首先我想讲，餐厅个名改得非常贴切，食串烧又有酒饮，而且餐厅真系巷仔入边，名副其实系“串酒里”。

札幌芝麻香烧饺子鸡翼+盐烧厚切牛舌
饺子鸡翼嘅外皮烧得好香脆，而入边就夹咗明太子同肉，识落唔会好咸又淡淡肉。 牛舌选料唔错，够晒厚身，食落又好爽口。

黄金蒜蓉烧扇贝
扇贝够晒大只，食落有口感，又好有海水嘅鲜味。上面嘅蒜蓉吸收晒扇贝嘅精华，好易入口又唔会太辣。

汁烧烟肉蠔卷
本来以为烟肉会盖过蠔嘅鲜味，但食落两种味道又好平均，有烟肉嘅咸味又会食到蠔嘅鲜味。

麻吉烧+盐烧日本秋葵
秋葵唔会烧得太干身，但入面又唔会好湿，食落啱啱好。

脆烧日本原条鳗鱼
原条鳗鱼卖相一流，而且肉质鲜嫩又无骨，加上香浓嘅鳗鱼汁，食落口感一流。

第二次黎食呢间小店了，山林道位置方便，外面还有标位泊车！同老公睇「鬼灭」黎食串烧！

札熀芝蔴饺子鸡翼
鸡翼面层焗得脆脆，芝麻够香鸡翼入面酿着明太子蓉，几野味！

金菇牛肉卷
小时候最喜欢叫妈妈煮的一道菜，简单又美咊，牛肉加了野味孜然粉，加分！

烟肉荔枝串
荔枝清甜，烟肉咸香烧得微浓，味道咸威甜甜，口感不错！

蒲烧鳗鱼
甜甜地又脆口，日式蒲烧酱汁满满，鳗鱼烧得皮酥脆，带点鱼油味好野味👍🏻

安格斯牛柳
面层烧得几脆口，入面既肉则腍身，咬落几 juicy，大概有七成熟左右😋

黄金蒜蓉扇贝
蒜茸份量够多同几入味，个人喜欢的口味，带子吸洒蒜蓉既精华，野味！

蒜蓉牛油西兰花
食左咁多肉要食番d疏菜平衡下，西兰花焗得唸身蒜味香浓加埋牛油既香味，好食！

烧脆肉瓜
加了孜然粉更香口，脆肉瓜保持到入面水份唔会太干身，不错！

好耐冇食串烧啦~
今晚约左好友去串酒里，
位于尖沙咀山林道，
好彩预先BOOK定枱，
约左7点到达时已全场满座~

自家制惹味鸡肉串
肉质紧致多汁，富有弹性。

川式脆烧鸡软骨
嚼劲十足，口感佳，外酥内脆，正。

自家制惹味炸鸡
金黄色外皮香酥脆口，
咬落肉质软嫩多汁，
口感同味道都相当丰富。

惹味汁烧猪仔髀
肉质爽滑，烧得软腍入味，
食落啖啖肉，好有口感。

麻吉烧
鱼蛋夹杂烟韧麻糬，
外酥内软，黏软Q弹。

日式芝士焗玉子
布满大量拉丝芝士劲吸晴，
充满蛋香，口感绵密细腻。

豚腩金菇串
肥美柔嫩豚腩夹着爽脆金菇，味道浓惹。

芝士烟肉焗大啡菇
肉质爽滑厚身，菇味香浓，
配以烟肉及拉丝芝士，口感层次一流。

日式汁烧翠玉瓜
颜色脆绿，味道清甜。

脆烧日本原条鳗鱼
烧至外层微香脆，
咬落肉质细嫩幼滑。

黄金鱿鱼
加入咸蛋黄，色泽金黄，
啖啖充满咸香，好惹味。

今日去完南丰纱厂之后，夜晚黎到串酒里食串烧。
川式脆烧鸡软骨卜卜脆，好好咬。
盐烧厚切牛舌唔韧，好惹味。
川式麻辣香烧饺子鸡翼有两只，入面包住明太子同鸡肉，辣度适中。
烧玉子系甜既，面同底都搽左蜜糖黎烧。
自家制惹味鸡肉串有两串，鸡肉好大旧，啖啖肉。
麻吉烧几特别，鱼糕包住年糕，烟烟韧韧。
黄金蒜蓉烧扇贝有三只，劲多蒜，亦好够热。
烟肉荔枝串有两串，估唔到系甘夹架，清甜既荔枝中和左咸既烟肉，美味。
黄金鱿鱼系咸蛋黄味，热辣辣，好邪恶。
蒜蓉牛油焗蔬菜几香牛油味，西兰花份量几多。

呢排好想食串烧 又上网揾左间串烧 收工系尖沙咀方便又就脚 铺头地址系山林道 行阵街就直接过去👍🏻 铺头内唔算大 不过当日落紧雨 如果唔落雨 应该可以坐出露天位置 餐厅气氛有点工业风既装修🛠 可以同朋友一齐吹下水 饮下啤酒🍻

呢间串烧店卖既啤酒主打港产粗口手工啤酒 好有特色 可惜朋友仔唔饮得啤酒 唯有留返下次再黎试🙈

我地叫左自家制惹味鸡肉串、川式脆烧鸡软骨、芥末鸡翼、秘制酱汁香烧猪颈肉、烧玉子、日式烧汁鸡髀菇串、盐烧日本秋葵、日式汁烧杂菜、黄金蒜蓉烧日本广岛蠔、黄金薯条、脆烧日本原条鳗鱼🤤🤤

鸡肉串d肉比较滑身 配上味粉 味道岩岩好👍🏻
鸡软骨佢有好多款式 我地就拣左川式 小小辣好惹味！
芥末鸡翼配上好香既酱汁香香既芥末味 喜欢芥末味既朋友仔 必食💕
烧猪颈肉非常爽口一d都唔韧！
烧玉子面头有一层焦糖包住刚刚烧起咬落去果下d焦糖仲系脆架😍
鸡髀菇有4大旧好抵食又多汁！
烧秋葵我第一次食 估唔到唔会烧到硬梆梆仲保持到秋葵入面既精华👍🏻
烧杂菜串有菠萝、草菇、茄子、青椒几特别😆
烧蠔好好食呀！ 只蠔好大只又多汁仲有劲多蒜铺系面完全遮盖成只蠔😍😍 d蒜烧到好香好脆👍🏻👍🏻
刚刚炸起嘅薯条配上浓浓嘅蛋黄酱炒匀好邪恶但又另人一条接一条咁放落口🤤🤤实在不能抗拒😆😆
烧鳗鱼要趁热食！刚刚烧起既鳗鱼再配上白芝麻又吸精又好食😆😆

下次一定要再黎多次试埋个手工啤酒👏🏻