一向知道鲗鱼涌多餐厅,现在晚市没有堂食,非常合适我周围渣车四处找一些隐世美食,今晚在海湾街见到这间Flames,是吃美国菜,决定跟朋友买完回家吃.

外卖餐单有炸鸡套餐,还有主餐牌食物,有烤鸡,意粉,牛扒,薯条,沙律,炸物等…..通通都是我最爱,价钱也很合理.

我们点了半只炭烧香草鸡酿面包糠$118,鸡肉卡邦尼意粉$88,黑松露薯条$48,春卷$48.

炭烧香草鸡酿面包糠 - 鸡肉嫩滑香口，即使是鸡胸位置，亦不粗糙，鸡表面外皮的脆口感, 提升整体食物美味,配上鸡酱增加味道升华.

鸡肉卡邦尼意粉 - 忌廉奶味香浓而不腻，配合酱汁，将意粉整体味道及香气提升.

黑松露薯条 -松露的浓郁香气和味道让人忍不住一口接一口.

春卷 – 香脆,材料十足,回到家还是热哄哄.

虽然疫情关系，但圣诞节都系有啲想食火鸡，不过又嫌佢大只又食唔晒，所以嚟咗呢间海湾街Flame买外卖烧鸡。
佢哋出名系炭烧鸡，叫咗佢哋嘅招牌葡式香辣蝴蝶鸡同炭烧香草鸡各半只，个鸡打开盒已经闻到香喷喷，非常之新鲜，热辣辣。每件鸡块都有肉汁又滑，连鸡胸肉都唔会太乾，鸡皮好薄烧得好靓又入味，香辣蝴蝶鸡睇落有啲辣，但其实入口几香口唔算辣。盒里面仲有一个香辣酱，橙橙地色其实都唔系好辣，好滑口有乳酪的味道。另外的香草鸡酿面包糠比较香口，似平时食嘅烧鸡，多了一点香草青香，同埋佢会另配一盒肉汁，点埋个肉汁就更滑及带起鸡味。跟餐嘅有沙律，沙律菜几新鲜，汁都系分开，自己可以调味，多少悉随尊便，钟意里面有几片南瓜几特别。另外炸薯条非常香口，新鲜连皮炸有薯仔味，因外卖关系，薯条上面铺上一张厕纸防止倒汗水，十分之细心。另外点了一个鸡肉卡邦尼意粉，个汁好creamy，有芝士嘅香，意粉煮得都唔错，小朋友最钟意。见到其他顾客订左佢一个外卖餐，而家$198有一只鸡同埋饭，薯条同沙律，好抵食！绝对系嚟紧喺屋企庆祝外卖嘅首选！

在鲗渔涌上班，同事突然吹鸡，话放工去吃个 quick dinner, drink 1 drink, 消除一下工作和抗疫疲劳｡｡｡ 好吧，甘盛意拳拳, 就行去附近的海湾街，我较爱地道又亲民的食肆, 所以拦番以前帮衬过的 Flames...

忌帘蕃茄汁虾球意粉: 好钟意它的酱汁，好惹味又多汁,，吃意粉绝对不能少汁的! 虾球好弹牙，处理得很好，腌得相当入味，有水准，与之前吃过的味道是一样喔!

炭烧香草鸡 + 炸薯条: 招牌主打菜式，闻到阵阵炭烧和香草味，鸡鸡肉质嫩口，我最钟意层脆皮，和咬d嫩鸡骨，所以我常和家中宝贝小狗争吃，呵呵! 薯条都炸得出色，伴酒恩物，当之无愧!

仲见到好多年青人外卖回家叹，各有所好，坐低吃又得，做足防疫措施就不用担心啦!

Devil Chicken Wings 魔鬼鸡翼: 是用米糠包住炸的，和一般韩国炸鸡是不同口味和风味的! 好好味! 尤其是趁热辣辣的时候吃，配上果香萄葡酒，嗒上一杯，真系乜忧愁都尽消! 为咗迎合小朋友，个酱汁只是微辣, 我这大朋友好希望能 devil 多一点啊

鸡肉凯撒沙律: 一大碟，鸡肉和生菜份量相当足够, 看得出食材新鲜, 大口咬减低吃肉的油腻感! 洒上大量芝士粉，咸咸地配合清清地的菜和鸡，perfect match

朋友介绍Flames的烧鸡很好吃， 星期六下午专程揸车去试下他们经常说好味的烧鸡。 位于鲗鱼涌海湾街25号海湾大厦地下A2号舖， 店舖开放式设计， 这个天气最适合坐在室外， 享受下清新的空气。😁 为烧鸡而来当然要点一款来试下～炭烧葡式香辣蝴蝶鸡$118， 另外再点了以下的～炸鱼柳薯条$138、 鸡肉卡邦尼意粉$88、 橙汁$28、冻柠檬茶$28、Perrier $35。🤤

⭕炭烧葡式香辣蝴蝶鸡配沙律～ 烧得香喷喷，嫩滑多汁，皮脆可口🤤， 再蘸上 Peri-Peri 酱， 微辣带点惹味。 沙律份量刚刚好， 新鲜清甜。

⭕炸鱼柳薯条～酥脆的炸鱼配香口的薯条， 炸鱼有两大块😍， 外脆肉嫩， 怎能抗拒呢？

⭕鸡肉卡邦尼意粉🍝～ 散发阵阵芝士般的香味， 卡邦尼酱汁幼滑， 配上烟肉和蘑菇， 口感更丰富。

⭕橙汁～ 其实食炸鱼薯条最好就系饮啤酒， 可惜揸车的关系， 都系饮橙汁， 甜甜地又够fresh我都几钟意。😉

⭕冻柠檬茶～ 冻柠茶可以去腻， 甜度适中。🔸🔸

⭕Perrier～ 最喜欢Perrier， 大大的一啖特别解渴。🔹🔹

朋友果然冇介绍错，Flames 的烧鸡和炸鱼薯条都好吃， 一边听住餐厅播放的音乐， 一边享受美食，好chill呀，不枉我专程来到这里。🥰

Flames (海湾街)
地址: 鲗鱼涌海湾街25号海湾大厦地下A2号舖

如果不是居住在港岛东，相信很多人十年都未必会涉足鲗鱼涌，更遑论来这区揾食。不过最近因为糖厂街市集回归，所以星期一至五真系多咗唔少人流。

趁今日假期，市集休息，加上天气又咁凉快，一于嚟呢间设有大量户外座位嘅「Flames」食烤鸡。

其实呢间餐厅喺区内都开咗好多年，口碑一向唔错。店子位于海湾街的一条小巷内，座位自成一角，坐在太阳伞下，吹吹风，呼吸下新鲜空气，真系好爽。

餐厅主打澳洲烧鸡，一场嚟到，当然唔可以错过。店里的烤鸡分为两类，分别为香草式同葡式，两样都想试，一于每款点 1/4 只，再加炸鱼薯条、苹果沙律同饮品。每客烧鸡都可以拣配饭、沙律或薯条。

Mixed Herbs Chicken ($85) 以香草形式来烹调，再混合面包糠和烧汁一齐烤，上桌时香喷喷，鸡肉又嫩又滑，入口充满迷迭香嘅香味，配合自家调校的酱汁吃，层次倍添。伴吃的红饭，味道亦唔错，带阵阵番茄香。

至于另一款葡式香辣蝴蝶鸡 ($85)，食味亦不俗，鸡只先以柠檬、蒜、姜、辣椒、橄榄油、海盐等香料及葡萄牙 Peri Peri 酱汁醃过，再放入烤炉烧制，入口皮香肉厚，既惹味又 Juicy，而且就算放凉了才吃也不会干争争。伴吃的沙律用料很丰富， 有南瓜、芝士、松子仁、车厘茄、沙律菜等。

炸鱼柳薯条 ($138)：鱼柳共有 2 大块，分量十足，外皮炸得超脆口，鱼肉结实不散，咬下啖啖肉，沾他他酱吃，香口油润，Yummy！薯条水准亦唔错，入口金黄香脆，甚滋味，加上薯肉又够饱满，颇有传统英式炸鱼薯条的风格。

食完咁多炸物，梗系要食番个沙律清清肠胃，呢客西兰花苹果沙律 ($88) 用料亦绝不欺场，垫底有唔少鲜甜清爽嘅西兰花同切条苹果，配埋餐厅自家调制的油醋汁吃，饱肚兼醒胃。

至于饮品方面，除了基本嘅果汁、汽水、柠茶、奶茶……之外，餐厅仲有啤酒及红、白酒等供应，选择都几丰富。