又到左悠闲既星期日，一于训到自然醒先系享受人生，再慢慢梳洗完同老婆落街食个lunch慢活一下

今日黎到呢间餐厅，其实就系屋企附近，一直以来都想试下，不过都冇机会，因为睇餐厅个名就知道系食蠔嘅，身为食蠔爱好者既我当然唔会放过啦

见到餐厅最近仲做紧优惠添，原来四人同行可以一人免费，早知就叫多啲人嚟一齐食啦
而且见到一个Pizza都系$99，又真系唔算贵㖞

入到去坐低咗之后见到餐厅嘅装修都几有外国嘅风格，无论系挂画定系沙发都呈现怀旧嘅味道，好似置身喺80年代嘅外国咁

睇返餐牌，主要有lunch Menu，一个价钱包含咗前菜、主菜同甜品，最重要系仲有是日生蠔添！！
所以我同老婆佢哋每人叫咗一个lunch set，不过主菜就有啲唔同，可以share嚟食

首先一嚟到嘅就系是日生蠔，嚟到嘅时候闪闪发光，每一只都好肥美，食落去嘅时候充满海水味，而且冇蠔壳，代表师傅嘅手势都做得唔错，加埋柠檬汁，更加带出蠔嘅鲜味，最衰每个人得三只，好似唔多够喉

之后就有老婆要既沙律同我叫既餐汤，沙律既菜几新鲜，咬落去脆身既，仲有蕃茄仔添
至于个餐汤系忌廉薯仔汤，整得几浓郁，仲食到少少薯仔蓉，配埋面包一齐食几夹，因为面包可以挂晒啲汁上去

之后到主菜出场，有我要既香烤猪鞍伴烧菠萝，配杏脯百花蜜酱，猪鞍烤得岩岩好，厚身又唔会太韧，唔需要太用力就切到出嚟，调味啱啱好，冇谂过可以配埋烧菠萝同杏脯百花蜜酱之后都唔算太甜

至于老婆就要香烤羊扒伴精选配菜，加自家制烧汁，嚟到嘅时候羊扒已经好香，食落去嘅时候羊羶味唔会太重，可能因为有烧汁嘅关系，再配埋一啲蔬菜一齐食，老婆食完话好饱，不过我当然唔相信啦，因为之后仲有甜品

首先有是日精选甜品奶冻，整得好香滑，充满牛奶味，果然老婆即时有返食欲，争住黎食

最后仲有呢个香蕉拖肥批，冇谂过香蕉同拖肥又几配合，一齐食落去唔会觉得好甜，而且下面个批底好松脆，食完就真系饱晒啦

最后埋单每人二百几蚊，有蠔食又可以食齐前菜主菜同甜品，湾仔区来讲真系好抵！！

近日很多团体都在出售日本即食生蠔，看得牙痒痒，本想买来试试，但怕品质参差，最后还是放弃了。

今天决定到蠔吧吃生蠔，「The Oyster House」顾名思义就是以生蠔为主打，除此之外，它亦是一间吃意大利菜及海鲜的餐厅。

Lunch Menu 餐牌选择不算多，只得4款，但最吸引就是可以以HK$68享用新鲜生蠔 (3只)~

蠔吧的生蠔，那有不新鲜的道理吗？生蠔海水味较重，入口带有咸香，而蠔身肉质肥美，带子位爽甜，非常juicy。

餐汤是忌廉汤，汤底浓稠适中，配上蒸煮面包，入口有淡淡香草味，非常特别。

香烤羊扒伴精选配菜。 自家制烧汁
香烤羊扒大大份，共有3块，外层烤得有点微脆，内层肉质挺嫩滑，没有重重的脂肪，亦没有浓浓的羊羶味道，吃后挺饱肚。
 
香蕉拖肥批
拖肥批非常好吃，上层是厚厚的忌廉，下面就是香蕉及拖肥，味道香甜，口感细滑，入口有点像吃著雪糕。

冻柠茶
由于吃了太多肉了，突然间充满罪恶感，所以点了冻柠茶来帮助消化~

Bff生日，知道佢钟意食生蠔，所以就中午就带佢嚟湾仔The Oyster House食饭庆祝~

讲真，lunch menu非常抵食，价钱由HK$118起，已经包括沙律或餐汤、主菜、甜品及餐茶~

既然今日系bff既大日子，就每人加$68食新鲜生蠔~

呢喥既生蠔出名新鲜，蠔身只只都肥美丰满，蠔肉结实爽脆， 味道甘甜，而海水既咸味同蠔肉既甜味都好平衡~

先来沙律，沙律菜好新鲜爽脆，上面仲放咗大量红腰豆，味道酸酸甜甜，好开胃~

炭烧美国牛板腱伴精选配菜，自家制黑椒汁
牛板腱好厚，大大块，入口有好重既炭烧香，牛肉味浓郁，虽然油花较少，但胜在咬口，肉汁丰富，加埋自家制黑椒汁，够晒惹味!

是日甜品系奶冻，口感Q弹，味道香甜细滑，奶味香浓~

餐饮我点咗杯咖啡，因为我觉得甜品同咖啡，一向都系perfect match，而咖啡味道都唔错，咖啡味好浓厚，bff对今日既安排好满意，大家都食得好开心!

晚市开放堂食，夜晚即刻冲去食餐好，上网打“oyster”就揾到呢间餐厅，餐厅真系超full，我地要book咗先有位，而且早到都冇位入，真系超受欢迎
首先叫咗6只蠔：两只时日精选、两只rollex、两只ostra regal，生蠔饱满，size都唔细，约略有我手心咁大，肉质饱满爽口，味道全部都偏轻身，唔会话好重矿物味
之后食嘅系羽衣甘蓝南瓜沙律，入面超多黎麦，口感几丰富，感觉系一道超级帮助消化嘅菜式成道沙律系酸酸爽爽咁，因为入面嘅蓝莓味道好出。南瓜口感几有趣，佢唔系全生，但又唔系熟到溶咁，佢系带一点点嘅韧道，连皮都食得，味道方面甜得黎带焗过嘅香味
汤度我就拣咗松露蘑菇汤，菇味好浓郁啦，中间嘅应该系松露酱，打散后，个香味会再升华，配嘅面包我反而觉得一般般，佢味道唔知点解好寡，冇乜香气，唔建议单独食，要成块沾汤先会觉得好食
呢盘鸡翼都几正，望落大大盘咁，全部都系拆晒做单骨，食落超级方便，每一忽肉都可以食到干干净净，鸡翼上台热辣辣，佢味道系香辣带微甜，外面炸粉唔会厚，恰到好处
之后嘅鱿鱼义大利饭就不得了，打卡感十足，佢将全部饭塞晒入章鱼入面，一切开d饭系挤晒出黎，好饱满，饭系creamy，好有奶香，不过我都唔系太食得惯义大利饭，口感好raw，米粒好硬，但味道系确实唔错
最后甜品系Tiramisu，咖啡味浓郁
最后讲服务，服务唔错，服务员好倾得，不过上菜速度可以快dd，我地8点半入座，等到9点先有菜上，中途食到有少少紧张，去到几乎10点关店先食到甜品，有dd紧张，可能个晚真系超级多人挂

最近终于可以堂食！见耐冇食生蚝揾咗呢间
估唔到Full house 满哂！好彩订咗位

我地嘅主角黎啦！ 叫咗3种 有黎自南非嘅同埋2 种黎自法国嘅蚝！ 好鲜好肥美 食到 雪 雪 声！好感动终于食到生蚝食咗沙律扮健康先个汁酸酸甜甜同d羽衣甘蓝好夹 加埋温室南瓜同蓝莓！开胃小食！单骨鸡翼！好方便！不过味道小辣！大家要小心

食完生蚝！再 蚝 一 蚝 佢呢个系蚝汤！好特别架！我之前从来冇食过！佢有埋包比你点黎食！好鲜！完全冇腥味！最后黎一个墨鱼筒酿意大利饭！不过个饭真系偏硬！味道唔错最后Tiramisu！
完美食完餐饭！就到10点要讲拜拜
下次可以再黎食生蚝！