1.Bellboy好似发紧梦咁，企门口系到眈天望天但唔会帮住客开门，永远都系住客自己开门。同埋Bellboy记性好差，只系出去买啲野一个钟都冇，拎住一袋二袋食物返嚟，门佢又唔识开，但又识叫住客探热又追住问系咪check in，叫住客排队check-in，可知佢记性有几差同长期发梦。 2.Front desk 职员冇礼貌可言。一位疑似经理嘅男士check-in交还信用卡时居然系单手俾卡，普通服务性行业都唔会单身俾卡人喇下话！另外Check-in速度极缓慢，讲野一旧旧。俾左卡我叫我转左搭䢂上房但都仲讲紧野，咁我要上房定听佢讲野？ 3.已经上官网book package，4点前check-in但系都话冇浴缸房。冇浴缸就唔住贵酒店喇。 4.房间隔音极差，半夜听到车声同隔离房有男人喺度咳。 5.早餐极少选择，连基本嘅乳酪同粟米片都冇提供。热盘食物唔够热，而且份量根本唔足以应付当日嘅人流。 6. Check-in当日已经有一部升降机围了板暂停使用。所以当日无知地用咗货䢂上房，货䢂同普通䢂一样系大堂，而且外型系冇分别。当日有位企喺䢂口嘅职员亦只顾着换电话并冇提醒客人边一部系货䢂。 7,房间电视可以连...1.Bellboy好似发紧梦咁，企门口系到眈天望天但唔会帮住客开门，永远都系住客自己开门。同埋Bellboy记性好差，只系出去买啲野一个钟都冇，拎住一袋二袋食物返嚟，门佢又唔识开，但又识叫住客探热又追住问系咪check in，叫住客排队check-in，可知佢记性有几差同长期发梦。
2.Front desk 职员冇礼貌可言。一位疑似经理嘅男士check-in交还信用卡时居然系单手俾卡，普通服务性行业都唔会单身俾卡人喇下话！另外Check-in速度极缓慢，讲野一旧旧。俾左卡我叫我转左搭䢂上房但都仲讲紧野，咁我要上房定听佢讲野？
3.已经上官网book package，4点前check-in但系都话冇浴缸房。冇浴缸就唔住贵酒店喇。
4.房间隔音极差，半夜听到车声同隔离房有男人喺度咳。
5.早餐极少选择，连基本嘅乳酪同粟米片都冇提供。热盘食物唔够热，而且份量根本唔足以应付当日嘅人流。
6. Check-in当日已经有一部升降机围了板暂停使用。所以当日无知地用咗货䢂上房，货䢂同普通䢂一样系大堂，而且外型系冇分别。当日有位企喺䢂口嘅职员亦只顾着换电话并冇提醒客人边一部系货䢂。
7,房间电视可以连系YouTube，但多次连线都系无法上网。
8.升降机系冇需要拍卡上房，全部依赖企门口嘅职员check 房卡。
9.check-out当日连普通升降机都突然停止服务，咁唯有答货䢂，点知清洁姐姐话上头要佢消毒部䢂所以唔俾任何人答。我居然要求个清洁姐姐俾我答䢂check-out！到底成件事有几荒谬？我想问到底我唔答䢂嘅话点去大堂check-out？我要行楼梯定开窗跳落去？

总结我觉得成间酒店管理好不知所谓，好怀疑员工有冇受过专业训练。我唔会再住亦唔会推介身边朋友入住！更多