一班朋友食晚饭最紧要有平靓正同多款式拣

见个价钱唔贵同埋有两个钟可以吹水 咁就去见识下

入到去地方阔落 店员安排左卡位比我地

套餐包括牛🐂猪🐖鸡🐓鱼🐟仲有一啲主食🍲同蔬菜🥬 野饮任饮仲有一啲前菜 例如沙律菜 生菜 泡菜 同埋冻虾 仲有一啲打边炉嘅丸类 一定够晒饱😉

店员摆低咗一盘海鲜拼盘 有鲍鱼带子海虾等等 仲有一盘刺身 同埋安格斯拼盘 全部都好新鲜

安格斯牛肉 同埋牛舌🥩质素几好 无话将价就货 就算叫第二轮都保持到水准 融雪方面刚刚好 冇话出晒水同埋结冰一块块

另外啲鲭鱼 特别好食 只要加上少少盐 就可以整出日本盐烧鲭鱼既味道

记得仲可以用生菜包住啲牛肉解腻🤤我特别推介牛舌同埋牛肋条 仲有牛仔骨 👍🏼

其次 出面有啲甜品 例如柚子蛋糕 泡芙 朱古力布朗尼 同埋豆腐花 仲有门口有个雀巢雪糕柜 入边有香芋 红豆 芒果 云呢拿 朱古力味 食完咸食可以食甜食🧁

最后有杯高级啲既雪糕🍦作结🤤画上完美句号

题外话 最怕食烧肉成身都系烧肉味 但系呢一度通风做得几好食完都唔会话成身都系烧肉味

食食吓仲有口罩送 正好个嘴油淋淋又带返旧𠮶个口罩真系好污糟 正正佢就贴心送上个新既 加晒分👍🏼

我最欣赏系呢一度上菜够快 店员都好主动帮手换上新既牛油纸 同埋两个钟够晒时间食 好适合放工同朋友小聚

服务也很周到。店舖地点有点难找、店很大，坐在边边拿东西要走很远还会走丢菜单除了烤肉还包含了一些海鲜，都很好吃！

今日一收工就去旺角弥敦道593-601号创兴广场4楼    即是德家日式烧肉店 (旺角)食我的晚餐

这个德家日式烧肉店其实是任食任饮的餐厅

进店前    职员会问我食火锅任食？ ？ 还是烧肉任食？ ？ 还是放题任食？ ？ 

其中居我食过几次所知    烧肉任食如果要加强升级牛肉的质素    是要额外收费加强升级牛肉的品种    至于我就无所谓   所以无刻意付费升级牛肉    因为我个人认为反正任食都会食得好饱   而且又有其他海鲜蔬菜可以任食    所以我无加钱升级

另外    提一提火锅任食如果要食刺身    同样要额外付费升级

今次我食烧肉任食    主要食牛肉羊扒等居多    整体都满意    只是觉得店舖抽气和食物选择种类方面如果做得好一点会更好

德家
食肉兽天堂
好耐冇食过烧肉，今次同屋企人试日式烧肉店，地点相当方便，就喺旺角创兴商场4楼。
一入门口，就见到自助餐同埋打边炉一部份嘅食物都可以任取。虽然呢度系食烧肉同放题，不过抽风系统都唔错，食完烧肉都唔会令到你一身都系油烟味。

自助吧台除咗蔬菜之外，仲有冻虾同青口，都算惊喜。
另外仲有点餐纸，可以点算肉类，除咗主打牛肉，仲有羊肉、豚肉、鸡肉。最抵食就系连海鲜都可以任点：虾、青口、多春鱼、帆立贝、墨鱼仔。

烧肉以外都有熟食选择，有乌冬、冷面、海鲜粥任叫呢。绝对可以满足食淀粉质嘅朋友。

既然系烧肉，主打牛肉，牛肉都有九款，有极上牛肋肉、极上一口牛、黑蒜油薄牛舌、不想牛只肉、香草牛肋条……等。咁多款牛肉之中，最啱我哋口味嘅，就系薄牛肉片。博博一片，又容易熟，又容易控制时间。

蔬菜方面，平时食放题一定会点甜薯菠萝，烧肉放题都有得自己烧呢。
平心而论， 200几蚊，款式选择系好多，虽然质素不算顶级，但一定会食得好饱。

餐厅：德家日式烧肉店 (旺角)
地址：旺角弥敦道593-601号创兴广场4楼

旺角作为香港闹市嘅中心，当然有唔少美食可以喺度揾到，今次去到创兴广场觅食，睇吓今次食啲咩先😋！

创兴广场4楼有一间餐厅叫德家日式烧肉店，牛肉盛烧肉半放题任饮任食两个钟先系$258(成人；星期一至四)，呢个价钱究竟包啲咩嘢食？一齐睇下啦😎！

先来嘅系五款特选牛肉，包括五个唔同部位：牛肋肉，一口牛，牛脊肉，牛舌，牛胸腹。牛肉非常新鲜，颜色带鲜红色，上到台时已经非常吸引，牛肉嘅筋同红肉分明，未食就已经流晒口水🤤

牛肋肉同牛舌相对比其他部位较韧，一口牛和牛脊肉有入口即溶嘅感觉，牛胸腹经过醃制，肉味浓郁之余亦因调味料调较出更重的牛鲜味。每一旧牛肉烧至七八成熟时刚好锁紧肉汁，放入口的牛肉随即在口中爆发，令整个口腔都充满住鲜牛肉嘅精华🥩令人食完一旧之后就忍唔住食第二旧，不过食得多都会腻，所以都要食下其他食物🙈

除咗牛肉之外，呢度嘅羊扒亦都系推介嘅食物之一，每一块羊扒都唔算好大件，亦唔会有好多只肥膏，极其量有少少嘅筋同骨连住，羊羶味刚刚好，钟意食羊扒尤其是系钟意羊羶味嘅人一定要试下☺️

呢度嘅海鲜亦都系受欢迎之选，包括有海老、青口、帆立贝等，海鲜唔会有海水或者腥臭味，而且洗得好干净，唔好讲话食啦，就算净系睇嘅话都俾人感觉系好想食同唔污糟嘅👍🏾

除咗肉类同海鲜，呢度仲有唔少嘅主食、野菜、烧物；另外亦有bar枱可以自己选择唔同嘅蔬菜、前菜、甜品、饮品同雪糕等。

甜品方面就试咗忌廉泡芙、朱古力泡芙仲有薄荷朱古力蛋糕，忌廉泡芙有少少腻，相反朱古力泡芙比较无咁腻，朱古力味都唔会太浓厚。薄荷朱古力蛋糕嘅薄荷唔会太出而抢过咗成个蛋糕嘅原味。话虽好食，但系甜品都系适可而止好，因为原来每一个惠顾半放题嘅食客都可以有一杯Haagen Dazs或Movenpick雪糕，而一开始嘅时候仲会送每人一只烧蠔添👏🏾

总括而言，如果你系牛肉嘅爱好者，一定要嚟呢度食返餐牛肉盛宴，包你有意外嘅收获。而店员嘅服务都唔差，上菜同更换隔油纸嘅速度亦都好快，值得一试，挑机睇吓你食到几多牛🐮！