美线
煳辣胡椒鸡美线+ 猪肚+乍酱 （8/10）
蕃茄胡椒鸡美线+鱼片+乍酱+豆卜 （8.5/10）

煳辣 系指胡椒香料炒㶶前嘅香味，带孜然香
辣度自由选择，对于朋友嚟讲，十小辣已经足够了。最近天气冰冷， 小编想养颜滋补，试下花胶，共有三大片，滑嘟嘟，比起一般食嘅更易入口，男女都值得试下。

三哥蕃茄汤底系小编最爱嘅，满足到小编对食蕃茄嘅要求，钟意新鲜蕃茄底，但食落米线唔想粘住太多茄籽。最重要系蕃茄并无遮盖胡椒味。鱼片簿切，唔会太多骨。乍酱同豆卜系惹味同吸味嘅象征。

小食
蒜烧茄子 （7.5/10）
五少辣，大部分都布满蒜蓉，怕辣可以浸汤底。
口水三素 （7/10）
豆卜、冬菇、云耳，辣味适中，几喜欢呢个配搭。

特饮
热情果乌龙茶 （8/10）
冷泡炭烧乌龙茶、柠檬梳打、热情果+寒天QQ
大橙片作点缀。

青苹果梳打 （8.5/10）
青苹果果蓉，甜度适中，而台式爱玉清凉有咬口，搅匀味道会更佳，解辣一流，回头率极高。
新增：常规特饮
葡萄乌龙茶、咸柠梳打

谭仔三哥
三哥最近出咗一款新口味，佢就系花胶胡椒鸡美线。无骨胡椒鸡加上花胶，我地可以自选汤底或者加配料。除咗美线，我仲嗌左新饮品青苹果梳打试一试。

花胶胡椒鸡美线份量十足，我选择咗蕃茄汤底，里面有成四大块花胶同鸡。鸡件比平时嘅大，食落好滑，有淡淡的嘅胡椒味。花胶充满骨胶原，有美颜作用。个汤仲有啲芫茜同胡椒粒，饮落好香。

青苹果梳打好清新、好好味。带有果蓉嘅青苹果梳打作饮品的基调，加上台式爱玉，非常之特别。饮品有气，所以饮落好爽！爱玉好似寒天咁，质地QQ，令饮品饮落冇咁单调，好有口感。

#谭仔三哥 #花胶胡椒鸡 #青苹果梳打 #热情果乌龙茶 #香港美食 #hkfoodie #foodiehk

身为谭仔的忠实粉丝，原来从未写过任何食评比佢，但起码一个礼拜要食两三次，仲多过喺屋企食饭。
谭仔的汤底好香，好浓郁，食极都唔会厌，唔食一排又会心挂挂，推荐唔食得辣嘅人一开始可以食五小辣，或者酸辣汤底，保证食一次就上瘾

虽然我并唔觉得谭仔嘅味道代表香港，
但的确时不时都想整返碗。

每个人食谭仔都会有自己钟意嘅配搭，
而我通常都嗌炸酱加猪润，
然后夹啲米线捞落啲炸酱度食，
冇试过嘅人下次可以试吓，
真系好正㗎！

都一段时间都冇食过米线，于是就黎食下谭仔三哥。除左基本MENU外，另外见到有张新餐牌，一于试下新野先，咁就叫左鸡肉猪润番茄汤米线，口水三素($12)，白薄荷双柠梳打(原价$15，加配$10)

鸡肉猪润番茄汤米线：个人认为鸡肉同猪润算系大件夹抵食之选，份量足兼且又好味，再加上我至爱嘅番茄汤底，而佢个番茄汤底饮落FEEL到足料，系用鲜茄煮制，真系一流

口水三素：新推出嘅素食小食，啱晒成日都多肉少菜嘅朋友食下。三素即系有豆卜、云耳同鲜冬菇丝混合埋秘制口水酱料，食落少少辣辣地️，估计五小辣左右，都几惹味，打破素食就太清淡无味嘅谂法。边食呢碟小食边食米线，就觉得佢种小辣同番茄汤米线嘅鲜甜系好夹

白薄荷双柠梳打：白薄荷令我一饮落去就觉得好清凉，再加上清新嘅柠檬同青柠，绝对系解辣首选