两条友星期日好想饮茶
知道佢有搞放题 锦就啱我呢啲大胃王啦
种类都算还可以
食物质素唔错
员工数目唔多 好多时都要举多两三次手先有人应
另外 炸物特别好食 例如咸水角同生煎义烧包
咸水角好饱满 用料好实在 皮到烟烟韧韧 叫多左几粒试试

义烧包做左两只色 黑色似竹炭味但其实无味
白色似生煎包 脆脆地 入面有几粒义烧 汁唔会太浓稠
比较液态 唔会过重甜味 值得一试

棋子饼 其实系绿豆饼 但系绿豆味唔出 无甜味 唔洗试

大良脆奶 其实入面奶好味 不过出面既面包炸得好油腻感好重

天鹅紫薯酥 好酥 但紫薯味唔出

虾饺 晶凝通透 饱满实在 原只大虾 值得一试

流沙包 热辣辣有油分系入面 邪恶非常

西米糕
入面有奶皇味 口感烟韧唔会太甜 可以一试

鹌鹑蛋烧卖 原粒鹌鹑蛋同烧卖既猪肉其实系两样野 似分开左两样食物 鹌鹑蛋无味 下面猪肉都起码有弹性似食紧猪肉丸锦

蓝莓🫐包
话流心但唔流 似蓝莓蛋糕多过包 一般

春卷有只大虾 脆薄适中 粗幼适中 味道带咸 尚算可以

鸡肉冬菇粒炒饭
入边有晒鸡肉粒 粟米粒 炒饭粒粒分明 几有镬气

鱼皮
爽口 但系有x仔米线既麻辣味 几惹味

肠粉
好滑溜 麻酱甜酱好香浓 够晒热

总结：
-90分钟放题但系冇吹我哋走 坐得几舒服
-食物质素水平算高 散叫都要咁嘅价钱
-服务不过不失 可以多加几个人手
-整体叫做可以一试

点心质素中，任点任食，卖相精致，适合打卡，即叫即蒸，环境宽敞。

👍🏻推荐必叫银湖天鹅酥、怀旧鹌鹑蛋烧卖、云南凉拌猫耳朵、镇江水晶肴肉

👎🏻唔好叫名馆笋尖虾饺皇、香煎腊味萝卜糕、咖喱蒙古羊肉饼、桥底混酱猪肠粉

🌟越早食越好，好多时间热门点心到1点2点就会买晒。

今日同朋友嚟咗铜锣湾希慎广场，谂住一齐食午餐，见到呢间中菜馆—名馆，好似好正咁，所以入咗去试吓 🤤

瑞士汁干炒牛河($72)
- 上枱就已经香气扑鼻，好吸引
- 牛河炒咗都几干身，都几有镬气
- 味道都好香浓，甜甜哋又咸咸哋
- 牛肉片肉质都几鲜嫩，口感唔错

文昌海南鸡饭($68)
- 一上枱已经好有惊喜，摆盘好靓，盘子都好特别，系树叶嘅形状
- 配料都好丰富，有菜心同手拍青瓜，好吸引好正
- 鸡件好新鲜，份量都好足
- 饭方面都系健康之选，系藜麦蒸白饭

豆浆 (冻) (跟餐)
- 豆浆造型好特别，系一个电灯胆造型
- 豆浆好香浓，豆味都几突出，好好

整体嚟讲食物质素都好唔错，一定会再食👍🏻

这间下午茶超抵, 平均$58一个餐送饮品, 仲可以享受无敌摩天大厦景, 仲有一拂山景。 我4点入去, 俾我慢慢叹到5-6点。

海南文昌鸡饭$58
鸡略嫌谐, 鸡和饭份量都ok。
好味指数:🌟🌟🌟
打卡指数:🌟🌟🌟🌟
大份指数:🌟🌟🌟🌟
性价比:🌟🌟🌟🌟
(5🌟为最高分)

酸菜炉鱼片汤米线$58
酸菜汤好味, 鱼片好滑, 米线份量都饱。 赞👍

好味指数:🌟🌟🌟🌟
打卡指数:🌟🌟🌟🌟
大份指数:🌟🌟🌟🌟
性价比:🌟🌟🌟🌟
(5🌟为最高分)

热豆浆
超大杯, 好似店自己整, 够豆味和甜。
好味指数:🌟🌟🌟🌟
打卡指数:🌟🌟🌟
大份指数:🌟🌟🌟🌟
性价比:🌟🌟🌟🌟 备注: 下午茶有点心放题, $148加一及茶芥。

最近日日都在屋企食饭，谂住依家啲人少出街，唔会太多人，所以星期六出去铜锣湾希慎广场食吓嘢， 点知铜锣湾人来人往，和以前没有太大分别，可能啲人困在家太耐，大家都要出来抖抖气！

名馆系我哋都经常帮衬嘅一间食肆，喜欢这里座位舒适，味道吾错，而且奉上每位客人的不是清水，而是我喜爱的健康荞麦茶。

一到餐厅门口就见到有个大招牌写住红烧乳鸽做特价，由原价$58减至$28一只，这里的乳鸽做得唔错，虽然细只咗少少，但系几够juicy, 来之前已经谂住叫，所以毫不犹豫地就入咗去。疫情下果然客人不多，我们选择了面对窗户的卡座，既可欣赏风景又可以无需面对面坐，食得轻松又安心。

食物上菜速度一如过往的快，乳鸽刚炸起，热腾腾，皮脆肉嫩。

笋尖虾饺王size 细细粒称不上心目中的「王」，但胜在皮薄虾肉新鲜弹牙。

太极马拉糕卖相很得，从手工能见厨师的心思，不太甜，热食松软，好味！

五香牛展五菜阳春面算大碗，牛展软硬到位，味道不见太突出，反而是不同颜色的面条吸引了我的视线，相信是如菜名用五种不同的蔬菜造成的面条效果。

希慎会员以前系呢间餐厅系冇优惠的，依家可能改咗竟然有九折优惠，有啲惊喜！