛋腥或苦味，非常creamy，配猪面肉而唔用烟肉更惹味。呢度嘅手打意粉好有咬口，Tagliolini 扁长特别挂汁，食完呢碟你会将Carbonara嘅标准set到好高。

🍽Mushroom Soup ($98)
店员知我地share预先分两份上，非常细心。蘑菇汤口感顺滑唔太杰，无菇粒，闻落好香牛肝菌味，饮落味道温和，唔错但无意粉咁惊艳。

🍽餐包
配香草牛油或橄榄油同黑醋，微暖软熟。

两碟意粉都好有水准，下次会试埋龙虾意粉同fettuccine，庆生又想帮衬良心餐厅的话可以考虑下呢间！

琴晚去左铜锣湾，想食意大利粉就去左involtini ltalian cuisine🍝

主打手制意粉，侍应都好好有介绍到daily special，第一次都系叫左皇牌carbonara
好耐无试过蛋黄味咁浓的carbonara!! 系蛋黄味，一般街外边着重忌廉味，因为要将蛋黄同忌廉完美融合，需要系煮的时候好小心处理温度，热多小小就会结块，无左咁香浓的质感

海鲜意大利云吞配上乌鱼子，简直系锦上添花
不得不提个蟹饼，啖啖蟹肉旁边系樱花虾粉，好睇又好食，仲好味过我系州际食！
两个人食左7百几，但咁高质素个人绝对觉得系抵！

放工去了久违的Involtini食意粉，想不到星期一的晚上，人也真多，。坐低先食件自家制面包，然后喝啖汤。海鲜汤质感轻盈，蔬菜汤简单而清新。

炸蟹饼小小一个，好有造型，外层炸得香脆，入面拆开有丝丝蟹肉，好足料。

这次来碰巧遇着季节限定的黑松露意大利面，我们看到隔离枱点，当然也跟着点。大厨说今年黑松露当造，是丰收季，正系品尝的好时机!!

黑松露系我们面前即席刨出黎，味道好香好香，而且望住大厨手起刨落的动作，松露落得好慷慨，一啲都唔吝啬，过程十分治愈。满满的黑松露铺面，令人食指大动。手工制的意大利面配上同是自家制的黑松露汁，香味已是四溢。

红虾意大利面是酱汁都系用海鲜熬成，所以每条面都有海鲜的鲜味。意大利饭则是有红虾薄铺面，虾肉鲜甜，酱汁做得好creamy。

最后的甜品我们都决定选了个拼盘，因为可以试晒咁多款甜品。这里都不是第一次来，手工意粉绝对系出面食唔到的，而且每道菜都是心机之作，难怪回头客总是不绝!!!

这里的下午套餐有道菜是龙虾意粉，限量供应的，需要提前一日预订。手工意粉的口感烟烟人人，非常不错。可是份量比较少。

这店刚开业时已品尝过一次，最记得佢自家制意粉及慢煮牛肋肉及和牛西冷
今次再嚟刚好系食法国黑松露好季节，所以见大部分客人都点了一份
先上餐前面包及薰肉，再配上热辣辣嘅汤
龙虾海鲜汤香浓美味，入口绵滑就够鲜甜
另一款蔬菜汤好清香都不错
这款一睇个碟面蟹图案就知跟蟹有关联，蟹饼系预先折好蟹肉，再搓成厚饼状去煎炸，外层微香带点脆身，入面好浓鲜蟹肉味，食落仲一疏疏好有口感
到主角黑松露意大利面出场了，大厨即场喺你面前即刨香气扑鼻，唔知系咪一路拍住片佢越刨起劲，呢个黑松露意大利面$480劲抵食又好味，手工意大利面仲好弹牙，再配上黑松露汁及铺满面上的一片片黑松露，真系极度邪恶忍唔到口会不停追住食
另一款红虾意大利面我都好喜欢，本身红虾好鲜甜又够抢味，再配埋海鲜酱汁，令手工意大利面层次更升华惹味
呢到嘅意大利饭都唔好红错过，饭粒系我最钟意嘅软硬度，佢个汁非常滑溜又有虾的鲜味，成个份量好夹，唔好以为好腻口，好在有柠檬汁中和一下
最后这多款甜品拼盘有特浓朱古力雪糕、Tiramisu、奶冻及必叫嘅红酒烩梨，好清新又够爽与腍之间，淡淡清香红酒味，食落又够凉快～
最后喝杯热茶特别舒服~