呢度啲饭同汤都系冇味精，几健康，而且选择都多，仲有啲指定嘅特价餐，价钱都系四十几五十蚊就有一盒，一盒饭同一碗汤，都几抵食。而且份量不少，女生一定食不晒。
今日叫左个瑶柱猴头菇无花果煲鸡汤不含汤料配鲜茄炆猪柳饭，呢个特价餐价钱$49。
个汤都几浓味，而且唔会好油，饮完当堂觉得滋润左。
至于个饭配上蕃茄汁，酸酸地几开胃，仲有啲杂菜跟，如红萝卜，青椒，蕃茄，感觉上健康啲。而猪柳肥瘦适中，粒粒煎得几香，份量亦都唔少。个饭就略嫌湿咗啲，干身少少会更好。

怱怱忙忙之下在地铁站买个头抽炒面来吃，份量虽少，但卖相很好，有炒面的色水，也很好吃，而且套餐价也是22元，非常适合少食的人。

这期的椰汁竽头炆鸡饭很好味，竽头好绵，黑胡椒银杏枝竹猪肚汤够足料，套餐价六十九元，价钱比美上茶楼，但的确好吃。

香港人咁忙成日都好难煲到汤饮，又唔想成日食茶餐厅嘅炒粉面饭咁唔健康，所以间中我都会食原味家作嘅汤饭套餐。

今日拣咗蕃茄炆猪柳同埋雪梨苹果汤。猪柳肥瘦适中，配埋蕃茄酸酸地都几开胃，有妈妈饭嘅味道。另外其实佢份量都算几多，因为佢个饭都几大碗，而且仲有碗汤。

至于汤方面呢，个人应为都几清甜几顺喉，应该无乜味精挂。

吃了个冬虫草蒸鸡饭及老火汤，汤饮完不会口渴，真的是有食住家菜的感觉，而且食物不会太油，饭好似加左一些糙米去煮，感觉几健康。