Flames

10oz肉眼扒配薯条168
肉眼用咗谷字肉眼，味道重，但系当然都唔会咁林身，要少少牙力/切得细旧啲。薯条沈上大量烧烤粉，每一条都非常之香脆，唔好睇小10安士牛肉，当你食晒之后你会发觉系无比地饱

吉列鱼柳汉堡配薯条128
包面包底都有牛油烘底，生菜蕃茄非常新鲜，蕃茄香甜多汁。吉列鱼柳超大块，个size同10安士牛有得比。调味亦都相当充足，建议一定要同包一齐食。

忌廉蕃茄汁虾球意粉98
意粉弹牙，虾球都新鲜，绝对冇雪藏味之余，肉质亦都好弹牙。酱汁非常充沛，亦都会食到少少蒜蓉粒，口感有层次

coffee orange juice

而家疫情紧张大家皆要做足预防措施，食肆 晚上六时禁堂食和要限制二人一台；所以选择环境都要注意卫生外，还要空气流通。今日我和另一半都很渴望可以堂食，故特别提早下午五时食晚餐，老公更拣选左一间有露天座位的餐厅。因时间都颇急所要就拿拿声落单。
火箭菜苹果沙律 $88
火箭菜非常新鲜而且份量很多，苹果切成幼条果肉雪白冇铁锈色；加上沙律醋零舍醒胃。
蒜香虾球 $78
虾球用牛油蒜蓉爆香非常惹味，肉质亦很弹牙；份量十足。
春卷 $48
皮薄馅靓又炸得松脆是做春卷必要条件，吃时沾上甜酸辣酱更能提升食欲。
炭烧葡式香辣蝴蝶鸡  Qtr$98
鸡烧得有D焦脆非常香口，香草味浓；虽然有少少干身但咬落唔鞋口，点上酱汁味道都很夹。配上热辣辣薯条外脆内软，好好食。
Chrysanthemun Tea $30
Ginger Ale $30

鲗鱼涌地铁对面马路，又是有很多食肆林立，偏偏这间在巷仔里，却有很多人吃～

10安士肉眼扒配薯条～肉眼扒很大的一块，点了7成熟，真的拿捏得很准确生熟刚刚好，牛肉冧软的～

炸鱼柳薯条～炸鱼有3大件，脆酱不厚，吃起来不觉得油腻及漏，舒服的～鱼肉也有厚度，吃起来还带一点点水份感；而薯条方面份量也很足，薯条本身没作调味，可直接点茄汁及沙律酱吃～

脆香炸鸡～炸鸡是醃了的，带微微柠檬酸的味道，炸鸡件是有皮的那种，炸得很脆～另配炸鸡的酱汁是辣汁，很像墨西哥味的那种，微辣，但入口后立刻不辣，很得意～

橙汁～有果肉的，但不是即榨那种，味道都不错的～

一向知道鲗鱼涌多餐厅,现在晚市没有堂食,非常合适我周围渣车四处找一些隐世美食,今晚在海湾街见到这间Flames,是吃美国菜,决定跟朋友买完回家吃.

外卖餐单有炸鸡套餐,还有主餐牌食物,有烤鸡,意粉,牛扒,薯条,沙律,炸物等…..通通都是我最爱,价钱也很合理.

我们点了半只炭烧香草鸡酿面包糠$118,鸡肉卡邦尼意粉$88,黑松露薯条$48,春卷$48.

炭烧香草鸡酿面包糠 - 鸡肉嫩滑香口，即使是鸡胸位置，亦不粗糙，鸡表面外皮的脆口感, 提升整体食物美味,配上鸡酱增加味道升华.

鸡肉卡邦尼意粉 - 忌廉奶味香浓而不腻，配合酱汁，将意粉整体味道及香气提升.

黑松露薯条 -松露的浓郁香气和味道让人忍不住一口接一口.

春卷 – 香脆,材料十足,回到家还是热哄哄.

虽然疫情关系，但圣诞节都系有啲想食火鸡，不过又嫌佢大只又食唔晒，所以嚟咗呢间海湾街Flame买外卖烧鸡。
佢哋出名系炭烧鸡，叫咗佢哋嘅招牌葡式香辣蝴蝶鸡同炭烧香草鸡各半只，个鸡打开盒已经闻到香喷喷，非常之新鲜，热辣辣。每件鸡块都有肉汁又滑，连鸡胸肉都唔会太乾，鸡皮好薄烧得好靓又入味，香辣蝴蝶鸡睇落有啲辣，但其实入口几香口唔算辣。盒里面仲有一个香辣酱，橙橙地色其实都唔系好辣，好滑口有乳酪的味道。另外的香草鸡酿面包糠比较香口，似平时食嘅烧鸡，多了一点香草青香，同埋佢会另配一盒肉汁，点埋个肉汁就更滑及带起鸡味。跟餐嘅有沙律，沙律菜几新鲜，汁都系分开，自己可以调味，多少悉随尊便，钟意里面有几片南瓜几特别。另外炸薯条非常香口，新鲜连皮炸有薯仔味，因外卖关系，薯条上面铺上一张厕纸防止倒汗水，十分之细心。另外点了一个鸡肉卡邦尼意粉，个汁好creamy，有芝士嘅香，意粉煮得都唔错，小朋友最钟意。见到其他顾客订左佢一个外卖餐，而家$198有一只鸡同埋饭，薯条同沙律，好抵食！绝对系嚟紧喺屋企庆祝外卖嘅首选！