肉骨皇
📍大坑浣纱街45号浣纱花园地下1号舖
-
难得今日出左黎大坑，当然要试下呢区嘅特色小店，今次黎呢到食下星马菜，叫左杂菜喇沙($88)、槟城炒贵刁($108)

杂菜喇沙：本身想食札肉喇沙，不过咁啱冇晒札肉，唯有改食杂菜喇沙，杂菜方面即系有菇菌类、豆卜、腐皮、薯仔等配料。先黎试饮一啖个汤底，真系好有惊喜🤩喇沙汤底好浓郁椰香味，而且带点微辣，非常开胃😋而杂菜都入晒香浓嘅喇沙味，尤其豆卜系最正，皆因索晒D汤，一食落去就劲香口👍🏻至于面底方面有油面/米粉/掺掺可以选择，今次拣左油面，口感唔错

槟城炒贵刁：睇MENU本身已经有标明系辣，贵刁炒得好香味道够均匀，食落果然够惹味，而且唔会痴埋一堆😁份量都几大碟，配料有腊肠肉同虾肉，唧D青柠汁上去调一调味，食落更加滋味😋

LUNCH TIME食估唔到个份量都咁大碗同大碟，食完都已经饱一饱😆见餐厅个名叫肉骨皇，迟下再有机会过黎大坑，一定要睇下呢到D肉骨茶系咪真系咁正先得😜

同朋友喺铜锣湾度行街，朋友带咗我去大坑揾野食，估唔到呢度有各式各样嘅餐厅 仲见到一间星马餐厅😍突然怀念以前常常饮的肉骨茶味道

肉骨茶汤$38
见佢有几款嘅肉骨菜汤size,点左个肉骨茶汤一细碗😋一小碗嘅份量都好多，成碗系满咖！同朋友share一半每人都有大半碗good,值得一赞嘅系，佢个汤系劲浓郁，好正宗嘅肉骨茶汤味，有种饮完一碗想再来一碗既感觉🤣早知点招牌肉骨茶-细既都有一小煲😍嘻嘻下次再约朋友黎

柚子虾沙律$108
捞匀啲沙律味道好香，泰式辣酱既配搭柚子虾沙律🥗 酸酸甜甜好开胃，虾🦐口感几爽口，不错 👍🏻

咖喱鸡$108 +30面包金枕头
一见到个金枕头咖喱鸡，份量好足👏🏻
金枕头焗到好脆 中间好soft 😋 不过金枕头面包再焗硬少少嘅话会更加perfect,入面鸡肉嘅馅料多😌
两个人食个包都好够

连续放4日假期，于是周围揾好野食，无意中发现，响大坑有间食肉骨茶，好多人介绍，于是去试试😂

餐厅虽然坐落响大坑，但价钱唔贵，招牌既肉骨茶都只系$118，两人份量，只系肉骨茶已经够饱😂

🌟肉骨茶（细）1-2人份量 $118

上菜时，佢用好似火锅既形式上菜，令到肉骨茶，可以长期keep住温度，我响出面既餐厅系未试过👍🏻👍🏻
肉骨茶入面既材料都好丰富，有4大旧猪肉，有猪软骨，猪骨都有，但每一旧都系啖啖肉，而且好入味，再加上佢既调味酱一齐食，成件事系好夹😋😋

仲有几旧油炸鬼，冬菇，金菇，材料十足，最重要系药材味浓，但又唔会盖过肉既味道，做得相当出色👍🏻

🌟 柚子虾沙律 （$108）

虾有6只，只只都好大只，虾肠都整走左，好爽口，弹牙。而沙律同柚子上已经加泰式酱混埋左，个味道岩岩好，柚子唔会太酸，沙律唔会太甜同太辣，好开胃，食完沙律再食主菜，唔觉会食多左😂😂

突然好想饮肉骨茶，男朋友就推荐我嚟咗依间度食(⁎⁍̴̛ᴗ⁍̴̛⁎)
-
🦴招牌肉骨茶(细)｜💰118
1-2人饮岩岩好
👍🏻成个炉咁上，keep住个热度
仲有秘制酱汁同埋油炸鬼
份量好足，好多肉&骨
点埋佢哋嘅甜酱油+蒜，超正
软骨都煲到好容易咬得开，好重药材味
.
豆卜、腐竹、金菇都系一啲索味嘅食材
索哂汤嘅精华超正
杞子味红枣味都好出，饮完落口仲带回甘
-
🐥咖喱鸡｜💰108
+配面包金枕头｜💰30
👍🏻面包好厚，外表好脆，但入面又好松软
一meet个外表就酥脆到跌晒落嚟
但系佢又保持到烟unnn
.
入边有茄子、鸡、豆、薯仔
薯仔过特别香，鸡好嫩滑
咖喱唔系偏甜，偏向东南亚风味，食到个人㷫烚烚
-
都几多特色嘢食，仲有椰浆饭、巴东牛肉、狮蚶等等，我一定会再嚟食个包(⁎⁍̴̛ᴗ⁍̴̛⁎) 位置有啲隐蔽但系真系好值得再嚟食

今日去大坑探朋友，咁啱撞正红雨，虽然有带遮但都半身湿晒🥴
喺冻冰冰嘅时候经过一间肉骨茶店，即刻同男朋友入去叫左份热辣辣嘅肉骨茶同一份无骨海南鸡饭🥰

招牌肉骨茶：一上菜个时我都吓亲，原来呢到既肉骨茶系连火炉一齐上，侍应仲要帮我地monitor住个火去煮熟啲配菜😲
呢度嘅肉骨茶同我哋平时食开嘅唔同，入面唔系净系得肉同汤， 仲有好多豆卜，支竹，金菇同冬菇，个人觉得肉骨茶最重要系汤底，蒜香要够同时药材味唔可以过浓。
试咗啖汤，的确几唔错，而且每种材料都配合得唔错，汤底pass! 👍🏻第二重要当然系旧肉骨，都有唔少旧肉骨，个人觉得旧骨好似因为太多肉，变相好似有少少嚡口，但佢有啲猪软骨位都几出色，唔会有嚡嘅口感，整体都ok，但可以拣啲少啲肉嘅部份去整。
不过其实点咗佢哋比嘅蒜香甜味豉油，啲肉都好好味，送饭唔错！🤗其他配料方面就中规中矩，好索汤底，但略嫌不足嘅就系油炸鬼，好似唔太脆口。🤔

去骨海南鸡饭：

依个套餐包埋油饭同汤，因为我自己有整过去骨海南鸡饭，所以要求都比较高。
首先讲吓鸡先啦，系人都知鸡胸位最易起肉，好多时餐厅都比好多鸡胸位我哋，但依度都几平均，唔同部位都有，而且鸡浸得咁滑有鸡味，三种鸡饭基本汁料都做得几好。
基本上鸡饭几出色，但送既鸡汤略嫌有少少咸。

总结嚟讲依间餐厅系一间中价嘅星马菜馆，而整体味道同食物质素都算对得住个价钱。

P. S. 临走先见到原来星期二至五既lunch set价钱原来系咁抵🤦🏻‍♀️🥺