#foodhkdiscoverer尖沙咀
—
去骨海南鸡饭($68) 份量比较细但系啱啱够食D鸡好嫩滑 而且好有鸡味 啱啱好入味唔会死咸 个酸辣汁唔会抢左鸡嘅味 豉油系好稠好黑嘅印尼豉油 但系又唔会好浓味 反而引出左D鸡味 去骨做得好好 每一旧鸡都几大块 鸡肉结实啖啖肉 最重要系佢竟然鸡翼都去埋骨 好细心 油饭味道偏淡 少少黄姜味 但可以一试
—
串烧沙爹配泰式炒饭($69) 串烧系猪牛鸡各一串 猪肉爽口弹牙 口感好特别 牛肉唔会好柴 鸡肉最好食 味道少少甜 好入味 整体嚟讲火候啱啱好 个沙爹酱偏甜 但系有几浓花生味 泰式炒饭好惹味
有D豆角粒 口感几丰富 值得一试
—
泰式青咖哩软壳蟹配法包 ($96)有个酒精炉座住 保证食时够热 咖哩耶奶同香茅味浓 整体较水 但好惹味 入面有茄子同豆角 但系好入味 吸晒啲咖哩汁 而且煲到淋晒 D菜令到个咖哩好鲜甜 法包外脆内软 配埋咖哩食简直一流 吸晒啲咖哩入去 差啲饮晒啲青咖哩 软壳蟹份量唔系好细 但系炸得好干身而且一啲都唔油 调味亦都啱啱好 真心推介❗️❗️❤️
—
猪肉生菜包 ($68)小编食亲泰国菜都必点 猪肉有好多香料仲有洋䓤同红葱头 好足料 味道偏酸 系小编钟意嘅味道 份量唔算多 一共有5片生菜 反而每一啖都可以包多D猪肉 足料推介❗️
—
香芒糯米饭 ($55)有紫米同白糯米两种 紫米较浓味 有米香 白糯米就淡味少少 感觉温和啲 糯米整体热辣辣 chewy有咬口 而且粒粒分明 第一次芒果糯米饭有咁甜嘅芒果 新鲜而且甜 差啲想叫多份
—
价钱：
味道：
抵食：
环境：
. ——
地点：Cambo ขุนทอง (The ONE) (尖沙咀)
地址：尖沙咀弥敦道100号The ONE 4楼L403舖
营业时间：11:45-23:30
—
#泰国菜 #文青 #香港 #00s尖沙咀 #尖沙咀美食
#likes #like #follow #likeforlikes #instagood #instagram #followme #likeforlike #likeforfollow #followforfollowback #f #followers #followback #photography #followforfollow #comment #picoftheday

今日系尖沙嘴想食泰国菜，就同朋友黎左呢间位于尖沙嘴the one嘅泰式餐厅试下啦。
.
泰式青咖喱牛腩锅（$69）
呢度嘅青咖喱味道够晒香同浓郁，而且牛腩口感一流。
.
泰式炒贵刁（$69）
炒贵刁味道酸酸甜甜，另有一番风味，跟餐仲有一碗汤添。
.
泰式炒通菜（$62）
炒通菜味道有少少辣，不过依然好香。
.
泰式炸虾饼（$68）
虾饼一向我都好钟意❤️，而且点埋泰式辣酱更加美味。
.
焦糖炖蛋（$36）（买一送一）
最后当然要叹番个甜品，呢度嘅焦糖炖蛋仲有买一送一优惠，甜得黎又唔会腻，非常满足。
.
青柠梳打（跟餐+$8）
.
椰汁红豆冰（跟餐+$8）

呢一间系其中一间几钟意食嘅泰国菜，价钱唔贵，而且质素保持得到。食物味道唔错，午市仲有套餐，经济实惠。

▶️生虾刺身
新鲜大只又爽口！点埋辣酱，正！

另外再叫午市套餐
▶️串烧沙嗲配泰式炒饭
沙嗲全串烧有猪、牛、鸡各一串，烧得够惹味，仲有沙嗲酱。泰式炒饭热辣辣，而且食落辣辣地有虾酱味好香。

▶️泰式猪颈肉湿炒河
真系有泰式风味，猪颈肉够爽口。湿炒河味道够，而且仲有好多菜。

▶️珍多冰及咸柠七

▶️泰式芒果糯米饭
有黑糯米及糯米饭，两款都好食芒果都几甜～

Cambo ขุนทอง - 特色泰国菜

行开尖沙咀The One的朋友应该听过这间泰国餐厅，因为每当经过时也大排长龙，餐厅主打地道泰菜，而且价钱合理，今日终于等到位一试了。

菠萝焗饭
原个新鲜菠萝的焗饭，大大只爽口大虾、香甜肉松和果甜菠萝粒。

香茅烤猪颈肉
烤至脆边的猪颈肉，香茅味重，肉质软腍，配上泰式酱汁，酸酸甜甜。

Lunch时段嚟到尖沙咀揾食，今次去到the one四楼嘅cambo食泰国嘢。间野应该都算受欢迎，平日午餐时段嚟到门口都要排左一阵队先有位。

见呢度Menu嘅主打系泰式猪手猪髀饭同泰式去骨海南鸡饭，就同朋友两个人食，每个人嘅主餐分别买咗呢两样，海南鸡饭可以拣油饭或者白饭，个人想食冇咁油所以都系拣返普通白饭。

首先系泰式猪手猪髀饭，上碟时都几有惊喜，系成个细煲咁上，就咁望落嘅份量都算几多，亦唔会太多骨而无肉，煲底就以伴菜垫底，食落都算几入味；海南鸡饭方面，全碟都系以去咗骨嘅形式上碟，虽然系去咗骨，但系份量算OK，都算有鸡翼同埋鸡髀肉，食落鸡肉算系嫩滑，美中不足嘅系觉得鸡皮有点略厚，如在薄一点就更理想。

另外仲叫咗牛、猪，鸡串烧同埋香茅烤猪颈肉，串烧烧得几唔错， 啲肉唔会烧到干晒，食落几juicy，配埋个沙嗲酱都十分美味；而猪颈肉都做得十分香口，同个泰式辣将相当搭配。

嘢饮方面就不过不失，叫咗冻柠茶同青柠梳打，当中嘅梳打水望落系用咗当地嘅梳打水，美观得来又增添左一啲泰式风情。

以呢间餐厅既价钱以全港黎讲唔算特别平，但同尖沙咀同区比较，仲要位于商场入面黎讲就算系平民，环境同食物质素都算唔错。