早几日约个朋友系尖沙咀The One食lunch
点知去到个fd要开会 无得出黎食lunch
收左做一个人的午餐

心情唔好 要对自己好d

去骨凤爪沙律
我好钟意食鸡脚
无骨好方便
不过几spicy要系咁饮椰青
格外清甜

烧大眼鸡
啖啖肉
配个汁几好食
清哂成条
表皮浓d都无问题 无影响内肉
意外

香芒檽米饭
My favourite as always

好耐无食泰国菜，想食d抵食而质素又有保证既，不如就黎The ONE既泰越Fusion Cambo啦，上次黎过好正啊！

Cambo Set 午餐照旧抵食，好似同上次黎一样。价位由$62到$85不等，另收加一，配柠檬茶，奶茶，咖啡。款式选择唔少，有饭有河粉有汤粉，咖喱串烧海南鸡等等。冻咖啡另加$5，特饮另加$8。

饮品选择可不少。

我地每人叫左一份午餐，再加两份泰式烧烤分享。

串烧鸡牛猪半打 $89+10%

上次食左Cambo Set既串烧，包三串鸡牛猪，泰式炒饭同野饮卖$69，但系主餐牌半打只卖$89，今次决定转战主餐牌。六大串串烧，啖啖肉同热辣辣。鸡肉去左皮，猪肉皮脆肉香，牛肉大大旧。三款肉都有炭火香同蜜糖味，沾d甜甜地既沙嗲酱仲正。沙嗲酱食唔哂，仲可以同下底既梛菜丝同食。

香茅烤猪颈肉 $76+10%

我地两个食肉兽仲想食多d肉，所以叫多份泰式烧烤既香茅烤猪颈肉。有九块猪颈肉，全部都系㶶边，外脆内嫩。外皮黑椒味好重，入面食落唔觉肥，沾甜酸酱食好味。下面垫底既梛菜丝都好新鲜，位量亦多，仲有萝卜丝同青瓜两块。

泰式猪颈肉湿炒河连餐汤 $69+10%

第一次试呢个Cambo Set，份量几多。猪颈肉有六块仔左右，超淋，食落唔肥。蔬菜粮足，有芥兰，菜心，椰菜，草菇，黄豆，红萝卜，非常健康。河粉炒得算系咁，都唔算油。炒河汁唔油又唔咸。总括黎讲，几唔错。

泰式炒贵刁连餐汤 $69+10%

呢个都系Cambo Set之一。上次食过实在太正，唔可以唔encore。炒贵刁份量大大碟，贵刁粉好幼身又滑，配料有三只虾，好多韭菜，芽菜，蛋丝，樱花虾仔，仲有花生碎同青柠放碟边任你自己加。重点系个酱超好味，甜得黎又唔过份，捞埋d粉食湿湿地酸酸甜甜咁，好好味！味道好再加埋唔同材料带黎嘅唔同口感，好味!

餐汤系简单既冬瓜清汤，清清地，有一旧冬瓜同好香既新鲜香莤，饮落几健康，饮完好暖胃。

梛汁绿豆冰 +$8+10% 梛汁红豆冰 +$8+10%

次次都会叫椰汁红豆冰同梛汁绿豆冰，因为跟餐只需加$8，超抵，饮完好似食完糖水。我个杯椰汁红豆冰梛奶香滑唔腻不过甜，底下红豆粒粒分明，好解渴。

今次有得坐窗口位，有阳光晒住冬日暖笠笠。整体而言，座位舒适，餐厅光猛，服务正常，位置就脚，特别系食物抵食，实有下次。

放假周围食系列
趁住放假， 选了中午比较人少的时段， 到了喜欢的the one商场， 选择喜欢的泰国菜。 没有堂食晚膳的日子， 只好把握机会在午膳时间 尽情地放纵 。

去骨海南鸡饭
幸运之神的眷顾， 可以吃到鸡髀位，鸡肉嫩嫩的，配搭海南鸡饭辣汁， 非常惹味。 油饭烟烟靭靭够晒咸香。

泰式鲜虾炒金边粉
泰式金边粉 够晒镬气， 金边粉质地烟韧吸收了酱汁， 加埋青柠同埋花生碎， 清新又美味。

泰式明炉大蚬锅
大蚬数量颇多， 肉质鲜甜美味， 配上大量泰式香料， 酸酸辣辣 ，粉丝吸收咗汤汁精华， 又爽口又够辣。

弹牙炸虾饼
炸虾饼都几抵食六十几蚊已经有四件， 外层金黄酥脆， 虾肉弹牙鲜甜。

龙眼冰
菠萝冰
当然 每次都要饮最钟意嘅 泰式冰冰， 滋润解渴， 减低油离感。

之前已经同朋友食过一次
咁岩行街经过要食野，大家都想食泰越菜就入左去

今次好多人食，饿饿既我地，快快点餐就食

泰式青咖喱软壳蟹配法包
软壳蟹爱好者，见到点会放过，佢就算放耐左都唔会油，而且有肉食。个底仲有啲薯仔，我觉得可以再林啲，青咖喱我以为佢系会唔水，但原来内有乾坤，点过法包嘅时候，呢个水度系可以令到个法包好入味，水都做到咁入味都几正

菠萝海鲜焗饭
已经好耐冇食过呢个饭，成日同朋友讲笑女仔要食多啲菠萝，味道唔错，肉松绝对系精华

柚子茶唔知系咪太好卖，我哋想要第二杯嘅时候已经冇晒，我唯有叫普洱茶，系呢间餐厅有普洱茶我觉得好得意，又啱晒去油，然后最后觉得唔太够，叫多咗个菜

椰菜苗
虽然个样俾我哋想像中有出入，但个味道系唔错，我哋都成碟食晒

#泰越 #软壳蟹 #青咖喱 #菠萝焗饭 #influencers #blogger #tst #theone

喺尖沙咀行完街跟住去Cambo食番set泰式下午茶
每次嚟呢度都一定要点番半打✨沙嗲牛、猪串烧✨，烧得肉香又够腍，个沙爹酱仲好好味添

✨香茅烤猪颈肉✨爽脆口感醃得味道极之好，惹味焦香配埋自家制酸辣蘸汁，风味一绝

仲有冬荫大虾汤粉都系必点美食，最佢嘅汤底，味道系非常非常浓郁嘅蕃茄味冬荫 ♨️