我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“高质素刺身🥰”
鮨真的点评

鮨真
预订桌位
香港排名第1,117 (共15,289家美食)
周围地区: 尖沙咀
餐厅详细资料
周围地区: 尖沙咀
2020年4月5日点评 通过移动设备发表

来过尖沙咀亚士厘道17-19号大厦几次,有吃过串烧、铁板烧,没想到这里藏了很多餐厅日本之旅由原定二月改期到八月,现在看来旅程应该还得延后或取消只好来找间日式餐厅吃个刺身一解愁绪。

▪️鮨真鱼生饭定食
一上桌,看到这份量就已吓到净吃刺身都已饱了,吃不下底层的饭。

平日在香港最常吃到的鱼肉刺身是三文鱼、呑拿鱼,但这款鱼生饭竟集齐了8款不同鱼肉刺身款式可媲美Omakase! 味道及口感各有不同,有淡有浓、有薄有厚,明显吃得岀分别!重点是鱼肉弹牙不会霉、鲜甜、没有鱼腥味(上次去别家吃Omakase,吃完分不到鱼肉有何分别,又满口鱼腥味‍♀️)!

另外还有带子、虾、蟹柳、海胆及三文鱼籽!全部都新鲜鲜甜我最欣赏三文籽,因为比一般更大更鲜甜!

Lunchtime 免费送梅酒酸酸甜甜非常适合我!

吃完这鱼生饭就对这里刺身充满信心下次再来尝尝Omakase☺️ 

感谢 desertfoodiehk
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
撰写点评点评 (37)
旅行者评分
旅行者类型
时节
语言
  • 更多语言

6 - 10 条点评,共 37 条

2020年3月27日点评

可能系我水瓶座既性格啦,自细就抱住彿系人生观
去看待自己既未来,一直都相信只要缘份到了,
应有既就自然有,无既亦无需要强求。对于食野
我都系咁谂,唔好去谂几时要减肥,想食就食,
肚饿就食,唔好为难自己,缘份到了,自然就会
瘦咖啦。所以我今晚黎到尖沙咀日式居酒屋「鮨真」,
享受住270度维港夜景,系呢个气氛底下,
就算自己一个食,都无咁毒呀!
-
鮨真 · おまかせ · (樱) - $1480/Person
♦先付け -
▪ 粒贝BB · 鳗鱼苗 · 日本车海老 -
▫ 先黎个前菜拼盘,粒贝寄居系个贝壳里面,
可能细细粒好Cute,所以叫佢BB啦。食落好鲜甜,
口感结实爽脆,清新舒服;鳗鱼苗表面晶莹剔透,
好似水晶粉咁,入口够滑溜,口感Q弹,雪一声
就吞左落肚,几得意;车海老其实系熟虾,肉质够厚,
食落爽弹好重虾味,配埋蛋黄醋一齐食特别夹。
-
♦刺し身 · 8点 -
▪ 针鱼 -
▪ 蜜柑鲷 -
▫ 再黎就系8款刺身陆续上,Omakase既最大卖点
就系师傅会因应你既进度已逐件上,可以比你慢慢
享用之余,又可以保持新鲜既品质。一开波当然系
白身鱼行先啦,针鱼就最岩啦,师傅系面头加左
少少梅酱,中间放左少少紫苏叶,入口非常清新,
唔洗点酱油已经好够味,唔错;蜜柑鲷同普通既
鲷鱼有少少分别,师傅放左海胆系里面,而食落
非常新鲜,而且有淡香既蜜柑味。面头渗左少少
岩盐,口感好特别,呢个有惊喜!
-
▪ 鰤鱼 -
▪ 䲠鱼 -
▫ 一边目睹师傅将新鲜既鰤鱼慢慢切件,呢个就系
Omakase其中一个卖点。鰤鱼亦姐系油甘鱼,肉质
粉嫩带光泽,忽感肥厚软腍,口感非常柔软,甘香
之中带好重既油香;䲠鱼亦都系第一次食,师傅将
鱼皮先用明火轻轻烧过,闻到阵阵既焦香味,
面头放上柚子胡椒,将个鲜味迫哂出黎,
入口浓郁鲜甜,无得输!
-
▪ 鲣鱼 -
▪ 银鳕鱼 -
▫ 鲣鱼主张以外表干爽为主,鱼味浓郁为见称,
就咁睇佢既肉质深红色,好抢眼。师傅系面头摆左
d紫苏叶丝、蒜蓉、芝麻,再用酱油搽系面,
食落果种甘香系口腔里面瞬间爆发,鱼味突出;
银鳕鱼都系着重以烧一烧外皮,再系面头洒上
乌鱼籽粉,再轻轻搽少少酱油。而肉质食落
肥美无筋,油香相当丰富,入口系即化,
可想而知佢既肉系有几滑溜啦!
-
▪ 大拖罗 -
▪ 酱油烧带子 -
▫ 轮到最后浓味既出场啦,又点少得我最爱既
大拖罗呢!肉质厚身唔在讲,色泽相当新鲜粉嫩,
一食落油脂涌哂出黎,鱼香真系可以绕梁三日,
大满足呀;带子搽上酱油烧过,离远都闻到香,
师傅千叮万嘱一定要包埋个紫菜一食,个口感先
Fit哂。紫菜够干身薄脆,成旧啪入口,食到带子既
鲜味同浓浓酱油,够哂惹味。
-
♦和食 · 二点 -
▪ 松皮烧马头鱼 -
▫ 刺身过后,整返两道和食调剂一下先,第一道
马头鱼,可见鱼鳞外皮炸到出奇地脆身,一咬落去
已经听到响亮既"索索声",非同小可,。汤汁经过
鱼汤熬制,份外清甜,肉质吸收汤底之后食落
份外鲜嫩,真系无可挑剔!
-
▪ 鲍鱼 · 西椒 · 茄子 · 卢荀天妇罗 -
▫ 轮到天妇罗四食,最瞩目既当然系原只鲍鱼啦,
经过油炸食落鲜味仲系返到。炸到金黄香脆唔在讲,
非常爽口弹牙。加埋卢荀清甜,外面炸得干身,
但里面仲食到好水润,认真唔错。
-
♦寿司 · 6贯 -
▪ 海胆
▪ 白虾仔 (姜蓉)
▪ 深海池鱼
▫ 食完和食系时侯最后享受师傅既刀功啦,
不过今次贪得意叫左师傅特登帮我一次过上哂,
平时Omakase正式应该系逐件上咖。先黎个鲜橙色既
海胆,一入口鲜味浓郁,质感软滑,咁Creamy既
口感已经要大赞;再黎透光既白虾仔,面头放左
少少姜蓉,口感绵密弹牙,甜味相当突出;
深海池鱼就当然唔会输啦,肉质爽滑弹润,
比池鱼更加清甜!
-
▪ 赤贝
▪ 左口鱼边
▪ 吞拿鱼面珠墩 (wasabi茎)
▫ 赤贝肉质肥美,色泽带红润,食落鲜甜爽口,
贝壳类黎讲我比较钟意赤贝;左口鱼边当然用黎
火炙啦,轻轻烧过油份更加丰富,用左蒜酱油渍、
葱花、芝麻,唔洗点鼓油已经够哂入味,齿颊留香;
吞拿鱼面珠墩都系第一次试呀,呢间Omakase
用既刺身都系因应季节性,食到好多特别既部位。
原来面珠墩肉系好有咬口,就咁睇以为系食紧
和牛刺身,鱼油味相当香浓,但唔会好腻,好有特色。
-
♦稻庭うどん/吸物 -
▪ 大蚬味噌汤 -
▫ 用左大大只蚬做主角,相当吸引,味道浓厚之余,
蚬肉肥美鲜甜,配上嫩滑既昆布,啖啖滋味唔洗讲野!
-
♦水菓子 -
▪ 熊本士多啤梨 -
▪ 富良野蜜瓜 -
▫ 深红色既熊本出产既士多啤梨软硬适中,比较圆身,
食落果肉札实,特别鲜甜;近年人气急升既富良野
蜜瓜亦系水果既代表作,瓜肉色泽似金黄,
甜度适中,嫩滑多汁,无得输。
-
♦デザート -
▪ 豆腐雪糕 -
▫ 最后食埋个甜品就完满结束今次既Omakase之旅,
豆腐味既雪糕香浓得黎又唔会太"漏",可以一解
食左咁多刺身既油腻感,唔错。
-
鮨真 - Sushi Ma Japanese Restaurant
尖沙咀亚士厘道17-19号20楼

感谢 lankiman6330
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2020年1月19日点评

鮨真
尖沙咀亚士厘道17-19号20楼

见朋友食omakase好开心,所以我都忍唔住又要食返餐omakase。今次揾咗尖沙咀嘅鮨真。店内环境舒适,omakase嘅位置仲可以饱览维港景色。今晚食嘅系おまかせ(樱) ,当中包括前菜、刺身8款、寿司6件、和食2款、稻庭乌冬、水果以及甜品。

前菜:土佐啫喱,松叶蟹肉、水母、三文鱼籽、青瓜配胡麻酱。先食土佐啫喱,再将胡麻酱,松叶蟹肉、水母、三文鱼籽等拌匀。蟹肉,水母等都系一啲清新嘅食材,味道唔会太浓列。依个前菜非常清新开胃。

食完前菜,师傅先嚟主理刺身8款。今日嘅刺身有右口鱼、银鳕鱼、䲠鱼、鰤鱼、康鱼肝、鲣鱼、沙甸鱼同埋大拖罗。

右口鱼:鱼身薄片透光、鱼点酸汁,酸汁提升鲜味。鱼边点山葵、右口鱼边肥美脆口,山葵去除咗肥腻感。
银鳕鱼:一边爽口一边嫩口,非常之特别嘅口感。
䲠鱼:师傅加咗柚子胡椒,所以唔使点山葵。鱼肉味好突出。柚子胡椒带一点点辣口嘅感觉。
鰤鱼:依个喺腩位嘅部位,油份较重。可以点多些少山葵。超级油香而不腻,非常好味。
康鱼肝:入口即化,配合昆布豉油汁,鲜味之余唔会好咸。
鲣鱼:加咗酱油同葱花。鱼皮果边火炙过,令鱼皮鱼肉之间油脂香渗出。酱油同葱花同鲣鱼好配合。
沙甸鱼:罐头沙甸鱼食得多,新鲜沙甸鱼就真系好少食。鱼味非常之香。
大拖罗:超肥美嘅大拖罗,入口即溶。中意食日式料理嘅就一定唔可以错过。

食完刺身,店员就为你送上两道和食。
马头鱼松崎烧:皮烧得好脆,外脆内嫩。鮨真生鱼同熟鱼都处理得十分之出色。
酱油烧鳕鱼白子:非常之柔滑丰腴,没半点腥味,入口即溶,非常鲜味。

接住和食过嘅系寿司六件,分别有深海池鱼、
白虾、赤贝、针鱼、海胆同烧左口鱼。寿司点样嘅鲜味就再同大家分享喇,反而值得一提嘅系烧左口鱼。我平时食开omakase,紫菜包寿司嘅通常都系海胆、吞拿鱼蓉。鮨真可以讲喺比较特别。师傅将左口鱼轻轻烧完、再用紫菜包寿司,成件入口,暖暖嘅烧左口鱼,渗出嘅鱼油香味、比起平时食开嘅包海胆、吞拿鱼蓉更加好食。

寿司过后,套餐有稻庭乌冬或面豉汤可以选择。而乌冬亦可拣牛肉或野菜口味。我就拣咗野菜稻庭乌冬,食咗咁多好嘢,食返少少野菜,自我感觉健康啲。

最后上既系时令水果同甜品。今晚食嘅系士多啤梨、赤蜜瓜同开心果雪糕。整个套餐看似好少嘢,但其实非常之丰富,亦都食得好舒服,感受到师傅同店舖嘅精心安排。

感谢 kenku216
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年11月4日点评 通过移动设备发表

星期日约左好朋友食饭,因为我地都喜欢食日本嘢,就决家试下呢间系尖沙咀亚士厘道20楼既Omakase厨师发板餐厅。

一坐低就被餐厅开扬既环境吸引左,对住维港景色,加左好多分。

我地拣左个叫樱既set($1480),有前菜、刺身8点、寿司6贯、和食二点、季节汤、水果、甜品。

前菜: 土佐啫喱配三文鱼子及松叶蟹肉, 配青瓜芝麻酱。土佐啫喱可以先清一清味蕾,水母口感爽口,三文鱼子同蟹肉都好鲜甜,唔腥。

刺身8点: 分左两碟黎, 刺身口感爽口,有海水鲜味。其中特别好味既系秋刀鱼和鲭鱼,会配上日式姜葱豉油,仲有D香草夹在鲭鱼中间,感觉清新惹味!

中:右口鱼
右:太刀鱼
左:章红鱼
右前:右口鱼边

左下:秋刀鱼
右下:鲭鱼
左上:拖罗
右上:牧丹虾

和食二点: 酱油烧带子, 带子大粒厚身,煎到约半生熟,酱油味将带子鲜味带出,刚刚好,夹着紫菜一起吃,好好食!
姬小鲷天妇罗: 天妇罗系外脆内软,炸完仲食到姬小鲷既鲜味。

寿司6贯: 左至右系深海池鱼、白虾、赤贝、姬鱼、海胆、右口鱼边。寿司好食,好大件新鲜,其中右口鱼边用火炙后,令右口鱼边更香,入口即溶。白虾又甜又有非常鲜味。
季节汤:面豉汤加巨型蚬, 蚬肉又大又厚,好鲜甜。
水果: 北海道夕张蜜瓜和香印提子,好甜!
甜品:开心果雪糕,唔会太甜,好好食!

感谢 icesuet
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文
2019年10月26日点评 通过移动设备发表

鮨真不用多说看到鮨字都知道当然食 - 厨师发办。

进店后分左右两边:一边是吧枱可看到厨师的刀工,另一边则是桌面可细看窗外的美景。

餐厅提供iPad 给客人选择所需的食物 - 最后选择了(菊)这款厨师发办。

先来一个沙律,当中含有三文鱼籽、松叶蟹肉、海哲、青瓜丝配以胡麻酱一起进食。
吃很来清新,添上点点的胡麻酱,令味道更丰富,绝对是餐前的醒胃菜式。

刺身来了(8款刺身)
先来5款右口鱼薄切、右口鱼边、油甘鱼、烧太刀、牡丹虾。
右口鱼薄切 - 添了酸汁更开胃;
右口鱼边 - 脂香十足;
油甘鱼 - 入口细滑肥美;
烧太刀 - 鱼味浓郁而香口;
牡丹虾 - 胶质非常,弹性爆棚。

再来3款:鲭鱼、秋刀、扫罗。
先尝2款令身鱼,可点姜葱豉油一起进食:

鲭鱼- 点了姜葱更显其鲜味,鱼味相当浓郁;
秋刀 - 亦点了一点点姜葱,更显其鱼味芳香;

最后当然要慢慢享受扫罗,鱼香爆登,入口即溶而没有半点筋位,油而不腻。

酱油烧带子
以酱油火炙后的带子更显其鲜味,带子超大粒肥美,而且包著紫菜一起吃,口感更显层次。

寿司6件
包著紫菜的当然要先吃,
三文鱼鱼籽寿司 - 鱼籽粒粒饱满,像会爆开一样,味道鲜甜,咸香十足。
海胆寿司 - 质感细腻,入口即溶,非一般的感觉。

左口鱼边寿司 - 火炙后其油香更明显,嫩滑之余,口感弹牙,肥厚多脂。

䲞鱼汤呈奶白色,香气诱人,味道鲜味清甜。

香印提子味道属清甜,吃起来犹如即榨果汁多汁。
赤肉蜜瓜味道香浓,果肉柔软多汁。

柚子雪芭清甜美味,边吃还有柚子的味道扑鼻。

感谢 JaydenCSH
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过鮨真吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2021 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。