今天想吃蠔，所以来到了Oyster House, 知道这餐厅的蠔不会令人失望！

我和老公点了两份，每份三只，全部都好肥美，有海水果又唔会太咸，完全不会腥，只有挥之不去的蠔味！正！

餐汤 配 餐包
忌廉汤都算几滑，包好软熟

跟餐是日沙律
有几粒鹰嘴豆，橄榄油沙律，蔬菜新鲜

香烤猪鞍伴烧菠萝，杏脯百花蜜酱
摆盘几靓，最底下仲有原块烧菠萝！猪鞍虽然是烤过但系一点儿也不会乾，表面带点焦香，肉质仍然湿润易咬，几好食～ 另外杏脯百花蜜酱同猪原来几夹，这个主菜以不同的甜味为主～

香烤羊扒伴精选配菜自家制烧汁
羊扒有三块，全部都觉得好靓，上菜的时候仍然闻到烤肉的香味～ 羊肉带点羶味但不算浓，很腍，烧汁香而带少少咸味，很好吃！果然是自家制烧汁！

甜品是香蕉拖肥批和炖蛋
香蕉拖肥批有好浓的香蕉味！虽然加了拖肥，但食落一点儿也不会漏，份量调教得很好
炖蛋很滑，有蛋香，不错！

美味满足的晚餐

今晚约了位喜欢食蠔既朋友一起食晚饭敍旧，位于湾仔谢斐道的「The Oyster House 」是一间食蠔的专门店，环境优雅宁静，实为闲谈叙旧的理想地方。
先点三款生蠔：
sentinelle no2, 肉质鲜嫩爽口，海水味浓郁。
irish rock no2 creamy, 咸味较重，蠔味浓郁。
choice of the day, 介乎两者之间，蠔肉新鲜爽甜，鲜甜清新。

沙律系黑醋蕃茄mozzarella沙律，蕃茄新鲜juicy, mozzarella 芝士软绵绵，口感十足，
加上热辣辣既香草面包，已经有一半满足感。

休息了一会，烤日本带子配野菌木鱼丝准备好，带子跟牛油汁好配衬，之后野菌跟木鱼丝又是一绝。

接着的是黑松露蘑菇汤，味道浓厚，很有野菌的鲜味。
主食是鱿鱼risotto 配蕃茄，鱿鱼香口，risotto creamy，配搭得不错。

最后甜品是Banoffee pie，不会太甜，跟朋友share刚刚好。尽享美味满足的一餐。

又到左悠闲既星期日，一于训到自然醒先系享受人生，再慢慢梳洗完同老婆落街食个lunch慢活一下

今日黎到呢间餐厅，其实就系屋企附近，一直以来都想试下，不过都冇机会，因为睇餐厅个名就知道系食蠔嘅，身为食蠔爱好者既我当然唔会放过啦

见到餐厅最近仲做紧优惠添，原来四人同行可以一人免费，早知就叫多啲人嚟一齐食啦
而且见到一个Pizza都系$99，又真系唔算贵㖞

入到去坐低咗之后见到餐厅嘅装修都几有外国嘅风格，无论系挂画定系沙发都呈现怀旧嘅味道，好似置身喺80年代嘅外国咁

睇返餐牌，主要有lunch Menu，一个价钱包含咗前菜、主菜同甜品，最重要系仲有是日生蠔添！！
所以我同老婆佢哋每人叫咗一个lunch set，不过主菜就有啲唔同，可以share嚟食

首先一嚟到嘅就系是日生蠔，嚟到嘅时候闪闪发光，每一只都好肥美，食落去嘅时候充满海水味，而且冇蠔壳，代表师傅嘅手势都做得唔错，加埋柠檬汁，更加带出蠔嘅鲜味，最衰每个人得三只，好似唔多够喉

之后就有老婆要既沙律同我叫既餐汤，沙律既菜几新鲜，咬落去脆身既，仲有蕃茄仔添
至于个餐汤系忌廉薯仔汤，整得几浓郁，仲食到少少薯仔蓉，配埋面包一齐食几夹，因为面包可以挂晒啲汁上去

之后到主菜出场，有我要既香烤猪鞍伴烧菠萝，配杏脯百花蜜酱，猪鞍烤得岩岩好，厚身又唔会太韧，唔需要太用力就切到出嚟，调味啱啱好，冇谂过可以配埋烧菠萝同杏脯百花蜜酱之后都唔算太甜

至于老婆就要香烤羊扒伴精选配菜，加自家制烧汁，嚟到嘅时候羊扒已经好香，食落去嘅时候羊羶味唔会太重，可能因为有烧汁嘅关系，再配埋一啲蔬菜一齐食，老婆食完话好饱，不过我当然唔相信啦，因为之后仲有甜品

首先有是日精选甜品奶冻，整得好香滑，充满牛奶味，果然老婆即时有返食欲，争住黎食

最后仲有呢个香蕉拖肥批，冇谂过香蕉同拖肥又几配合，一齐食落去唔会觉得好甜，而且下面个批底好松脆，食完就真系饱晒啦

最后埋单每人二百几蚊，有蠔食又可以食齐前菜主菜同甜品，湾仔区来讲真系好抵！！

近日很多团体都在出售日本即食生蠔，看得牙痒痒，本想买来试试，但怕品质参差，最后还是放弃了。

今天决定到蠔吧吃生蠔，「The Oyster House」顾名思义就是以生蠔为主打，除此之外，它亦是一间吃意大利菜及海鲜的餐厅。

Lunch Menu 餐牌选择不算多，只得4款，但最吸引就是可以以HK$68享用新鲜生蠔 (3只)~

蠔吧的生蠔，那有不新鲜的道理吗？生蠔海水味较重，入口带有咸香，而蠔身肉质肥美，带子位爽甜，非常juicy。

餐汤是忌廉汤，汤底浓稠适中，配上蒸煮面包，入口有淡淡香草味，非常特别。

香烤羊扒伴精选配菜。 自家制烧汁
香烤羊扒大大份，共有3块，外层烤得有点微脆，内层肉质挺嫩滑，没有重重的脂肪，亦没有浓浓的羊羶味道，吃后挺饱肚。
 
香蕉拖肥批
拖肥批非常好吃，上层是厚厚的忌廉，下面就是香蕉及拖肥，味道香甜，口感细滑，入口有点像吃著雪糕。

冻柠茶
由于吃了太多肉了，突然间充满罪恶感，所以点了冻柠茶来帮助消化~

Bff生日，知道佢钟意食生蠔，所以就中午就带佢嚟湾仔The Oyster House食饭庆祝~

讲真，lunch menu非常抵食，价钱由HK$118起，已经包括沙律或餐汤、主菜、甜品及餐茶~

既然今日系bff既大日子，就每人加$68食新鲜生蠔~

呢喥既生蠔出名新鲜，蠔身只只都肥美丰满，蠔肉结实爽脆， 味道甘甜，而海水既咸味同蠔肉既甜味都好平衡~

先来沙律，沙律菜好新鲜爽脆，上面仲放咗大量红腰豆，味道酸酸甜甜，好开胃~

炭烧美国牛板腱伴精选配菜，自家制黑椒汁
牛板腱好厚，大大块，入口有好重既炭烧香，牛肉味浓郁，虽然油花较少，但胜在咬口，肉汁丰富，加埋自家制黑椒汁，够晒惹味!

是日甜品系奶冻，口感Q弹，味道香甜细滑，奶味香浓~

餐饮我点咗杯咖啡，因为我觉得甜品同咖啡，一向都系perfect match，而咖啡味道都唔错，咖啡味好浓厚，bff对今日既安排好满意，大家都食得好开心!