星期日去咗Oyster House食生蚝，佢地啲装修有啲似旧式扒房，少少传统。坐低叫咗三款生蚝都系店长推介，Tomo 喺日本生蚝，所以入口好爽好甜，size几大只，每个位置都好爽口，有少少青瓜清甜。Lambert 及另一只法国生蚝，蚝肉薄身少少，入口有金属味，少少回甘，海水味余韵悠长，呢度生蚝温度够冰，入口全部都好新鲜又爽脆。前菜叫了烧带子配香菇木鱼丝，因为大家都系日本食材，所以味道几配合，木鱼丝带出另一种鲜甜味。叫咗个黑松露蘑菇汤及生蚝浓汤，两个汤都好浓郁，上枱闻到蘑菇香味扑鼻，混合黑松露独有嘅香气，非常出色。生蚝浓汤内有一只生蚝，汤头好浓郁丰富，每一啖都系生蚝嘅味道。广岛蚝脆巴马火腿米型意粉，上枱似意大利米饭，原来系啲细细粒的短意粉，配上非常浓郁嘅蚝汁，里面仲有好多洋葱碎增加爽脆嘅口感，意粉上面有块脆脆的巴马火腿，带点咸香，捞埋意粉一齐食有提鲜作用。炭烧加拿大天然猪鞍肉，猪肉size非常大份，厚度差唔多有成吋厚，因为天然猪嘅关系，所以唔需要100%全熟，切开依然有肉汁，有肉味，不会有肉臊味，没有腌料腌过，只有简单调味及香草，完完全全吃出猪的原味。甜品系Tiramisu，用一个玻璃器皿装住，入口非常之湿润，我就比较钟意食这种比较软身的tiramisu，入口有酒香，加上咖啡粉，口感非常好，味道刚刚好不会过浓。埋单两位$1200喺湾仔，感觉好合理，生蚝及主菜都有酒店水准！值得一赞！
拥有或管理这家酒店？ 免费获取您的详情页以便回复点评、更新资料或者进行其他操作。