第一次午市黎有啲菜式试唔到，今次晚市黎就预早留定，老板仲喺度监场呢。呢度有唔少功夫多所以市面上鲜有嘅菜式，例如太史戈渣，而且以私房菜黎讲价钱算系几实惠，同长辈庆祝可以考虑下。

留家叉烧
叉烧即叫即烧，呢个部位嘅肉特别松化，㶶边加蜜汁无得输，留意只有晚市供应。

慢煮牛肋肉腐乳芝士汁
一款中西合璧嘅菜式，低温慢煮24小时嘅嘅加拿大牛肋配廖妈记腐乳同蓝芝士酱，牛肋肉入口即化，腐乳芝士汁重口味得黎又几夹，配埋煮到淋又无渣嘅芦笋非常好食，唯一要挑剔嘅系有一两客膏嘅比例较多。

太史戈渣
原材料只有鸡蛋、粟米粉、上汤，但听讲控制火候好考功夫，食落似炸玉子豆腐，但个上汤鸡蛋馅当然香滑得多，点砂糖食梗有风味。

留家烟燻鸡
呢度嘅招牌菜之一，用玫瑰花蕾、片糖同甘蔗烟燻而成，卤汁甜甜地，鸡肉嫩滑入味，必点。

姜葱广岛蠔
虽然蠔仔当然比唔上海鲜档嘅大蠔咁嫩滑，但做到边脆多汁已经好难得，姜葱爆香可盖过腥味，唔错。

鲜拆蟹肉菜茸羹
用大大只碟上好似饮西汤咁，但其实份量唔多，个汤都几浓稠，蟹肉鲜甜，食到蔬菜嘅原味。

艇晒虾酱蒸玻璃肉
半肥瘦猪肉切薄片后落虾酱蒸，我唔钟意肥膏所以难以评价，只能讲虾酱无太咸同埋好入味。

瑶柱扒时蔬
白菜仔每棵都煮到好淋，瑶柱汁唔太杰，好食。

猪膶烧卖
虾饺肉丸上铺左两大件嘅猪润，酱汁带点酒味，朋友几欣赏，我食旧就韧左啲。

芝麻卷
芝麻卷好有弹性，唔会一团粉咁，芝麻味都够浓，仲有啲芝麻碎沙沙地嘅口感，非常出众嘅饭后甜品。

结缘于炉兄的饭局中，大家一见如故，此后三pair也不时聚会，而各人的生辰也分布在不同月份，庆生饭也是由春吃到冬。

一月是我的大日子，友人拣了一家我颇喜欢的中菜馆，亦已预订了数款精选小菜；认真细心周到。

干巴菌盐焗鸡～
其貌不扬但箘香浓郁，愈嚼愈甘香！宜配搭油脂食物以发挥其独特性；馥郁的菌香渗进咸香嫩滑的鸡肉内，实在是天衣无缝的配搭！

太史戈渣～
型似榄核的太史戈渣其实是一味
「用筷子来吃的汤」，食材并不矜贵 (鸡上汤、金华火腿、鸡蛋、生粉)，贵的是「艺」。
将材料混合成浆，使之稀杰适中，成糕糊后待冷却；再放入冰箱令其固定成形。分量控制需拿捏精准，须知道粉浆过薄的话，炸的时候便会很易「穿崩」，过厚，又不够绵滑。油温亦十分讲究；这样才会金黄而不焦㶶、外脆内软，成了溶在口中的鲜品；此味实是食不厌精之表表者也！

虎掌菌五花腩～
一不离二，呢啲菌不单止唔可怕，仲多多益善㖭。粗大肥厚的虎掌菌以奇香见称；犹如黑松露般霸气外露，与肥瘦相间的五花腩混得实在好！

清炒豆苗～
吃了几味浓囗菜，得来点鲜蔬平衡一下吧，简单清炒最是不简单，无遮无掩见真章。翠、嫩、绿；有豆香，各人也吃不停口。

雪菜野生黄鱼面～
乳白的汤、鲜而不腥，黄鱼处理得非常好，刺也挑得干净，味鲜嫩滑！配咸咸脆脆的雪菜，美味程度爆灯！是当晚最喜爱的菜式。 

头抽猪蹄筋～
下栏变珍味的代表之一，蹄筋煮至柔韧弹滑，胶质丰厚，如喜欢味道浓郁一点的，可加少许头抽吊味，滋味更好。

喜欢吃饭的在这里凖会满足，皆因馆子长期也供应数款不同产地的米饭以飨同好。

柬埔寨～
米粒较小及偏黄、口感较干身，个人认为较适合作炒饭。

梦美人～
米粒饱满、晶莹软糯，带淡淡米香。

二澳米～
米粒细长，黏性较强带嚼劲；味甜而甘香，最得我心。 

当然少不了寿包庆生的环节

却原来好戏在后头，知我喜欢品茶，成员们送了个普洱熟茶饼给我，真知我心，未飮心已甜！ 

留家厨房
地址: 湾仔轩尼诗道314-324号 W Square 5楼
电话: 25710913

叫左一碟豉油鸡，佢既味道都唔错，非常浓郁入味，而且份量都几多，足够四个人食。呢碟炒牛柳粒相当好味！佢有劲香既黑椒汁，炒牛柳粒

由知名艺术评论家兼食评家刘健威先生一手创办的「留家厨房」，菜式水准甚佳，虽然这夜我只得两人来此吃饭，不能一尝店内多款必须四位或以上客人方能享用的特别菜式，也没有点叫店中的招牌「留家烟燻鸡」，但这晚所吃的各款菜式，从前菜到炒饭，都既特别，又好味，全部都能让人感到满意。

第一次食呢间餐厅,唔算多人,食物选择唔系好多,不过贵精不贵多,叫左几个点心加一个炒饭,味道唔错,几好食,系价钱贵左少少.